1 Corinthians 12
Thawaaygi oiba khudonshing adu yaamlabasu amata oiba
1 Amasung echin-enaaosha, thawaaygi oiba khudon-gi marida nakhoyna khangdaba eina paamde.
2 Nakhoyna atoppa Jaatshing oiringeida, nakhoybu chingba chingba khudingda marol thoktaba laimurtishingda koiching chinglammi haayba nakhoyna khang-e.
3 Maram asina Eeshorgi thawaaygi mapaanna ngaangduna mi kanaa amatana, Jesus siraap phanglabani, haayde, amasung thawaay ashengbagi mapaanna nattana mi kanaa amatana, Jesus Eeshorni, haayba ngamde haayba eina nakhoyda khanghalli.
4 Khudon-gi tongaan-tongaanba lei, adubu thawaay amatani.
5 Amasung thougan toubagi tongaan-tongaanba lei, aduga Eeshor amatani.
6 Amasung thabakki tongaan-tongaanba lei, aduga pumnamakta thabak pumnamak toubiba Eeshor amatani.
7 Touegumsung mi khudingda tongjananabagi damak thawaaygi phongdokpiba adu pinabire.
8 Maramdi mi amada thawaaygi mapaanna loushinggi waahei, aduga atei amada thawaay adumakki matung ennaa akhangbagi waahei pinabire;
9 Atei amada thawaay adumakna thaajaba, aduga atei amada thawaay amaa aduna anaaba phahanbagi khudon,
10 Amasung atei amada toungamdaba thabak tounaba, atei amada Eeshorgi waa taakthokpa, atei amada thawaay shingbu khangnaba, atei amada lol makhal makha ayaamba, aduga atei amada lol handokpa pinabire.
11 Adubu ebungngo mahaakna ningba matung ennaa thabak pumnamak asi mi khudingda maagi maagi yennabiduna, amata ngaayba thawaay adumakna toubi.
Hakchaanggi paandam
12 Maramdi hakchaangdi amatani aduga ayaamba kaayat lei, amasung hakchaang adugi kaayat pumnamak yaamlabasu hakchaang amatani, adugumna Christasu oire.
13 Maramdi Jewish-shing oirabasu, Greekshing oirabasu, minaai oirabasu, maningtambashing oirabasu, thawaay amanaa eikhoy pumnamakpu hakchaang amaa oinanaba buptized toubire; aduga eikhoy pumnamakpu thawaay amatadagi pithakle.
14 Maramdi hakchaangdi kaayat amata natte, mayaamni.
15 Khongna eidi khut nattaba maramna eidi hakchaanggi natte haayragadi, maram aduna madu hakchaangi natte haayba yada.
16 Aduga naakongna eidi mit nattaba maramna eidi hakchaanggi natte haayragadi, maram aduna madu hakchaanggi natte haayba yaade.
17 Hakchaang apumbaa mit oiramlabadi, taanaba kadaayda leibage?
18 Adubu houjikti Eeshorna ebungngo mahaakki paambagi matung ennaa hakchaangda amam-mam adu kaayat oinaa palhanbire.
19 Amasung pumnamak aduna kaayat amata oirabadi, hakchaangdi kadaayda leibage?
20 Adubu houjikti kaayat yaammi, hakchaangdi amatani.
21 Aduga mitna nangdi eingonda kaannaba karisu leite haayduna khongda haayba ngamde.
22 Natte, hakchaanggi henna sonbagi mashak oiba kaayatshing aduna thoina kaannabani;
23 Amasung thoidokna ekaai-khumnaroidabani haayba eikhoyna ningba hakchaanggi kaayatshing aduna henna yaamna ekaai-khumnaba pi, aduga eikhoygi phajadaba kaayatshing adugi henna yaamna phajaba lei;
24 Adubu eikhoygi phajaba kaayatshinggi kaannaba leite. Touegumsung ekaai-khumnaba waatpa kaayat aduga Eeshorna henna yaamna ekaai-khumnanaba pibiduna hakchaangbu tinnahanbi,
25 Haaybadi hakchaangda khaainaba leitaduna, kaayatshing adu amanaa atei amagi damak maannana chekshinbinanabani.
26 Amasung kaayat amanaa awaa khanglabadi, kaayat pumnamakna awaa khangminnei; aduga kaayat amabu ekaai-khumnarabadi, kaayat pumnamakna haraaominnei.
27 Nakhoydi Christagi hakchaang oiduna, nakhoy khuding madugi kaayatni.
28 Aduga Eeshorna shinglup manungda mi kharabu, ahaanba paakhon-chatpashing, anishuba waa taakthokpa shing, ahumshuba ojaashing thambire; adugi mathangda toungamdaba thabak, anaaba phahanbagi khudon, pang-biba thabak, luchingbagi thabak, lol makhal makha ayaamba ngaangba pinabire.
29 Pumnamak paakhon-chatpashingla? pumnamak Eeshorgi waa taakthokpa shingla? pumnamak ojaashingla? pumnamak toungamdaba thabak toubashingla?
30 Pumnamak anaaba phahanbagi khudon phangbra? pumnamakna tongaan-tongaanba lol ngangbra? pumnamak lol handokpraa?
31 Adubu henna chaaoba khudon thawaay yaaonapamjou. Aduga thoidok hendoklaba lambi amaa Amukka eina nakhoyda utpige.