Numbers 26

Anisuba mikok thaba

26 Laichat thokpa loiraba matungda Eesor-na Moses amadi purohit Aaron-gi machaa-nupaa Eleazarda haayrammi, 2 "Israelgi mising chahi kungi mathakta leiraba laanda laanmi oinaa chatpa ngamlabasingdugi masing mapaa mapugi salaai yengduna chitthaba leitaana thiyu. 3 Moses amadi purohit Eleazar Moabki tampaak, Jordan khongbalda leiba lam Jerichoda Israelgi misingbu unaraga haayrammi. 4 "Eesor-na Mosesda taakpikhiba matung ennaa chahi kungi mathakta leiba misingbu mikok thiyu. Israelgi mising Egypttagi laakkhibasingdu makhaada piribasini:

5 Israelgi ehaan haanba machaa-nupaa Rubenna pokpasing: Hanochki saagei-dagi Hanochsing, Pallugi saagei-dagi Pallukising, 6 Hezrongisaageigi Hezronising Carmigi saagei-dagi Car mising, 7 Makhoysi Ruben-gi salaaida pokkhiba misingni. Makhoygi masing punna 43,730 oirammi. 8 Pallugi machaa-nupaasing: Eliab, 9 Eliabki machaa-nupaasing: Nemuel, Dathan amadi Abiram. (Haayriba Dathan amadi Abiramsi miyaamna khandokkhibaduni. makhoyna Molleh amadi Aaronbu yaaningdaduna Korahgi tung enduna Eesor-gi mayokta leikhibasingni. 10 maalemsina chekkhaairaktuna mi 250 meida chakkhiba matamda Korahga loynanaa makhoysu sikhi. Makhoygi waathoksi phungga waari oinakhi. 11 adubu Korahna pokpaa machaa-nupaasingdi sikhide.

12 Simeongi saagei-dage: Nemuel, Jamin amadi Jachinggi saagei adugaa 13 Zera amadi Saulgi saagei oirammi. 14 Makhoygi masing punna 22,200 oirammi.

15 Gadki salaaidagi: Zephon, Haggai, Suni, 16 Ozni, Eri 17 Arod amadi Areli oirammi 18 Makhoygi masing punna 40,500 oirammi. 19-21 Judah-gi salaaidagi: Selah, Perez, Zerah, Hezron, amadi Hamulgi salaaising oirammi. (Judah-gi machaa-nupaa ani Er amadi Onan Cannan-gi lamda sikhi.) 22 Makhoygi masing punna 76,500 Surammi.

23 Issachargi salaaidagi: Tola, Puah, 24 Jasub, amadi Simrongi saageising oirammi. 25 Makhoygi masing 64,300 oirammi. 26 Zebulungi salaaidagi: Sered, Elon amadi Jahleel oirammi. 27 Makhoygi saageigi apunba masing 60,500 oirammi.

28 Manasseh amadi Ephraimgi mapaa Josephki salaaidagi:29 Manassehgi saagei-da Manassehgi machaa-nupaa Makirna Gilead pokkhi. makhaada piriba salaaisingsi Gileadtagi hourakpani hainei: 30 Aiezer, Helek, 31 Asriel, Sechem, 32 Semida, amadi Hepher, 33 Hephergi machaa-nupaa Zelophehadi machaa-nupaa amatta poklamde. Machaanupi-singdi pokkhi. Makhoygi mamingdi Mahlah, Noah, Hoglah, amadi Tirzah oirammi. 34 Makhoygi apunba masing 52,700 oirammi. 35 Ephraimgi salaaidagi: Suthelah, Beker, amadi Tahanigi saagei oirammi. 36 Erangi salaaisi Suthelahdagi hourakpani haaynei. 37 Makhoygi apunba masing 32,500 oirammi.

38 Benjamin-gi Salaaidagi: Bela, Asbel, Ahiram, 39 Sephupham, amadi Huphamgi saageising oirammi. 40 Ard amadi Naamansingsi Belagi salaaidagini haaynei. 41 Makhoygi apunba masing 45,600 oirammi. 42 Dan-gi salaaidagi: Husim, adugaa 43 Masingna 64,400 oirammi. 44 Ashergi salaaidagi: Imnah, Isvi amadi Beriah oirammi. 45 Heber amadi Malkielgi salaaisi Beriahdagi thok-khibani. 46 Ashergi machaanupi Serah koubi amaa leirammi. 47 Makhoygi masing 53,400 oirammi. 48 Naphtaligi salaaidagi: Jahzeel, Guni, 49 Jezer amadi Sil-lem oirammi. 50 Makhoygi masing punna 45,400 oirammi. 51 Israelgi nupaasinggi masing punna 601,730 oirammi.

52 Eesor-na Mosesda haayrammi, 53 "Makhoygi masinggi matung ennaa leibaaktu yenthokpiyu. 54-56 laaibak chaang yengnabi touduna lamsingdu yenthok-u. achouba salaaida lam achouba adugaa machada lam machaa thungadabani."

57 Levigi salaaidagi Gerson, Kohath amadi Merari thokkhi. 58 Makhoysidagi amuk salaai machaasing Libni, Hebron, Mahli, Musi, amadi Korahinachingba thokkhi. Kohath Amramgi mapaani. 59 Amramgi nupigi maming Jochebed, kourammi. mahaak Egyptta leiringeida Levina pokkhiba machaanupini. Haayriba nupisina Amramda Aaron, Moses amadi makhoygi machannupi Miriam pokkhi. 60 Aaronna Nadab, Abihu, Eleazar amadi ethamar pokkhi. 61 Nadab amadi Abihuna Eesor-gi khuyaakhaada amaangba mei katlubadagi sikhi. 62 Makhoygi apunba masing 23,000 Surammi. maasi thaa amaa suraba angaangdagi houraga thikhiba masingni. Makhoysidi Israelgi misinggi manungda masing chankhide maramdi makhoygi lamgi chaakthung tamkhide.

63 Mathakta piribasingsi Moabki tampaakta Jordan mapaanda leiriba Jerichoda Moses amadi purohit Aaronna Israelgi misingbu masing thibaada phangkhibasingni. 64 Makhoy singsigi marakta Sinai tampaakta mikok thibada yaokhibasingdu amatta yaoramde. 65 maramdi Eesor-na makhoy loina lamhaangda nongahankhi. Makhoygi marakta Jepunnehgi machaa-nupaa Kaleb amadi Nun-gi machaa-nupaa Joshua nattana kana amaa phaaoba hingkhide.