John 16
Khaainaramdaigi waa
1 Nakhoybu khudi thihan-danaba, eina nakhoyda waashing asi haaykhre.
2 Makhoyna nakhoybu loisanggi kaangluptagi enthokkani, hoy, nakhoybu haatpa kanaagumbana mahaak Eeshorda katchari haayna ninggadaba pungpham adu laak-e.
3 Amasung makhoyna epabusu eibusu khangdaba maramna thabakshing asi makhoyna tougani.
4 Touegumsung makhoygi pungpham adu laaklabada, eina nakhoyda madu tambikhibani haayba nakhoyna ningshing-nanaba, eina nakhoyda waashing asi haaykhre. Aduga eina nakhoyga leimin-nabaa maramna ahoubadagi eina nakhoyda waashing asi haayde.
5 Adubu houjikti eibu thaarakpa ebungngo mahaakki maphamda ei chatkadouri, aduga nakhoygi naraktagi kanaa amatana eingonda kadaayda chatkadouribage haayba hangde.
6 Touegumsung eina nakhoyda waashing asi haaykhiba maramna nakhoygi pukning waabana thalle.
7 Adum oinamakpu eina nakhoyda achumba haayribani, ei chatthokpa asi nakhoygi damak tongjabani, maramdi ei chatthoktrabadi, pang-biba aduna nakhoygi maphamda khak laakloi, adubu ei chatlabadi, ebungngo mahaakpu eina nakhoyda thaarakkani.
8 Amasung ebungngo mahaakmakna lengbiraklaga, paapki maramda, dharma chenbagi maramda amasung waayenbagi maramda taaibang paanbabu maraal khanghanbigani:
9 Paapki maramdi, makhoyna eingonda thaajade,
10 Dharma chenbagi maramdi, epaagi maphamda ei chatkadouri, aduga nakhoyna eibu amuk uroi,
11 Amasung waayenbagi maramdi, taaibang paanba asigi mapubu waayel toukhre.
12 Eina nakhoyda haaygadaba waa amuk yaamna lei, adubu nakhoyna houjik madu khangba ngamloi.
13 Touegumsung ebungngo mahaakna, haaybadi achumbagi thawaay aduna, lengbiraklaga, ebungngo mahaakna nakhoybu achumba pumnamakta chingbigani, maramdi ebungngo mahaakna mathantadagi ngangloi, adubu ata ataaba adu ngangbigani. Aduga thokka thokkadaba adu nakhoyda khanghanbigani.
14 Ebungngo mahaakna eibu matik mangaan chaaohanbigani, maramdi ebungngo mahaakna eigidagi louduna nakhoyda madu khanghanbigani.
15 Epaagi areiba pumnamak adu eigini, maram asina ebungngo mahaakna eigidagi louduna nakhoyda madu khanghanbigani haayba eina haayre.
16 Matam khara leiraga nakhoyna eibu ubaa phangloi, aduga amuk khara leiraga nakhoyna eibu ugani.
17 Maram aduna ebungngogi sebokshinggi maraktagi kharana amaga-amaga haaynarak-e, khara leiraga nakhoyna eibu ubaa phangloi, aduga amuk khara leiraga nakhoyna eibu ugani, amasung, maramdi ei epaagi maphamda chatkadouri, haayduna Ebungngona eikhoyda haayba asi karino?
18 Maram aduna makhoyna haayrammi, khara leiraga haayba Ebungngona haayba asi karino? Ebungngona haayribasi karino haayba eikhoy khangde.
19 Makhoyna hangjaningba adu Jesusna khangladuna makhoyda haay, khara leiraga nakhoyna eibu ubaa phangloi, aduga amuk khara leiraga nakhoyna eibu ugani haayduna eina haaykhiba asigi maramda nakhoy nashen-gi marakta thinaribra?
20 Eina nakhoyda thaanggei shengnamak haayribani, nakhoyna kapsu kapkani, tengsu tengthaagani, adubu taaibang paanbana haraaogani, nakhoyna pukning waagani, adubu nakhoygi awaaba haraaobada ongani.
21 Nupina angaang unaba matamda waai, maramdi mahaakki matam laakle, touegumsung mahaakna angaang adu poklabada, mi amaa taaibang-paanda pokle haaybagi haraaoba maramna, awaa-anaa adu mahaakna amuk ningshingde.
22 Asum touna nakhoysu houjik pukning waari, adubu eina nakhoybu amuk unagani, aduga nakhoygi pukning haraaogani, amasung nakhoygi haraaoba adu kanaanasu nakhoydagi louthokloi.
23 Amasung numit aduda nakhoyna waahang kari amata eingonda hangloi. Eina nakhoyda thaanggei shengnamak haayribani, nakhoyna epaagi maphamda karigumba nijarabadi, ebungngo mahaakna eigi mingda madu nakhoyda pibigani.
24 Houjik phaaoba nakhoyna eigi mingda karisu nijadri, nijou, aduga nakhoygi haraaoba mapung phahannanaba nakhoyna phangjagani.
25 Hiram shing asi paandam oinaa eina nakhoyda haayre, nakhoyda amuk paandam oinaa ngangdaduna epaagi maramda phongna eina nakhoyda takthokpigadaba pungpham adu laak-e.
26 Numit aduda nakhoyna eigi mingda nijagani, aduga eina nakhoygi damak epaada haayjagani haayba eina nakhoyda haayde,
27 Maramdi epa ebungngo mahaakmakna nakhoybu nungshi, maramdi nakhoyna eibu nungshire amasung eina epaadagi laakpani haayba nakhoyna thaajare.
28 Ei epaadagi thoklaktuna taaibang-paanda laakle, amuk ei taaibang-paan thamlamduna epaagi manaakta chatkadouri.
29 Ebungngogi sebokshingna haay, yengbiyu, houjik Ebungngona phongna haaybiduna paandam oinaa karisu ngangbide.
30 Ebungngona pumnamak ekhang khang-e, aduga kanaagumbana ebungngoda hangpham leite haayba houjikti eikhoyda khang-e, asigi mapaanna, Eeshordagi ebungngo thoklakpani haayba eikhoy thaajei.
31 Jesusna makhoyda khumle, houjik nakhoyna thaajabra?
32 Yeng-u, nakhoy mi khudingna napham naphamda echaai chaaikhiduna, eibu ethanta thaadokkadaba pungham adu laakkadouri, hoy, madu laakle. Adum oinamakpu ei ethanta natte, maramdi epaana eigaa loynari.
33 Nakhoyna oingonda engthaba phangnanaba, eina nakhoyda waashing asi haaykhre. Taaibang paanbada nakhoyna awaa-anaang phang-e, touegumsung nungaai-jaro, eina taaibang paanbabu ngamle.