Matthew 16

Khudam nijabada Jesusna yaabidada

( Mark 8.11-13; Luke 12.54-56 )

1 Amasung pharisi shingga saddukishingga laaklaga ebungngobu chaang yengba oinaa swargadagi khudam amaa makhoyda uhannanaba ebungngoda haayjarammi.

2 Touegumsung Ebungngona makhoyda khumlak-e, numidaang-waai oirakpada, nakhoyna haay, nong ching thangdaba numit oigani, maramdi atiya asi ngaang-e;

3 Amasung ayuktana, ngasi nong ching thaangba numit oigani, maramdi atiya asi ngaangi amasung mamsilli. Nakhoyna atiyagi matou yenglaga kari thokkani haayba khang-e, touegumsung matamgi khudamdi kari thokkani haayba ngamde.

4 Phattaba amasung nupi laannaba mironna khudam thi, amasung Jonahgi khudam nattana khudam amata maduda piraroi. Adudagi Ebungngona makhoybu thamlamduna chatkhre.

Ebungngona sebokshinggi waakhal taadaba adu waarakpiba

( Mark 8.14-21 )

5 Matung aduda sebokshingna waangmada laakpada tal purakpa kaoramle;

6 Amasung Jesusna makhoyda haayrammi, pharisi amasung saddukishinggi haamei adu cheksillu amasung saajel tou.

7 Aduda makhoy masen khannaduna haaynei, eikhoy tal purakte.

8 Jesusna madu khangladuna haayrak-e, he thaajaphaattabasa, nakhoygi tal leite haayduna nakhoy nashen karigi khannabage?

9 Mi 5,000 Adugi tandum mangaa amasung nakhoyna thummuk kayaa khun-gatpage haayba,

10 Aduga mi 4,000 Adugi tandum taret amasung nakhoyna thummuk kayaa khun-gatpage haayba adu nakhoyna houjik phaaoba khangsu khangdribara, aduga ningsu ningshingdribara ? 11 Eina talgi maramda nakhoyda ngaangde haayba adu nakhoyna karamna khangdabage? touegumsung pharisi amasung saddukishinggi haamei adubu saajel tou.

12 Matam aduda talgi hameibu natte, touegumsung pharisi amasung saddukishinggi tambiba adubu saajel tou, haayna Ebungngona yaathang pibani haayba makhoyna khangjare.

Jesusbu Christa makni haayna Peterna haaydokpa

( Mark 8.27-30; Luke 9.18-21 )

13 Jesusna Caesarea Philippigi laamda laakpada, mahaakki sebokshingda hanglak-e, mishingna migi machaanupa adubu kanaani haaynabage?

14 Aduga makhoyna khumlak-e, kharana buptized toubiba John aduni, kharana Elijahni amasung ateishingna Jeremiahni nattraga Eeshorgi waa taakthokpa shinggi amani, haay.

15 Jesusna makhoyda haay, adubu nakhoynadi eibu kanaani haaynabage?

16 Amasung Simon Peterna khumlak-e, ebungngo nahaakti ahingba Eeshorgi machaanupa, Christa aduni.

17 Aduda Jesusna maangonda khumlak-e, Jonahgi machaanupa Simon, nangdi yaaiphei; maramdi swargada leiba eigi epa nattana ee-tong yaaobana maasi nangonda phongdoklamba natte.

18 Aduga eisu nangonda haayri, nangdi Peterni, amasung nungjaao asigi mathakta eina eigi shinglup hougani, aduga khamnung leibaakki thong aduna madubu laaksilloi.

19 Eina nangonda swarga leibaakki sho adu pibigani; amasung prithibida nangna karigumba punba adu swargada pun-gani, aduga prithibida nangna karigumba thaadokpa adu swargada thaadokkani.

20 Matam aduda Ebungngona sebokshingda, ei Christani haayba asi kanaadasu haaydokkanu haayna kanna shinnare.

Jesusna mahaakki shiba amasung hinggatpagi waa maangjounana khanghanbiba

( Mark 8.31-9.1; Luke 9.22-27 )

21 Matam adudagi Jesus Christana mahaakki sebokshingda, mahaakna Jerusalemda chatpa taay, ahallaman shing, athoiba purohit shing amasung shaastragi ojaashing makhutta ayaamba awaa-anaang khangle haayraga, mahaakpu haatpa taay amasung numit humni shubada hinggatpiba taay, haayba asi utpa houre.

22 Amasung Peterna ebungngobu manaakta pusillaga waarakpa hourak-e, Eeshor, madu Eeshorna thaapna thambisanu, madu ebungngoda shukoi oiroi.

23 Touegumsung Ebungngona onsillaaktuna Peterda haayrak-e, etungda chatthokkhro, Satan; nahaak asi eigi khudi thipham amaa oire; maramdi nahaakna Eeshorgi oiba adu khan-de, touegumsung migi oiba adu khalli.

Mina masha mathantabu yaajadanaba Jesusna kouba

24 Matam aduda Jesusna mahaakki sebokshingda haayrammi, kanaagumbana eigi etung enning-labadi, mahaakna masha matomtabu yaaja-dasanu, mahaakki cross loukhat-sanu amasung eigi etung enjasanu.

25 Maramdi mathawaay kanjaningba kanaagumba aduna madu mangja-gani; aduga eigi maramgidamak mathawaay mangjaba kanaagumba aduna madu phangjagani.

26 Maramdi mi amanaa taaibang-paan apumbaa phangjaraga, mahaakki thawaay mangjarabadi, maagi kari tongjabage? nattraga mi amanaa maagi thawaayga kariga shinnagadage?

27 Maramdi migi machaanupa aduna mahaakki mapaagi matik mangaanda mahaakki swargadut shingga loynanaa laakkani, amasung matam aduda mi khudingmakta maagi maagi thabakki matung ennaa mahei pibigani.

28 Eina nakhoyda thaanggei shengna haayribani, asida lepliba makhoy kharadi, migi machaanupa aduna mahaakki ningthou-leibaakta laakpa udriba phaaoba shibagi mahaao khak tangloi.