1 Kings 11
Solomonna Eesor-dagi thaptokpa
11 ningthou Solomonna Hebrew nattaba Jaatsingdagi nupi loukhi. Egyptki ningthougi machaanupidugi mathakta mahaakna Moab, Amoni, Edom, Sidon amadi Hitti ningolsing mahaakki nupi oinaa loukhi. 2 Haayriba-singsigi maramda Eesor-na Israelgi misingda asumna taakpikhi: "nakhoyna lamlaanbasingga charou mourounaroidoubani. nakhoyna haayba makhoyna keidoungeidasu elloi. makhoyna ningliba laaisingdu nakhoyda ningu haayrakkani." 3 Solomongi masak matou phajabi nupi 700 leirammi, adugaa atonbi oinaa 300-su loukhi. Mahaakna louriba nupi-singduna mahaakki thamoi senghankhide. 4 Solomonna ahan oiraklabada nupi-singduna atoppa laai ninghankhi. mapaa Davidna lengkhidaba adugumna toudaduna Solomon Mapuroi Eesor-dagi thapana handokhi. 5 Mahaakna Sidon-gi leirembi Astaroth amadi Simonsinggi tukkachabagi masak oiraba Milcom latlammi. 6 mapaa Davidna toukhiba adugumna mahaakna Eesor-bu ningkhide adugaa Eesor-na yaadaba thabaksingdu toukhi. 7 Solomonna Moabki tukkachabagi masak oiraba Chemos adugaa Amonisinggi hangoiraba Molekki murtidu Jerusalemgi nongpok thangba maaykeida leiriba chingdonduda saaduna thamlammi. 8 asumna mahaakna loukhiba lamlaanba nupi-singgi laaisingduda thounachingba tounanaba haayduna laisangsing saakhi.
9 Anirak haanna mangphaonabikhraba Israelgi mapu ebungngo Eesor-du ningdaduna atoppa laaising khurumliba aduda Eesor-na Solomonbu saaorammi. 10 Eesor-na mahaakpu atoppa laaisinggi tung enpharoi haayna yaathang toubikhi. adubu Solomonna Eesor-gi yaathangdu enkhide. 11 maramsina Eesor-na Solomonda haaykhi: "nahaakna khangna khangna eigaa saknakhiba waasaktu thugaayduna Eina chatnapathap kayaa pikhibanachingba amatta endrabanina Eina leibaaksi thugaayduna nahaakki nakha ponna paalliba misingda pithok-kani. 12 adubu napaa Davidki yengduna nahaakna pallingei matamsidadi adumak Eina toubiroi. Nahaakki nachaasingna paanba matamda Eina masimak thok-han-gani. 13 Nahaakki napaa David amadi Eina khandok-khraba Jerusalem yengduna leibaak loina thugaaybadi touroi. Nahaakki nachada Israelgi lam amakhakta pigani."
Solomon-gi yeknaba-sing
14 Edomgi Hadad haayba Edomda paalliba ningthoudu Solomon-gi mathakta lanhounaba Eesor-na ensinkhi. 15 Davidna Edomda leiringei matamda adugaa Joab kouba laanmi makoktuna asibaa masa phumge haayna chatpa matamda Edomda leiriba nupaa pumnamak haatkhi. 16 Edomda leiriba nupaa pumnamak hattriba phaaoba Joab amadi Israelgi misingna maphamduda thaa taruk leikhi. 17 Matamduda Hadad Egyptta chenduna manaai kharaga leikhi. mataangsida Hadad pikliba angaang amaa oirammi. 18 Haayriba minaaisingduga loynanaa Midiandagi Paranda laaklaga mi khara khomduna Egypt taanna laaktuna ningthou Pharaohgi maphamda changjakhi. Pharaohna maangonda lam amadi leinanaba yum pibikhi. 19 Pharaohna Hadadpu nungsirammi. Pharaohna mahaakki nupigi machannupidu luhongduna Hadadta pikhi. mahaak maharani Tahpenes koubiduga pokminnabani. 20 Tahpeneski machaanupina maangonda machaa-nupaa Genubath kouba amaa pokkhi. Haayriba angaangsi Tahpenesna konungda youkhi.
21 Hadadna Egyptta leiringeida David amadi laanmisinggi makok Joab nongare haayba paaosi taakhi adugaa Hadadna Pharaohda haaykhi: "eihak ereipakta hallage. ningthouna yaathang amatangdi pinabiyu."
22 ningthouna hangkhi, "karigino? Eina touriba pumnamaksi nahaak pendrabara? Awaatpa leiba maramna nahaak chatlage haayribara?"
Hadadna ningthouda haayrammi, "icham chamna chatcharage haayjabani." asumna mahaak mareibaakta hankhi.
Edomgi ningthou amaa oinaa Hadad Israelgi yeknaba amaa oirammi.
23 Joabki ningthou Hadadezergi maphamdagi chenkhiba Eliadagi machaa-nupaa Rezonbu Eesor-na mahaakki yeknaba amaa oinaa thok-hankhi. 24 Mahaakna laanmi kaangbu amaa semgatkhi. Haayriba misingdagi mapot munba kaangbusigi makoktu mahaakna oikhi. (Masi Davidna Hadadezerbu maaythiba pikhiba amadi syriagi laanmising haatkhibagi matungdani.) Rezon amadi mahaakka loynariba misingdu Damascusta leikhi. Maphamduda mahaakka loynariba misingna mahaakpu Syriagi ningthouni haayna laaothokkhi. 25 Solomonna pallingei matamda mahaaksu Israelgi yeknaba amaa oikhi.
Eesor-na Jeroboamda sari pandomba
26 mamaa lukhraabi Jeroboamna pokpaa Solomon-gi minaai oinaa leiramba Zeredahtagi Ephraim saageigi Nebatki machaa-nupaa Jeroboamsu Solomon-gi mathakta laan houkhi.
27 Laan houkhibadugi waaridi asini:
Solomonna Jerusalemgi nongpokthangba lamdu leibaak heigatkhi adugaa matamduda mahaakna akoybada leiriba chekpandu khagatkhi. 28 Jeroboam haayriba nupaasi thoidokna matik leiba amaa oirammi maramsina Solomonna Jeroboam thabak phaaba nupaa amani haaybasi khanglaklabada Manasseh amadi Ephraimgi Jaatsinggi mathakta thabak subaa pananaba amaa oinaa hapkhi. 29 Jeroboamna nongma Jerusalemda chatke haayduna thorakpa matamda Silohnigi maichou Ahijahga laambelda oknakhi. Matamsida Ahijah anouba phi amaa setlammi. ahaangba lamhaangda makhoy anikhakta unarammi. 30 Ahijahna setliba anouba phidu machet taraanithoi thokna segaayrammi. 31 Mahaakna Jeroboamda haayrammi, “nahaak machet tarasi louro. Eesor-na asumna taakpiri: yeng-u, Solomon-gi makhuttagi leibaaksi Eina machet machet taahallagani. mahaakki maphamda Eina jaat tarasi pigani. 32 adubu Eigi enaai David amadi Eina pamjaduna khankhiba Jerusalemda leiba maramna Israelgi Jaatsinggi maraktagi Eina masitabu khankhiba maramna maangonda Eina jaat amakhakta pigani. 33 Mahaakna Eibu thaadoktuna Sidon-gi lairembi Astaroth, Moabki laai Chemos, Amonisinggi laai Moleknachingba latli. mahaakki mapaa Davidna toukhiba adugumna mahaakna eigi mityengda achumba amadi aphaabadu toude. Mahaakna Eina pikhiba pathap amadi chatnaronsingdu ngaakna chatte. 34 Adum oinamak Eina mahaakki makhuttagi leibaaksi pumlou louthokpadi touroi. Eina khankhiba enaai Davidki yengduna mahaakna hinglingeisidadi mahaakpu ningthou oihandabadi touroi. Masisu eigi pathap amadi chatnaronsingdu ngaakna chatkhiba Davidki mapaannani. 35 adubu leibaaksigi jaat taraa mahaakki machaagi matamda louthoktuna Eina nangonda pigani. 36 eigi emingsi leikha tadanaba yengduna khankhiba saharsigidamak adugaa Eigi enaai Davidna eigi ningna sanglensida matam leiba khibikta thaaoumei thaaduna leiba unnaba mahaakki machada jaat amaa pibigani. 37 Eina nahaakpu khn-gani adugaa nahaakna apaamba lamsingda nahaakpu ningthou oihan-gani. Yeng-u, Israel pumbagi ningthousi nahaakna oigani. 38 Karigumba nahaakna Eigi enaai Davidna toubagumna Eina haayba khuding nahaakna ellaba, eigi laambeldu nahaakna enba ngamlabdi. eigi mityengda chumna eigi pathap amadi chatnaronsingdu ngaklabadi, matam leibada eihaak nahaakka loynagani. Eina Davidkidamak lengdaba yum amaa saabikhibagumna nahaakkidamak yum amaa saabigani. Masigi mathakta nahaakki nakhutta Israelbu pibigani. 39 maramsina Davidki dhaaraabu awaa-ana tahan-gani. adubu maasi matam kharatagi oigani.
40 maramsidagi Solomonna Jeroboambu haatna-naba koythi thirammi. Adugu Jeroboamna Egyptki ningthou Sisakki manaakta chenkhiduna Solomonna sidriba phaaoba leikhi.
Solomon nonggaba
41 Solomonna touramba thabaksing, mahaakki leibaakgaklon, amadi lousinggi maramda ekhiba laairiktuda eduna leiri. 42 Solomonna Israelgi ningthou oinaa chahi niphu pankhi. 43 Solomonna nonggaraba matamda Davidna lingkhatlamba saharduda potloibikhi. Rehoboamna mahaakki mahut sinduna ningthou oinaa phambaal tongkhi.