Hosea 12

1 Ephraim nungshitpu senba yaaoshenbani, numit chuppa Nongpoklomdagi sitlakpa nungshittubu tanduna lei, makhoyna namthaak amadi tamthiba hen-gathalli. Makhoyna Assyriaga mamal tiknei, aduga Egypt leibaakta thaogi loipot kai.

 2 Eeshorna Judahgi mathakta awaapham amaa pigadouri, Jacobpu maagi lamchat matung ennaa dandi pigani. Mahaakki phattaba thabakki matung ennaa dandi phanggani.

3 Gharbhanungda leiringeidasu mahaakna maagi mayaambabu laakhatli. Aduga mahaakna chaaora sanglaga Mapuga muknei. Laireipakki dut oiba maramna khongpham lenglamde,

4 Mameithangda Jacob mamitta mapi taaraduna bor nijarammi, asigi matungda Bethelda Eeshorna maaga unakhi. Maphamduda Eeshorna maangonda waa ngangbikhi.

5 Adugumba ebungngodugi minglendi nongthak nongkha anigi mapu, Eeshor kouwi.

6 Maramsina nakhoy pumnamak Eeshorgi thoujaalgi mapaanna samai leiraklo, chetna channa nungshiba amadi achumbadu phajanaa chatpa ngamnaba houtnou. Aduga loynanaa nakhoygi ebungngobu ngaaiduna leijou

Waayenbigani haaybagi achet wa

7 Namthaak touba yaaba ser phaladu lalonbashinggi makhutta leibani, makhoyna namthaak touningai.

8 Ephraimna haayjari, eidi enaak khulli, eigi konanaba lan-gei leire, adubu maagi lan-thum pumnamaktuna oiba yaaroi maramdi mahaak paap yaamna touwi,

9 Egypt leibaaktagi nakhoybu kouthokpa numittudagi ngasi phaaoba eihaak nakhoygi Eeshor oiraklibani. Houkhiba matamda toukhibagumna nakhoybu amuk haanna eina khaangpoksangda leihn-gani,

10 Eina waa taakthokpa shingda waa ngangkhre. Eini makhoyda mathang mathang oinaa laaibao pikhibadu. Waa taakthokpa shinggi mapaanna eina praman touduna kayaa amaa ngangkhre.

11 Gileadta paap tourabadi makhoy arembada taagani, Gilgaldana makhoyna sanlaba kattuna erat puja touwi, adubu makhoygi phaankhongshingdu loubukki yotlamda taaba nunggum oigani.

12 Jacobna Mesopotamiada chenkhirammi, maphamduda Israelna nupi amaa phangnanaba yaao sellammi.

13 Waa taakthokpa amagi mapaanna makhoybu Egypt leibaaktagi pubirakle, waa taakthokpa amagi mapaanna makhoybu yokpirakle.

14 Ephraimna ashaaobagi meiri kahalle, maramsina maagi Eeshorna emu naimu taaraba phaaobada mahaakpu yenglaroi. Mahaakna toujabagi mahei pumnamak maagi makokta taahangani.