Ezekiel 27
Tyre sibagi esei
27 Eesor-na eingonda haaybikhiba waasing:2 he nupaa, houjikti Tyregi mathakta tengtha naoiro. 3 Tyreda haay-u, he Tyre, samudragi hithangpham chaana leiriba, samudra mapaan amadi ethat kayaada lalon-itikki makok oinaa leiramba leibaak, nahaakki mayokta mapu ebungngo Eesor-na phongdokliba waasi taro:
he Tyre, nahaakna haaykhi, phajabada eihaak mangaire,
4 Nahaakki ngamkheidu samudragi aroiba maphamduda leiri, nahaakpu semgat saagatkhibasingdua phajahankhi nahaakpu mapaa leitaana.
5 Nahaakki khan-gatliba upaksingdu senirdagi purakpa uchal paambidagi semkhi. makhoyna Lebanandagi deodar paambi amaa puraktuna nahaakki cheikhok oinaa yungkhatkhi.
6 Nahaakna sijinnariba nousingdu Basandagi purakpa uyung paambidagi semkhibani. Nahaakki jahajgi phambaktu Chittimdagi purakpa uchan paambidagi semkhibani. Masigi mathakta yeikhi saamu mayaana hajang oina.
7 Egypt leibaaktagi purakpa mapaan lollaba phiduna oikhi nahaakki pal, mahaakki khannaba khoiru phidu sangbanaba amadi ngaangleinaba Elisah kouba samudra khongbalda leiba lamdudagi purakpani. masina nahaakki nungsit yaan-naba phidu oihankhi.
8 Zion amadi Arvadta leiba misingbu nahaakki hi honbasing oihankhi, Jemar kouba lamdagi hei singlaba misingna nakhoygi narakta hinao saaba mi oinaa leikhi.
9 Negevgi ahansing amadi masigi heisinglabasingdu nakhoygi narakta yaokhi, thougankhi makhoyna phina paayduna, samudrada chatliba jahaj pumnamak nahaakki naphamda laakkhiba ngaktani, leinanaba nahaakki naphamdagi pot awaatpasingdu.
10 Nahaakki laanmisinggi marakta Persia, Lud amadi Phutki misingsu laanmi oinaa yaokhi. makhoyna nahaakki akoybada chunggoi amadi laanda uppa tuppinachingba paayduna leikhi, makhoyna nahaaku ngamkhei leitaana chaaohankhi,
11 Arvad amadi Helikta leiba misingna nahaakki chekpandu koisinkhi, nahaakki Laanjabungda Gammadki misingna lanjaduna leibaak ngakkhi, nahaakki akoybada leiriba chekpansingda makhoyna chunggoi paayduna ngakkhi. makhoyna nahaakpu awaatpa karisu leihankhide.
12 Nahaakki naransingdu yengduna Tarsisna nahaakka lalon-itik tounakhi. Nahaakki lalon potsingduga makhoyna silver, yot tin, amadi misiga sinnakhi. 13 Javan, Tubal amadi Mesechna nahaakka lalon-itikki thabak toukhi. makhoyna nahaakki lalon potsingduga minaai amadi pithraaina saaba jahajga sinnakhi 14 Beth Togarmahna nahaakki lalonpottuga sinnakhi sagol laangi sagol amadi khachar. 15 Dedan-singna nahaakka lalonitikta mari leinakhi. Samudra mapaanda leiriba lalon-itikki maphamsingdu nahaakki nakhutta leikhi. makhoyna nahaakki naphamda saamu maya amadi amuba usingdu purakkhi. 16 Nahaakki mapaan naaidraba potsingdu yengduna Edomna nahaakka lalon-itikki mari leinakhi. Nahaakki potsingdugi mamal oinaa makhoyna asangba mani, ngaangleinaba mani, khutna lonba phi, phajraba krabrang phi, angouba nung amadi mamal yaamlaba nung makhal kayagi puraktuna pikhi. 17 Judah amadi Israelnachingba leibaaksingnasu nahaakka lalon-itikki mari leinakhi. Nahaakki potsingdugi mamal oinaa makhoyna gehu, chorphon, nganna paanba theibong, khoihi, thaao amadi hidaknachingba pikhi. 18 Nahaakki mapaan naaidraba potsingdu yengduna Damascusna nahaakka loynanaa lalon-itikki thabak toukhi. Nahaakkida phangliba mamal naaidraba potsing makhal mathen kayadu yengduna Helbonda sungliba yu, angouba makhalgi samtu, 19 Izalda sungba yunachingbadu makhoyna puraktuna nahaakki potsingduga sinnei. makhoyna nahaakki potsingdugi mamal oinaa mei changlaba yot, usingsa, amadi thumlaba chunachingba pikhi. 20 Dedanna nahaakka lalon-itikki mari leinabada sagol sabannachingba nahaakki naphamda yonkhi. 21 Arabia amadi Kedargi ningthou machaasingna nahaakki naphamda yao, amadi haamengnachingba puraktuna lalon-itikki thabak paaykhatkhi. 22 Seba amadi Raamahgi lalon-itik toubasingnasu nahaakka mari leinakhi. Nahaakki potsingdugi mamal oinaa makhoyna mamal yaamlaba maru maraang mamal yaamlaba nung, amadi sanaa puduna laakkhi. 23 Harran, Kanneh,Eden Asur amadi Kilmadnachingba leibaaksingsisu nahaakka lalonbagi mari leinakhi. 24 Haayriba leibaaksingsiga nahaakka mari leinaba matamda makhoyna khan-gatlaba phijet, mureinaba, khutna lonba, machu makhal kayagi Galicha phida, thourina londuna saraba potsingsi puraktuna nahaakki naphamda pire. 25 Tarsiski jahajna nahaakki naphamda lalon pot kayaa puduna laakkhi. Matou asumna nahaak samudra eyaaida leidunasu potlum puraba leibaak amaa oirammi. 26 Nahaakki nou paibasingduna nahaakpu eyaaida taahalle,
27 Nahaakki naran, nahaakki lalon potsing, nahaakki mamal yaamlaba yonnanaba pot, nahaakki jahaj, nahaakki jahajbu holliba mising, nahaakki phi paayduna seba chatlibasing, nahaakki lalon pot lounanaaba sing, nahaakki nakhada leiramba laanmising, nahaakki miyaam nakhada leirambasing, loynaba nahaakna narai chaithaba numittuda samudra eyaaida lupkhi.
28 Nahaakki jahaj thoubaa-singgi khonjendu taabada samudra mapaanda taariba misingna kiraduna nikkhi.
29 Thaadoktuna jahaj chenkhi hi honbasingduna, hi honbasing himai chumlibasingduna samudra khongbalda kakkhatkhrabada,
30 Nahaakpu ningsingduna tengthaari thamoi sokna, makhoyna makokta uphun chaikhatli adugaa ut marakta olli.
31 Nahaakki awaabadu ningsingduna makhoyna masam phoikhi, setkhi makhoy een maanba phi, makhoyna nahaakki maramgidamak thamoi sokna khonpham kaina tengthaabikhi.
32 Makhoyna asumna tengthaaringeida nahaakkidamak tengthaaron amaa thok-hankhi, makhoyna thok-hankhiba tengthaaron: Samudra mapaanda leiriba Jaatsinggi marakta Tyrega maannana tumna maangkhiba karamna leibaak leibage?
33 Samudradagi nahaakki lalon potsingdu thunglaba matamda nahaakna pelhankhi kayabu, nahaakki mapaan naaidraba naran amadi lalon potsingduna maalemsida leiriba ningthou kayabu enaak khulhankhi.
34 Adubu houjikti samudra eyaaida nahaak nahaakka loynanaa nahaakki lalon potsing adugaa hihonbasingdu mangkhre,
35 Samudra mapaanda taariba Jaatsingsina nahaakpu uraga taiphet taire, makhoygi ningthou-singdu hainingai leitaana kiba pokle, makhoygi maaythong makaa langsille.
36 jaat atei ateigi lalonbasingna nahaakki matousi yenglaga ema laori. houjikti nahaak akibaa phanglaba aroiba matamduda laakledo. laakkadaba matamda nahaak hougatpa ngamloi,