Mark 6
Nazarethta Jesusbu yaadaba
( Matthew 13.53-58; Luke 4.16-30 )
1 Amasung mapham adudagi chatthokkhiduna, Ebungngona mashaamakki khunda laak-e; amasung sebokshingna ebungngogi tung elli.
2 Aduga potthaaba numit oirabada Ebungngona loysangda tambiba houre; amasung ataaba ayaamba aduna engak ngakladuna haayrak-e, nupaa asigi pumnamak asi kadaaydagino? aduga nupaa asida piriba loushing amasung mahaakki makhutna asigumba toungamdaba toukhiba thabakshing asi karino?
3 Asi u shubaa mi, Marygi machaanupa, James, Joseph, Judas amasung Simon-gi mayaamba adu nattra? aduga mahaakki machanshing asida eikhoygi enaakta leiba nattra? Matou asumna makhoyna ebungngoda khudi thire.
4 Amasung Jesusna makhoyda haayrak-e, Eeshorgi waa taakthokpa mibu mahaakmakki mareibaakta, mahaakmakki shaagei marakta, amasung mahaakmakki emung manungda nattana ekaai-khumnadaba natte.
5 Aduga Ebungngona anaaba mi kharagi mathakta khut thambiduna makhoybu phahanbikhiba adu nattana, toungamdaba thabak kari amata maduda Ebungngona touba ngamde.
6 Amasung makhoygi thaajadaba maramna Ebungngona ngaklammi. Aduga Ebungngona khun khunda tambi tambiduna koyna laak-e.
Sebok taraanithoibu thaba
( Matthew 10.5-15; Luke 9.1-6 )
7 Amasung Ebungngona taraanithoi adubu kouraga, makhoybu ani ani oinaa thaaba houre; aduga Ebungngona makhoyda shengdaba thawaay shingbu ngamnaba matik pibire;
8 Amasung cheishu amaa nattana, achaapot, paaitukhao, sen-gaaoda sel. Kari amata langpheigidamak puganu;
9 Touegumsung khongda khugraang tong-u, aduga phuritti ani litkanu haayduna Ebungngona makhoyda yaathang pire.
10 Amasung Jesusna makhoyda haayre, nakhoyna karigumba yum amada changle haayraga, mapham adudagi chatthoktriba phaaoba aduda leiyu.
11 Aduga karigumba mapham amagi mina nakhoybu loushinbidrabadi, nattraga taabidrabadi, nakhoyna mapham adudagi chatthokpada, makhoyna saakhi oinaba nakhoygi khuyaagi uphun kanthoklammu
12 Amasung makhoyna chatthokkhiduna, mina pukning hongnaba paao shaandokle.
13 Ayaamba bhut shingbu taanthok-pirammi, aduga anaaba ayaambabu thaao teibiduna phahanbirammi.
Buptized toubiba Johnbu haatpa
( Matthew 14.1-12; Luke 9.7-9 )
14 Amasung Herod ningthouna taare; maramdi ebungngogi ming phaaorammi, Amasung buptized toubiba Johnna ashibashinggi maraktagi hinggatle; maram aduna maangonda toungamdaba thabak toubagi matik leiribani, haayduna makhoyna haaynarammi.
15 Touegumsung ateishingna, maasi Elijahni haay, aduga ateishingnadi, maasi Eeshorgi waa taakthokpa shinggi amagumba, Eeshorgi waa taakthokpa amani haay.
16 Touiagumbasung Herodna taarabada haayrak-e, eina makok kakkhiba John adu hinggatle.
17 Maramdi Herod-makna mahaakki manaao Phillipki nupi Herodianbu paannarambanina, mahaakki mashunglaanggi damak mi thaakhiduna, Johnbu phaaraga keishumshangda punkhi.
18 Maramdi Johnna Herodta haayrammi, nahaakki nanaaogi nupibu nahaakna louba waayel kaay.
19 Touegumsung Herodiana mahaakpu yengsu yengthire, hatsu haatningle, adubu ngamlamde.
20 Maramdi Herodna Johndi dharma chenba amasung ashengba mini haayba khaangduna, mahaakpu kiduna ngaakpirammi, aduga mahaakki waa taabada pukning laangtak-narabasu, mahaakki waa taaba nungaaire.
21 Amasung Herodna mahaakki angamba shing, laanmigi athoiba luchingba-shing amasung Galileegi achou asangshingda mahaakki mapok numitki chaakkhaangba matamda khudong chaaba numit laakle,
22 Matam aduda Herodiagi machaanupi changduna jaagoi sarabada, Herod amasung mahaakka phammin-nabashingbu pelhalle, adudagi ningthouna leishaabi aduda haayrak-e, nangna paamba adu nijou, aduga eina madu nangonda pibigani.
23 Amasung mahaakna maangonda waashakle, nangna eingonda kari kari oirabasu nijaba, eigi leibaak tangkhay phaaoba, eina pibigani.
24 Aduga manaa chatthokkhiduna mamaada haayrak-e, eina kari nigadabage? maduda mamaana haayrak-e, buptized toubiba John-gi makok.
25 Amasung manaa ningthougi mapham taanna thuna hek laaktuna nijarak-e, Ebungngona buptized toubiba John-gi makok sempaak amada haaptuna eingonda houjikmak pibiba eina pamjei.
26 Maduda ningthou aduna thawaay yaamna waarabasu, mahaakki waashakki amasung mahaakka phammin-nariba-shinggi maramna maabu yaadaba touningdre.
27 Khudak adumaktada ningthouna mahaakki santrishingdagi laanmi amabu thaakhiduna mahaakki makok puraknaba yaathang pire. Amasung manaa chatkhiduna keishumshangda mahaakki makok kakluraga,
28 Madu sempaak amada puraktuna leishaabi aduda pire; aduga leishaabi aduna mamaada madu pire.
29 Maasi taarabada, mahaakki sebokshingna laaktuna mahaakki ashibaa hakchaang adu louraga, mongphamda thamjille.
Jesusna mi lishing mangaabu pijaba
( Matthew 14.13-21; Luke 9.10-17; John 6.1-14 )
30 Amasung paaokhon-chatpa-shingna Jesusgi maphamda tilladuna makhoyna kari kari toukhiba amasung kari kari tambikhiba pumnamak adu ebungngoda tamlare.
31 Aduga Jesusna makhoyda haay, laak-u, nakhoy nashaamakna achikpa maphamda tongaanna ngaaihaak potthajaro, maramdi ayaambana chatthok chatshin toubana makhoyna chaanaba phaaoba matam phanglamde.
32 Amasung makhoyna hina achikpa mapham amada tongaanna chatthokle.
33 Aduga makhoyna chatpa adu ayaambana uduna khangle, amasung saahar pumnamaktagi khongna mapham aduda chensillaaktuna makhoybu haanna thunglamle.
34 Maduda Ebungngona thoklaktuna miyaamshingna urabada, makhoy adu senbiba leitba yaaoshinggum oirambagi maramna, Ebungngona makhoybu nungshiba pokle; amasung Ebungngona makhoyda hiram ayaamba tambiba houre.
35 Amasung houjik numit theng-khrabada sebokshingna ebungngogi maphamda laaktuna hanggatlak-e, maasi achikpa maphamni, houjik numitsu yaamna thengkhre;
36 Akoybada leiba lawaai amasung khunda makhoyna chatkhiduna chaanaba kari karigumba leijarunaba makhoybu thaabikhro.
37 Touegumsung Ebungngona makhoyda khumlak-e, nakhoyna makhoyda chaanaba piyu, aduga makhoyna ebungngoda hangatchei, eikhoyna chattuna denari 200-gi tal leiraga, chaanaba makhoyda pigadra?
38 Maduda Ebungngona makhoyda hanglak-e, nakhoyda tandum kayaa leibage? Chattuna yeng-u, aduga khanglabada makhoyna haay, manga, aduga nga ani lei.
39 Amasung makhoy pumnamkpu kaanglup kaanglup oinaa naapi asangba mathakta phamhallu haayduna Ebungngona makhoyda yaathang pire.
40 Aduga makhoyna chaamma amasung yaangkhei oinaa pareng pareng phamthare.
41 Amasung Ebungngona tandum mangaa aduga nga ani aduga louraga swargada yengkhattuna bor pibire, amasung tandumshing adu thugaayduna mamaang mamaangda yennaba sebokshingda Ebungngona pire; aduga nga ani adu pumnamakta yenbire.
42 Amasung makhoy pumnamakna chaaduna mapuk thalle.
43 Aduga makhoyna machet-makaay nga adugisu yaaona thummuk taraanithoi thanna khun-gatle.
44 Amasung tal adu chaakhibashing nupaa 5,000 oirammi.
Jesusna eeshing mathakta khongna chatpa
( Matthew 14.22-33; John 6.15-21 )
45 Amasung khudak aduda ebungngo mashaana miyaam adubu thaadoklingeida, ebungngogi sebokshingbu hi tongduna maang thaana waangmada Bethsaidada chathalammi.
46 Amasung Ebungngona makhoyga khaainaba matungda haayjana-naba chingda chatkhre.
47 Aduga numidaang-waai oiraklabada hi aduna louktaak mayaaida amasung Ebungngonadi matomta kangphaanda leirammi.
48 Amasung nungshitna makhoyda maayoknaba maramna hi honbada makhoyna yaamna waaba ubada, nongngalamdai pung 4:00 aduwaaida Jesusna eeshing mathakta makhongna chaatuna makhoy taanna laak-e, Amasung Ebungngona makhoybu hendokke tourammi;
49 Touegumsung eeshing mathakta makhongna chatpa ebungngobu ubada, makhoyna tamnaba laaini haayna ningladuna laaorakle;
50 Maramdi makhoy pumnamakna ebungngobu uraduna paakhatnare. Adubu Ebungngona khudak adumaktada makhoyga ngangnaraduna haayrak-e pukning lumna leiyu, eini; kiganu.
51 Amasung Ebungngona makhoy taanna hida laakpaduda nungshit lepkhre. maduda makhoy masha mashaamak ngaakpana thanle.
52 Maramdi makhoyna tal adugi marida khandare, touegumsung makhoygi thamoi kallammi.
53 Adudagi makhoyna laanthokkhiduna, Gennesaretki lamdamda laaklaga torbanda hi thangle.
54 Amasung makhoyna hidagi thoklaklabada, mishingna ebungngobu hek shaak khangladuna,
55 Maaykei apumbaa koichel chellaklaga, ebungngo lei haayna makhoyna taaba mapham mapham aduda anaabashingbu makhoygi hipnaphamga konnana koipu puba houre.
56 Aduga Ebungngona changkhi changkhiba khul oirabasu, saahar oirabasu, lawaai oirabasu, anaabashingbu mi tinpham tinphamda thamduna, makhoyna ebungngogi phiji aduta shokchannaba ebungngoda haayjarammi; aduga shokchaba makheibu pumpha phahanbire.