Genesis 34
Dinahbu maanghanbagi laman singba
34 Leahna Jacobta pokkhiba machaanupi Dinahna lamduda leiriba nupising unage haayduna chatlammi. 2 Hivi Hamorgi machaa-nupaa lamdugi ningthou machaa Sechemna Dinahbu ubada phaaduna phidinnarammi adugaa ekaaiba nanghallammi. 3 Masigi thoidokpa maramdi Jacobki machaanupi Dinahtabu ningduna mahaak matam lenkhi, mahaakna Dinahbu nungsikhi amasung yaamna thotna nouna themjakhi. 4 maramsina Sechemna mapaa Hamorda asumna haaykhi, "Nupi asibu eigi loinabi oinanaba haaybiru." 5 Matamduda Jacobna machaanupi Dinahbu namduna phidinnakhre haaybasi taarammi adubu matamduda mahaakki machaa-nupaasingdu sasansing sennaduna mahaakki loubukta leirammi. maramsina Jacobna makhoy laktriba phaaoba tuminna leikhi. 6 Sechemgi mapaa Hamorna Jacobta waa haayjanabagi damak chatlammi. 7 Jacobki machaa-nupaasingdu waaphamsi taabada waa haayjanabagi damak chatlammi. Jacobki machaa-nupaasingduna waasi taabada loubuktagi hallakkhi. Thoudoksida machaa-nupaasingdu yaamna saaorammi maramdi Sechemna Jacobki machaanupiga phidinnaduna Israelgi maphamda touroidouba lamchat chatkhi.
8 adubu Hamorna makhoyda haaykhi, eigi echaa-nupaa Sechemgi Mathawaaisi nahaakki nachanupida luptuna leikhre. maramsina eina haayjari Dinahbu Schechemda pinabiyu. 9 eikhoyga charou-mourounasi, nakhoygi nachanupi-singdu eikhoyda thaajou adugaa nakhoygi nachaa-nupaasinggidamak eikhoygi echaa nupising loubiyu.10 adu oirabadi nakhoyna eikhoygi leibaaksida leiba yaai adugaa lamsida leiriba Lan-thum nakhoygi oiba yaai amasung naning nakha tamna lallon etik chatthaba yaai" 11 Sechemsu Dinahgi mapaa amadi mabungsingda asumna haayjakhi, "eibu thoujanbiyu. nakhoyna haayba pumnamak eina endaba toujaroi. 12 Luhongbagi mamal amadi khudon pot haaybiningbata haaybiyu. nakhoyna eingonda taakpiba matung ennaa eihaak puthokchaagani. eigi haaybabu nupisidadi eigi loinabi oihanbiyu."
13 Jacobki machaa-nupaasingna Sechem amadi mahaakki mapaada yaamna marou laayna paaoukhum pikhi. Mahaakna makhoygi machannupi manghankhiba maramna makhoy louthup loukoi leikhibani. 14 makhoyna Sechemgi misingda asumnasu haaybikhi, "matongi un kaktaba mida eikhoygi echaa n pirabadi eikhoy yaamna ekaainingaini. 15 nakhoyna eikhoygumna nupaa oiba khudingna maton-gi un kaklabadi eikhoygi echaa n piba yaai. 16 nakhoyna asumna touba ngamlabdi eikhoygi echaa nupising nakhoyda piba ngammi adugaa nakhoygi nachanupi-singsu eikhoygi nupi oinaa louba yaai. nakhoyna asumna tourabadi nakhoygi lamsida leiba ngamba yaai adugaa jaat amatta oibasu ngamgani. 17 adubu eikhoyna nakhoyda haayriba waasi nakhoyna thousadaduna maton-gi un kaktaba thoklabadi, eikhoygi echaa nsi puraga atoppa lamda chatkhigani."
18 Makhoygi waahei-singdu taabada Hamor amadi Hamorgi machaa-nupaa Sechem yaamna pellammi. 19 nahaa oiriba nupaadu thinthaba leitaana maton-gi un kaklammi maramdi mahaakna Jacobki machaanupidu yaamna pamlammi. mahaakki emung manungda mahaakna Khwaaidagi ekaai-khumnaba nupaa amaa oirammi. 20 asumna Hamor amadi machaa-nupaa Sechemna makhoygi sahardugi thonggalda leplaga saharduda leiriba misingda haaykhi, 21 "Misingsi eikhoygi marup oirabani, makhoy lamsida leijasanu, adugaa lalon-itikki thabaknachingba chatthajasanu. Yeng-u, lamsida makhoy leiba matik chaaba misingni. eikhoyna makhoygi machaanupi-singdu luhongduna louba yaragani, adugaa eikhoygi echaa nupi-singsu makhoyda piba yagani. 22 eikhoyga makhoyga amatta adugaa eikhoyga makhoyga leimin-nabaa yaannaba amatta ngairaba yaanna warondu asini: makhoyna maton-gi un kakpagumna eikhoygi nupaa khudingmak maton-gi un kakpa taay. 23 Makhoygi saa-san, maraan-mathum amadi uchek waaya phaaoba eikhoygi oiroidra? makhoyna haaybadu yakhrasi adu oirabadi makhoy eikhoygi lamsida leigani." 24 Hamor amadi machaa-nupaa Sechemgi waadu sahardugi thonggalda laakkhiba misingna taarammi amasung makhoyna yaraduna nupaa khudingmak maton-gi un kakkhi. Masimak sahardugi thonggal waangma laanna thorakpa nupaa khudingna paangthokkhi.
25 Humnisuba numit makhoyna anaaba khanglingeida, Jacobki machaanupi Dinahgi mabung Simeon amadi Levina kanaasu khanghandana thaangsaang paayduna laaklaga saharduda leiba nupaa haaybamakhei haatkhi. 26 makhoyna Hamor amadi machaa-nupaa Sechembu thangna kaktuna haatkhi adugaa Sechemgi mayumdagi Dinahbu puthorakkhi. makhoyna maphamdu thaadokkhi. 27 Jacobki machaa-nupaasingduna siriba misingdugi mathakta chatlaga sahardusu yaaona neikhaairammi. Machannupidu manghankhi haaybasidagi 28 makhoyna misingdugi yaao sanggu, san sanggu, makhoygi Lola, saharduda leiramba potsing amadi loubukta leiramba pumnamak, 29 Makhoygi maraan-mathum, makhoygi angaang-sing amadi nupi-sing, emungda leiramba pumnamak phaaduna makhoygi makhaada leihankhi. 30 Matamduda Jacobna Simeon amadi Levida haayrammi, "Canaan amadi perizzisinggi mamaangda eibu maringmarang uhanduna nakhoyna eigi ethakta khudong thiba purakle. Eigidi mi yaamde adugaa makhoyna amatta oinaa tasinduna laandaraklabadi eihaak tumna mangba taay. Eida nattana eigi emung manung pumnamak tumna maanggani." 31 Masida makhoyna khumkhi, "eikhoigi echaa nbu mamal leitba kasubigumna tourambasi khaangba ngamloi."