Job 22
Ahumshuba marei
(22:1-27:23)
Eliphazna haayrammi:
1-2 Khwaaidagi henna shingba mi phaaoba Eeshorgi maphamda kari kaannaba leigage?
3 Nahaakna achumba toubaduna Eeshorda kari kaannabage? Nattraga aphabaduna ebungngoda kari mateng pangbage?
4 Eeshorbu kiba maramna ngasi nahaak ebungngogi maangda waayennaba laakpa natte.
5 Waayel phambei karaklibasi nahaakna araanba kayaa toukhibagi maheini. Pumnamaksi nahaakna toukhiba phattaba thabakki maheini.
6 Kanaagumba sendonba nupaa amadagi shel thouba matamda mahaakna shetliba phi phaaoba munduna louwi.
7 Chokthaaraba mishingduda eeshing khujok amaa pithakkhide, lamlaanba mishingduda nahaakna chaanaba pikhide.
8 Nahaakna napaanggal amadi naroushing shijinnaduna lam pumbaa nahaakki oinaba hotnakhi.
9 Lukhraabi-shingbu tengbangdabata nattana mapaa mamaa leitrabashing phaaoba nahaakna maru kokhankhi.
10 Maramsina nahaakpu koishinkhre awaabana, aduga masina maram oiduna kiba phaorakli.
11 Nahaak karisu ubaa phangdre, echaaona nahaakpu thatchillakpagum toure.
12 Iwang waangba koiroududa Eeshorna ngaanthoibiri, waanglabasu yengthabirakli Ebungngona maphamdudagi thawaan-michakshingda.
13 Adubu nahaakna haayri, "Eeshorna kari khangbage? mahaakti leichinna kuptuna leikhre maramsina mahaakna matou karamna eikhoybu waayenba ngamgani?"
14 Leichinna ebungngobu khanjinba ngamgani ning-e, koirou maalem anigi marakta Ebungngona tattana chatlibani.
15 Phattaba mishingna chatliba lambiduda nahaak chatke ningbra?
16 Makhoygi aroiba pungpham laaktringeida phaaoba eechaao amaa laakpada makhoy chenthakhigadoubani.
17 Eeshorbu thaapna thamkhiba mishingdu makhoyduni, mahaakna karisu touba ngamloi khalli makhoyna.
18 Adubu Eeshorna makhoybu nungaaihanbani, phattaba mishinggi waakhandu eihaak khangba ngamde. Makhoybu cheirak piba matamda aphaba amadi achumba shingna pukningda nokchei.
20 Phattaba migi marandu mangduna tok-e, lemhoubashingdu meina chaktuna tok-e
21 Maramsina Job, Eeshorga yaanaba amaa purakpa phei, ebungngobu yeknaba amaa oinaa loubadu toklo, adu oirabadi Ebungngona nahaakpu kubigani.
22 Ebungngona taakpibadu louba phei, nahaakki thamoida ebungngogi waashingdu chetna thamba phei.
23 Ashengbamak, nahaak pukchel shengna ebungngoda changjaba phei, Nahaakki emungda toukhiba phattaba pumnamak amuk haanna toudaba phei.
24 Sanaasu kaannaba leitre, Khwaaidagi shenglaba phudonglaba sanaadu turenda thadakhro.
25 Paanggallaba Eeshorbu sanaadu oihallu, peikhatlaba silverdu ebungngobu oihallu.
26 Adu oirabadi Eeshorbu thaajaba ngamgani, masina nahaak napunsidu yaamna nungaaina lengani.
27 Nahaakna haayjaba matamda Ebungngona paaoukhum pibigani, nahaakna shaakkhiba waashaktu ngaakpana phei.
28 Nahaakna touruba khuding maay paakkani, nahaakki lambidu ngaangani.
29 Eeshorna napan toubadu thudekpi, nollukpa midubu Ebungngona kanbi.
30 Naran leitrabadi Ebungngona nahaakpu kubigani, kanbigani Ebungngona nahaakna achumba tourabadi.