2 Corinthians 1
Corinthiansingda Paulna eba anisuba laairik
Khurumjaba amasung Eesor-bu thaagatpa
1 Eesor-gi ningbiba mapaanna Christa Jesus-gi paakhon-chatpa Paulna amasung eikhoygi echin-enaao Timothyna, Akhai apumbada leiba asengba-sing pumnamakka loinnana Corinthiada leiba Eesor-gi seenglupta.
2 eikhoygi epa Eesor amasung ebungngo Jesus Christadagi thoujaal amasung engthaba nakhoyda leibisanu.
3 eikhoygi ebungngo Jesus Christagi Eesorsu mapasu oiba, nungsiheibagi mapaa amasung themjinbiba pumnamakki Eesor, ebungngo mahaakpu thaagat-chari; 4 eikhoy isabu Eesor-na themjinbiba mathemjin adugi mapaanna eikhoyna karigumba awaa-anaangda leiriba makhoybu themjinbinanaba, ebungngo mahaakna eikhoybu themjinbi. 5 maramdi Christagi awa khaangba eikhoygi ethakta yaamkhatpagumna, eikhoybu themjinbibasu Christagi mapaanna yaamkhatpi. 6 touegumsung eikhoyna awaa-anaang phanglabadi, nakhoybu themjinbinaba amasung kanbinabagi damakni; adage eikhoybu themjinbirabadi, nakhoybu themjinbibagi damakni; eikhoynasu khaangba awaaba adumak nakhoygi khangheibada themjinbiba utpani. 7 Amasung nakhoy awaabagi saruk phangminnabagumna themjinbibagisu phangminnabani haayba khaangduna, nakhoygi maramgi damak eikhoygi tarang tarang khangna ningba lengdabani.
8 maramdi, echin-enaaosa, Asiada eikhoygi ethakta awaa-anaang thokpa adugi marida nakhoyna khngdaba eikhoyna pamyaade, haaybadi, epaanggaldagi hendokpa, thoihenna lumbana eikhoybu nantharaduna eikhoyna thawaay hinggani phaaoba ninglamde. 9 hoy, eikhoy esa esaagi puknungda sibagi paaoukhum phangjare; maadudi eikhoyna esa ethantada thaajadaduna asiba-singbu hinggatpiba Eesor-da thajana-nabani. 10 ebungngo mahaakna eikhoybu asup kiraba sibadagi kanbire, amasung kanbigani; ebungngo mabakna eikhoybu amuksu kanbigani haayduna, eikhoyna ebungngo maangonda khouraangna ningba thamjari. 11 nakhoynasu eikhoygi maramda nakhoygi nibibagi mapaanna, pang-biri aduna mi ayaambagi mapaanna eikhoyda pinabiba khudon-gi damak ayaamba mina eikhoygi maramda thaagatpinanabani.
Paulgi achumba pukning
12 maramdi eikhoyna chaaothokcharibadi eikhoygi achum-aran khangnaba pukninggi saakhi asini, haaybadi, Eesor-dagi asengbana amasung pukchel tingbana hakchaanggi oiba lousingna nattaduna, Eesor-gi thoujaanna eikhoyna taaibang-paanda, adugaa thoidokpadi nakhoyromda esa esaana lamchatsi chatchaare. 13 maramdi nakhoyna pariba nattraga sengna khangnaba nattana, eikhoyna nakhoyda waa atei ede; adugaa nakhoyna mamei phaaoba sengna khanggani haayna eina tarang tarang khangna ningjabani. 14 nakhoy kharanasu eikhoybu sengna khanglabagumbani, haaybadi, eikhoygi ebungngo Jesus-gi numitta nakhoy eikhoygi chaaothoknapham oibagumna, eikhoysu nakhoygini.
Mahaak laakkadaba adu matam yeithokpa
15 Amasung asi thaajabagi maramna nakhoyna anirak haraaoba phangna-naba, eina nakhoyda haanna laakle ninglanuni; 16 adugaa nakhoydagi Macedoniada chat-tuna amuk Macedoniadagi nakhoyda laaktuna, Judea taananaba eibu lambida nakhoybu thindokkhanninglammi. 17 maram aduna eina asumna ninglambada areppa leitba utpra? nattraga, eina ningba adu eingonda hoy hoi adugaa maay mai oinanaba, eina hakchaang matung ennaa ningbra? 18 adubu Eesordi thaajaba yaaba oibanina, nakhoyromda eikhoygi waa hoy amasung maay natte. 19 maramdi eikhoyna, haaybadi eina, Silbhanana amasung Timothyna nakhoygi narakta saandoklamba Eesor-gi machaa nupaa Christa Jesus hoisu maisu oiramde, adubu ebungngo-dadi hoy oire.
20 maramdi Eesor-gi waaleppa oiri oiriba makhei adu ebungngo-da hoy adu oire. maram adugi damak eikhoygi epanna Eesor-bu thaagat-chanaba, ebungngo-gi mapaannasu Amen adu oibani. 21 Amasung Christagi marida nakhoyga loynanaa eikhoybu chethanbiba amasung eikhoybu thaao heibiba ebungngo mahaak Eesorni; 22 ebungngo mahaaknasu eikhoybu chum nambire, amasung eikhoygi thamoinungda waarep sengumna thawaay adu pibire.
23 touegumsung nakhoybu nungsibibagi eina Corinthiada hoijik phaaoba laktabani haayba eigi thawaaygi mathakta saakhi oinaba eina Eesor-bu koujei. 24 eikhoyna nakhoygi thaajabagi mathakta mapu oinaba natte, adubu nakhoygi haraaobagi damakta pang-bibasingni; maramdi thaajabada nakhoyna chap lepli.