Hosea 4
Israelgi mayokta mapugi yaathang
1 He Israel, Eeshorgi waaheishingsi taro, lamsida leiriba mishinggi mathakta mahaakna akanba cheitheng amaa pigadouri. Lamsida shingthaanaba yaaba nattraga amanaa amabu thaajabagi khudam, nattraga Mapubu khangbagi loushingdu leitaare.
2 Oidaba waashakpa, minamba, mihatpa, huraanba, amadi mitu laannaba nattana karidu leitaare. Makhoyna chatnabi pumnamak thugaayduna emu naimu taabagi thabak mathang mathang hen-gathalli.
3 Maramsina maalemsi leikanglagumlagani, maasida leiba pumnamaksu tumna manglagani. Makhoyga loynanaa lamlakki shaa amadi nongthakki uchek phaaoba manglagani. Asidagisu hendokna samudrada leiba nga phaaoba mapham khanghallaroi.
Purohit shingbu Eeshorna yaadaba
4 Kana amattanasu nakhoygi mayokta shingnabagi waapham pukhatlaktasanu, kanaa amattanasu nakhoybu laalli nattraga chummi haaydasanu. Maramdi thoklariba waaphamsi eigaa nakhoygagi maraktani. He purohitsa.
5 Nungthin pobobta nakhoyna araanba touwi, ahinggi matamdana waa taakthokpa shingna nakhoyga loynanaa araanba touwi.
6 Eigi mishing pukning loushing waatpadagi mang takle, nareibaak machaashingbu nakhoyna mang takhalle. Nakhoyna loushing paamde, maramsina nakhoyna purohit amaa oinaa eibu seba toujabadu yararoi. Eeshorgi paaoutaak pumbaa nakhoyna kaaothokkhre. Maramsina nakhoygi Eeshor oiriba eina nakhoygi nachaashingbu kaaothokkani.
7 Purohit adukki matik yaamlaga eigi mayokta paap touba hen-gatlak-e. Eina nakhoybu manaai phiruk khumhn-gani.
8 Makhoyna eigi mishingbu paap touba hen-gathalli, makhoyna mihou chaaobaga loynanaa paap touwi.
9 Mishingsu purohit shingsu chap maannana lougani, makhoygi lamchat matung ennaa eina dandi pigani. Makhoyna toujaba thabakki matung ennaa manaa pigani.
10 Makhoy mapaan naaidana chaagani adubu thanbadi leiroi, lamchat mangbagi thabak yaamna toudunasu mishing hen-gatlakpadi leoroi, maramdi Eeshorbu thaadoktuna makhoyna lamchat mangbagi thabak touri.
Laimang khurumba yaadaba
11 Yu anouba thaktuna pukning loushing loina mangkhre.
12 Makhoyna u matuptagi paaoutaak loujari, maaiba maibishingdagisu laaibao thijari. Lamchat mangbagi thabak touningbagi erangduna makhoybu lammuknahalle, lamchat mangbagi thabak tounabagidamak makhoyna Eeshorbu thaadokkhre.
13 Chingsashingda makhoyna puja toujei, chingdumshingda makhoyna eratchei. Uyung awaangba nattraga manaa pungba upaanshinggi urumda makhoyna thou touwi. Maramsina nakhoygi nachanupishingna lamchat mangbagi thabak touwi. Nakhoygi luhonggadouribishingnasu adumangai.
14 Nakhoygi nachanupishingna lamchat mangbagi thabak touba matamda eina dandi piroi. Nakhoygi luhonggadouribishingna mawaa ngangnarabasu eina makhoybu dandi piraroi. Maramdi nupaa oibashingnasu lamchat mangbishinggi manaakta chatli, aduga amaangba laaishingda eratlui. Adubu khanggadabadi loushing shingdaba mishingdu lepnamak manggadabani.
15 He Israel, nakhoyna lamchat mangbagi thabak tourabasu Judahbudi arembada paap touhanganu. Gilgalda changlunu, Bethavensu kakhatlunu, Eeshordi loyba naide haaynasu waashakkanu.
16 Israel lamshaanggumna kangaaonare haayriba phibham asida Eeshorna makhoybu achouba sanjabungda yaaoshinggumna pijakhigadra?
17 Ephraimsu laai murti khurumkhre, mahaaksu matomta ngaihallo.
18 Nisa chaaba mishingdana lamchat mangbagi thabak toubani, yaaiphaba thabakpudi ekaaiba nangba thabakna henna touning-e.
19 Masha paanba potpu humduna pubagum makhoybu nungshitna humduna pugani, madutada makhoyna touriba erat pujadu kannadabani haayba khanggani.