Psalm 94
Pumnamakki wayelba Mapu Ibungo
94 Eshor, Ibungodi awapham piganba Mapuni, maramsina Ibungogi asaoba meiridu thok-hanbiro.
2 Ibungodi taibang mi khudinggi wayel Mapuni, napan toubasingdugi phangpham thokpadu pibiyu.
3 Phattabasingdu kaya kuina haraoduna leigadage? hey Eshor, kaya kuina asumna touhanbigadage?
4 Mihat mipun toubasingduna kaya kuina nungngaina leigani? Makhoina toukhiba maransingdu panduna kaya kuina chaothok-hanbigani?
5 Hey Eshor, Ibungogi mishingdu makhoina laknari, Ibungogini haina leiribasingdu makhoina neibiri.
6 Lukhrabising amadi mama mapa leitabasingdu makhoina hatli, eikhoigi lamsida leiriba lamlanbasingdu makhoina hatli.
7 Makhoina hairi, "Eshor-na eikhoibu uba ngamde. Israelgi Mapu Ibungona eikhoibu sak khangbide."
8 Eigi mishing, nakhoi kaya kuina pangna leikhigade? Nakhoi keidoungei namit panggade?
9 Mapu Ibungona eikhoigi inasi sembikhibani adubu Ibungodi tadramalle? Ibungo mahakna mit sembikhi adubu Ibungodu ubadi phangdramale?
10 Ibungogi khutta jatsing leiribani, adu oirabadi Ibungona makhoibu awapham tahalloidra? Taibang migi ojadi Ibungona oiribani adubu Ibungoda lousing amadi khangba ngambagi panggaldu leibra?
11 Eshor-na makhoina khallibadu khangbi, makhoigi masada lousing pakte haibadusu Ibungona khangbi.
12 Hey Eshor, Ibungona takpi takpiriba nupadu kayada nungngairibano? Ibungogi puyadu takpiriba nupadu nungngaibani.
13 Phattabasingbu thunnaba kom ama touduna thamdribamakhei Ibungona mahakpu awaphamda tahanbiroi.
14 Eshor-na mahakki mishingbu langsekpiroi, Ibungoda changjabasingdu Ibungona hundokpiroi.
15 Achumbadu wayel loishangda phangba houragani, achumbasingna masibu sougatkani.
16 Phattabasinggi mayokta eigidamak kanana leppikhibage? Phattaba thabak toubasinggi mayokta eigidamak kanana maiyong yabikhi?
17 Eshor-na eibu tengbangbiramdrabadi, eihak asithen youramgadoubani.
18 Eina hairammi, "nanaidi loire." hey Eshor, Ibungogi chetna channa nungsibaduna nanaibu sougatpikhi.
19 Khoirangba amadi waraba matamda, Ibungona nanaibu themjinbiduna awaba kokhanbi.
20 Aranbabu achumbani haiba ngamba senja thumja touba wayelbasingdu Ibungona thaoibide.
21 Makhoina aphaba mishinggi mayokta lang thak-i, maran leitabasingdu sinanaba dandi piri.
22 Adubu Eshor-na eibu ngakpiri, ipuroina eibu sennabiri.
23 Makhoigi phattaba thabaksinggi mahei oina Ibungona awatpa tahan-gani, makhoigi maran yengduna tumna manghan-gani, eikhoigi ipuroi Eshor-na makhoibu manghanbigani.