John 6
Mi lising mangaabu pijaba
( Matthew 14.13-21; Mark 6.30-44; Luke 9.10-17 )
6 asigi matungda Jesus-na Galileegi samadra, Tiberiasgi pat, waangmada lengthok-khre. 2 adugaa miyaam yaamna ebungngo-gi tung ellammi, maramdi ebungngona anaaba singda khudam touri touriba adu makhoyna urammi. 3 Amasung Jesus-na chingda lengkhattuna, sebok singga loynanaa phamlammi. 4 Matam aduda araan-chaak khaangba, haaybadi Jews-singgi chaak-khangba adu, naksillammi.
5 maram aduna Jesus-na mit yengkhatpada, miyaam yaamna ebungngo-gi manaakta laakliba uraduna, Philipta haay, makhoy asina chaananaba eikhoyna kadaaydagi tal leigadage? 6 adugaa asi ebungngona mahaakpu chaang yengnanaba haay, maramdi ebungngona kari tougadouribage masaana khngjei.
7 Philipna ebungngo-da khummi, dinari 200-gi tal leirabasu makhoy mi khudingna khajik khajiktang chaabasu okloi.
8 ebungngo-gi sebok-singgi maraktagi amaa Simon Petergi manaao Andrewna ebungngo-da haay, 9 Balinggi tandum mangaa amasung nga ani yaaoriba nupaa machaa amaa asida lei, touegumsung mi asup yaambagi marakta asisingi kari oigadage?
10 Jesus-na haay, mising adu phamthahallu, adugaa mapham aduda naapi yaamna hourammi, asum touna nupaa masing 5,000 rom phamthare. 11 maram aduna Jesus-na tandum adu louduna, thaagat-charaga phamtharibasingda yelle, adugumduna ngasing adusu makhoyna paamba adupki makhei yelle.
12 Amasung makhoy pumnamakna puk thallabada, ebungngona sebok-singda haay, kari amata maangdananaba, lemhouba machet-makaay adu khomjillu. 13 maram aduna makhoyna maadu khomjil-le, amasung mising aduna charaga, balinggi tandum mangaa adudagi lemhouba machet-makaay adu thummok taraanithoi thanna haaple.
14 maram aduna misingna ebungngona toukhiba khudam adu urabada haayrak-e, taaibang-paanda lenglakliba Eesor-gi waa taakthokpa adu achumbamak asini.
Jesus-na achikpa maphamda theidok-khiba, amasung eesinggi mathakta khongna lengba
( Matthew 14.22-27; Mark 6.45-52 )
15 maram aduna ebungngobu ningthou semnanaba, makhoyna laaklaga namduna phagadouri haayba Jesus-na khanglabada chingnungda ebungngo mathanta amuk theidokchakhre.
16 Amasung yachanglakpada, ebungngo-gi sebok-singna samudrada kumthare. 17 adugaa makhoyna hida tongduna Capernaum taanna samudra lallammi, amasung houjik mamkhre, adugaa Jesus-na makhoyda laklamdri. 18 Amasung nungsit kanna sitpagi maramna samudra adu eethak karammi.
19 maram aduna kilometre mangaa taruklom hi hollaklaba matungda, Jesus-na samudra mathakta khongna lenglaktuna hi adu taanna naksil-lakpa makhoyna ui, maaduda makhoyna kire, 20 touegumsung ebungngona makhoyda haay, eini, kiganu. 21 maram aduna makhoyna ebungngobu hida lousinba yaajare, adugaa khudak aduda makhoyna chatliba lam adugi torbanda thungle.
Misingna khudam paamba; Hingbagi achaapot
22 Nongallakpada samudra adugi waangmada leppa miyaam aduna sebok-singna tongba hi nattana atei hi leiba ukhide, adugaa Jesus-na sebok singga loynanaa hi aduda tongkhide, adubu ebungngo-gi sebok-sing ngaakta chatkhi haayba khangkhi. 23 Adum oinamakpu Eesor-na thaagat-charaga makhoyna tal chaaba mapham adugi manaakta Tiberiasdagi hi khara laaklammi. 24 maram aduna Jesussu sebok-singsu mapham aduda leitre haayna miyaam aduna urabada, makhoy masaamakna hi machaasing aduda tonglaga Jesus-bu thiduna Capernaumda laakle. 25 Amasung makhoyna ebungngobu samudra waangmada phanglabada haay, Rabbi, ebungngona mapham asida karamba matamda lengbirakpage?
26 Jesus-na makhoyda khumlak-e, eina nakhoyda thaanggei sengnamak haayribani, nakhoyna eibu thibadi khudam ukhibagi maramna natte, adubu nakhoyna tandum adudagi charaga thankhibagi maramnani. 27 Manggadaba chinjaakki damak nomganu, touegumsung migi machaa nupaa aduna nakhoyda pigadaba lomba naaidaba hingba phaaoba leiba chinjaak adugi damak nomu, maramdi mapaa Eesor-na maangonda chum namle.
28 maram aduna makhoyna ebungngo-da haay, Eesor-gi thabak pumnamak tounanaba, eikhoyna kari touba taabage?
29 Jesus-na makhoyda khumlak-e, Mahaakna thaaraklaba mahaak adubu nakhoyna thaajaba haayba asi Eesor-gi thabak aduni.
30 maram aduna makhoyna ebungngo-da haay, adu oirabadi, eikhoyna uduna nangonda thajana-naba houjik nahaakna kari khudam toubage? adugaa nahaakna kari thabak toubage? 31 eikhoygi epa epu-singna lamjaaoda maanna chaakhi, maasi ekhiba-gumbani, mahaakna swargadagi achaapot chaananaba makhoyda pikhi.
32 maram aduna Jesus-na makhoyda haay, eina nakhoyda thaanggei sengnamak haayribani, nakhoyda swargadagi achaapot pikhiba adu Moses-na natte, touegumsung eigi epaana nakhoyda swargadagi achumba achaapot adu pibibani. 33 maramdi swargadagi kumtharaktuna taaibang paanbada hingba pibiba adu Eesor-dagi achaapotni.
34 maram aduna makhoyna ebungngo-da haay, ebungngo, matam leiba khibikta achaapot asi eikhoyda pibiyu.
35 Jesus-na makhoyda haay, eimak hingbagi achaapot aduni, eingonda laakpa mi adu khak lamloi, amasung eingonda thaajaba mi aduna keidoungeidasu khouranglaroi. 36 touegumsung eina nakhoyda haayre, nakhoyna eibu urabamaksu thaajade. 37 epaana eingonda pibiba pumnamak eingonda laakkani, adugaa eingonda laakpa mi adubu eina khak taanthokloi.
38 maramdi ei ethantagi ningba tounanaba swargadagi kumthaarakpa natte, adubu eibu thaaraklaba mahaakki ningba tounanaba kumthaarakpani. 39 Amasung eibu thaaraklaba ebungngo mahaakki ningba adu asini, mahaakna eingonda pikhiba pumnamak adudagi eina kari amata manghandaduna, akonba numit aduda hinggathannabani. 40 maramdi eigi epaagi ningba adu asini, machaa nupaa adubu ujaduna, mahaakpu thaajaba mi khudingna lombda naaidaba hingba phangjananabani, adugaa eina mahaakpu akonba numit aduda hinggathan-gani.
41 maram aduna, eidi swargadagi kumthaarakpa achaapot aduni, ebungngona haaybagi maramna, Jews-singna ebungngo-gi maramda murum mururm sonnarammi. 42 Amasung makhoyna haaynarammi, maasi eikhoyna mapaa amasung mamaabu khngba, Josephkhi machaa nupaa Jesus nattra? eidi swargadagi kumtharakle, haayna houjik mahaakna karamna haayribano?
43 Jesus-na makhoyda khumlak-e,
nakhoy nasen-gi marakta murum murum sonnaganu. 44 Eibu thraaklaba epa aduna chinglaktrabadi, kanaanasu eingonda laakpa ngamde, adugaa eina mahaakpu akonba numit aduda hingathan-gani. 45 Amasung makhoy pumnamak Eesor-na tambiramba oigani haayna Eesor-gi waa taakthokpa singgi larikta ekhrabani, epaadagi taaraba amasung tamlaba mi khudingmakna eingonda lak-e.
46 Kanaagumba amanaa epaabu ure haayba natte, Eesor-dagi oiba mahaak asitana epaabu ure. 47 Eina nakhoyda thaanggei sengnamak haayribani, thaajaba mi aduna lomba naaidaba hingba phangle.
48 Eimak hingnabagi achaapot aduni. 49 nakhoygi napaa napusingna lamjaaoda maanna adu chasu chaare, sisu sire. 50 kanaagumbana chaaduna sidanaba, swargadagi kumtharakliba achaapot adu asini. 51 Swargadagi kumtharaklaba hingliba achaapot adu eini, kanaagumbana achaapot asidagi charagadi, lomba naaidana hinggani, amasung taaibang paanbana hingnanabagi damak eina pigadaba achaapot adu eigi isani.
52 maram aduna Jews-singna amaaga amaga yetnaduna haaynarakki, karamna nupaa asina mahaakki hakchaang eikhoyda chaanaba piba ngambage?
53 maram aduna Jesus-na makhoyda haay, eina nakhoyda thaanggei sengnamak haayribani, nakhoyna migi machaa nupaa adugi masa chaadrabadi amasung mahaakki ee thaktrabadi, nakhoy nasada hingba leite. 54 eigi esa chaaba amasung eigi ee thakpa mi aduna lomba naaidaba hingba phangle, amasung eina mahaakpu akonba numit aduda hinggathan-gani. 55 maramdi eigi isadi aoiba achaapotni, adugaa eigi eedi aoiba thaaknabani. 56 eigi esa chariba amasung eigi ee thakliba mahaak aduna eingonda etattatana leiribani, adugaa eina maangonda etattatana leiribani.
57 Hingliba epaana eibu thaaraklaba amasung eina epaagi maramna hingba adugumna, eibu chaaba mi aduna eigi maramna mahaaksu hinggani. 58 Swargadagi kumtharaklaba achaapot adu asini, epa epu-singna charaga sikhiba adugumba natte, achaapot asi chaaba mahaak aduna lomba naaidana hinggani.
59 ebungngona Capernaumda tambibada waa asi loysangda haaykhi.
Chingnaba sebok-sing
60 maram aduna ebungngo-gi sebok-singgi maraktagi ayaambana maadu taarabada haaykhi, asi aruba waani, maasi kanaana taaba ngamgani?
61 touegumsung ebungngo-gi sebok-singna asigi maramda murum murum sonnaba adu Jesus masa mathanta khang-jaraduna makhoyda haaykhi, masina nakhoybu khudi thihallibra? 62 adunadi migi machaa nupaa aduna haanna leiramba mapham aduda kakhatpa nakhoyna uragadi, kari haaygadage?
63 Hingba piba adu thawaaynani, hakchaang-nadi karisu tongyaade, eina nakhoyda haaykhiba waa adu thawaayni amasung hingbani. 64 touegumsung nakhoygi narakta thaajadaba khara lei, maramdi thaajadabasing adu kanaano, adugaa ebungngobu pithokkadaba adu kanaano haayba Jesus-na ahoubadagi khngba maramna mahaakna maasi haaybani. 65 Amasung ebungngona haay, maram asina eina nakhoyda haaykhre, epaadagi maangonda pibidrabadi, kana amatana eingonda laakpa ngamde.
Jesus-bu Christa makni haayna Peterana haaydokpa
66 asidagidi ebungngo-gi sebok ayaambana hn-khre amasung ebungngo-ga amuk chatminnakhidre. 67 maram aduna Jesus-na taraanithoi aduda haay, nakhoysu chat-thokningbra? 68 Simon Peter-na ebungngo-da khumle, Eesor, eikhoyna kanaada chatkadage? ebungngo-dadi lomba naaidaba hingbagi waa lei. 69 adugaa ebungngodi Eesor-gi asengba aduni haayba eikhoyna thaajare, amasung khangjare.
70 Jesus-na makhoyda haaykhi, eina nakhoy taraanithoibu khankhraba nattra? adugaa nakhoydagi amadi duyabolni. 71 Simon Iskariyotki machaa-nupaa Judasgi maramda waa asi ebungngona haaybani, maramdi taraanithoi adugi maraktagi amaa asina ebungngobu pithokkadouri.