Luke 9
Sebok taraanithoibu thaba
( Matthew 10.5-15; Mark 6.7-13 )
9 Matung aduda ebungngona taraanithoi adubu pullap kouduna, bhut pumnamakpu ngamnaba amasung laayna makheibu phahannaba paanggal amasung matik makhoyda pibire. 2 adugaa ebungngona Eesor-gi leibaak saandokna-naba amasung anaaba singbu phahan-binanaba makhoybu thaakhi. 3 Amasung ebungngona makhoyda haay, langpheigi damak cheisu oirabasu, paaitukhao oirabasu, tal oirabasu, sen oirabasu, kari amata puganu; phuritsu ani puganu. 4 adugaa nakhoyna karigumba yumda changlaga madumaktada thungu adugaa maadu maktagi chatsu chat-thok-u. 5 Amasung kanaagumbana nakhoybu lousinbidrabadi, sahar adudagi nakhoyna chat-thokpa matamda makhoygi mathakta saakhi oinabagidamak nakhoygi khongdagi uphun kanthok-lammu
6 Matung aduda makhoyna chatkhiduna, mapham khudingda aphaba waapaao saandoktuna amasung anaaba phahanduna khun khunda changlammi.
Herodki chamamnaba
( Matthew 14.1-12; Mark 6.14-29 )
7 Amasung Herod ningthouna thokliba pumnamak asi taarabada, yaamna chamam-narammi, maramdi kharana John-bu asiba-singgi maraktagi hinggatpire, 8 Kharana, Elijah uhalle, adugaa ateisingna, Eesor-gi waa taakthokpa aribasinggi maraktagi kanaagumba amaa hinggatle, haayrammi. 9 Herodnadi haay, eina John-gi makok kakkhre, adubu eina mahaakki maramda asigumba waa taariba mi asi kanaano? adugaa mahaakna ebungngobu unanaba thirammi
Mi lising mangaabu pijaba
( Matthew 14.13-21; Mark 6.30-44; John 6.1-14 )
10 Amasung paakhon-chatpasingna hallaklabada, makhoyna toukhi toukhiba thabak adu ebungngo-da lire, adugaa ebungngona makhoybu pudana, Bethsaida kouba sahar amada tongaanna theidokle. 11 touegumsung miyaam-singna maadu khanglabada, ebungngo-gi tung enjare; adugaa ebungngona makhoybu taramna lousinbiduna Eesor-gi leibaakki maramda ngaangthok-lammi, amasung naaba phaaba paamba makhoy adubu phahanbirammi.
12 Numit taramdaida taraanithoi aduna ebungngo-gi maphamda laaktuna hanggatle, miyaam asina akoybada leiba khun amasung lawaayda chatkhiduna, yumthung amasung chaanaba phangna-naba makhoybu thaabikhro; maramdi asida eikhoyna achikpa maphamda leiri.
13 touegumsung ebungngona makhoyda haay, nakhoyna makhoyda chaanaba piyu, maaduda makhoyna haay, eikhoyna chat-tuna mi pumnamak asigi damak chaanaba leirudragadi, eikhoygida tandum mangaa amasung nga anidagi henna leijaade. 14 maramdi makhoy nupaa 5,000 rom oirammi, adugaa ebungngona sebok-singda haay,
makhoybu mi yaangkheiromgi kaanglup kaanglup oinaa phamthahallu 15 Amasung makhoyna asum touduna makhoy pumnamakpu phamthahalle.16 maaduda ebungngona tandum mangaa nga ani adugaa louraga, swargada yengkhattuna bor pibiraga thugaayduna miyaamgi mamaang mamaangda yennanaba sebok-singda pibire.
17 Amasung makhoy pumnamak chaaduna mapuk thalle; adugaa makhoygida lemhouba machet-makaay thummuk taraanithoi khun-gatle.
Jesus-bu Christa makni haayna Peter-na haaydokpa amasung Jesus-na mahaakki siba amasung hinggatpagi waa maangjounana khnghanbiba
( Matthew 16.13-19; Mark 8.27-29 )
18 asum thoklare, ebungngo mathanta haayja-ringeida, sebok-sing ebungngo-ga loynarammi, Matung adugaa ebungngona makhoyda hang-e, miyaam-singna eibu kanaani haayna-bage?
19 maaduda makhoyna khumlak-e, buptized toubiba John, adugaa kharana Elijah, touegumsung ateisingna, Eesor-gi waa taakthokpa aribasinggi maraktagi kanaagumba amaa hinggatle, haay.
20 adugaa ebungngona makhoyda haay, adubu nakhoynadi eibu kanaani haaybage? Amasung Peter-na khumlak-e, Eesor-gi Christa aduni. 21 touegumsung makhoyda kanna sinnaduna, mi.kanadasu asi tamthokkanu haayna ebungngona yaathang piraga haay,
22 migi machaa nupaa adu ayaamba awaa-anaang phangba taay, ahal-laman sing, athoiba purohit sing amasung saas-tragi ojaa-singgi yaadaba khaangba taay, mahaakpu haatpa taay, adugaa numit humni subada mahaak hinggatpa taay.
23 Amasung ebungngona mi pumnamakta haayrak-e,
kanaagumbana eigi etung enning-labadi, mahaakna masa matomtabu yaaja-dasanu, mahaakki cross nongma nongma loukhat-sanu, amasung eigi etung enja-sanu 24 maramdi Mathawaai kanjaningba kanaagumba aduna maadu mangja-gani, adugaa eigi maramgi damak Mathawaai mangjaba kanaagumba aduna maadu kanjagani. 25 maramdi mi amanaa taaibang-paal apumbaa phangjaraga, masaamak mangjaba nattraga matkhiba oirabadi, kari tongjabage? 26 maramdi eigidamak amasung eigi waahei singgidamak ekaaiba kanaagumba adugi damak migi machaa nupaa aduna mahaakki, mapaagi, amasung asengba swarga-dut singgi matik mangaanda lenglakpa matamda ekaigani. 27 touegumsung eina nakhoyda chumna haayribani, asida lepliba makhoy kharadi Eesor-gi leibaak udriba phaaoba asibagi mahaao khak tangloi.
Jesus-gi saklon hongba
( Matthew 17.1-8; Mark 9.2-8 )
28 Amasung waasing asigi matungda numit taraanipalnirom leiraga asum thoklare, ebungngona mahaakka loynanaa Peter, John amasung Jamespu puduna, haayjana-naba chingda lengkhatle. 29 adugaa asum thoklare, haayja-ringeida ebungngo-gi maaythong tongallakle amasung ebungngo-gi phirol ngousu ngoure, langsu langle. 30 Amasung yeng-u, mi ani ebungngo-ga waa ngaangna-rammi, makhoydi Moses amasung Elijah oirammi. 31 makhoyna matik mangaanda uhanduna, Jerusalemda thunghanjagadouriba ebungngona chat-thokpa adugi maramda ngaangna-rammi.
32 touegumsung Peter amasung mahaakka loynaba singna tumningbana uirammi, adubu makhoygi mamit phajanaa singlaklabada, makhoyna ebungngo-gi matik mangaan amasung ebungngo-ga lepminnaba mi ani adubu ure.
33 adugaa makhoyna ebungngo-ga khaainaba matamda asum thoklare, Peter-na Jesus-da hanggatchei, ebungngo, eikhoyna mapham asida leijaba phei; aduna eikhoyna khaangpok ahum, ebungngo-gi damak amaa, Mosesgi damak amaa, amasung Elijahgi damak amaa sasi; mahaakna kari haayribano maadu khangde.
34 Amasung mahaakna waa asi haairingeida, leichin laaktuna makhoybu khanjil-le; adugaa makhoyna leichin manungda changlabada kire. 35 Amasung leichin adudagi khonjen thoklaktuna haay, asi eigi khandoklaba echaa-nupaani; nakhoy mahaakna haayba taao.
36 adugaa khonjen adu thokpada, Jesus matomta leiba phangle, maaduda makhoyna tuminna leire, adugaa matam aduda makhoyna ukhiba adu kari amata kanaadasu tamde.
Bhut changba nupaa machaa amabu phahan-biba
( Matthew 17.14-18; Mark 9.14-27 )
37 Amasung asum thoklare, hayenggumbada makhoyna chingdagi khumthaarakpada, miyaam yaamna ebungngo-ga oknare. 38 adugaa yeng-u, miyaamgi maraktagi nupaa amanaa laaorak-e, oja, eigi echaa-nupaabu yengbiyu haayduna ebungngobu nonjari, maramdi mahaakti eigi amata ngaijaba echaa ni; 39 Amasung yeng-u, thawaay amanaa maabu phaabada, manaa khnglao laaorak-e; kong-gol thokpa phaaoba maabu noihatli, amasung thina sok-handuna maangondagi maadu thaadokningdana thaadoki. 40 adugaa madi taanthokpinanaba eina ebungngo-gi sebok-singda haayjabada makhoyna ngamlamde.
41 maaduda Jesus-na khumlak-e,
he thaajadaba amasung seraannaba miron, eina nakhoyga kayaa kuina leiminnaduna nakhoybu khangbigadage? nachaa-nupaa adu asida purak-u 42 Amasung manaa laklingeida, bhut aduna maabu enthuduna waana noihatle, touegumsung Jesus-na sengdaba thawaay adubu cheiraga, nupaa machaa adubu phahanbiraga, maabu mapaada amuk pibire 43 Amasung makhoy pumnamakna Eesor-gi achouba matik aduda engak ngaklammi.
Jesus-na mahaakki sibagi waaram maangjounana tambiba anirak-suba
(Matthew 17.22,23; Mark 9.30-32 )
touegumsung ebungngona touriba thabak pumnamakta pumnamakna khanjanaringeida, ebungngona sebok-singda haay, 44 nakhoydi waasing asi nakhoygi nanaakongda hanjillu; maramdi migi machaa nupaa adubu misinggi makhutta pithokkadouri. 45 adubu haayriba asi makhoyna khnglamde, amasung makhoyna maadu waakhal tadanaba makhoydagi thuple; adugaa haayriba asigi maramda makhoyna ebungngobu hangjaba kirammi.
Nollukpa amasung khangbiba
( Matthew 18.1-5; Mark 9.33-37 )
46 Amasung makhoygi marakta kanaana Khwaaidagi henna chaaobage haayduna yetnaba houre. 47 adubu Jesus-na makhoygi pukningda yetnaba adu urabada, ebungngona apikpa angaang amabu paayduna ebungngo-gi manaakta thamlaga, 48 makhoyda haay, kanaagumbana eigi mingda apikpa angaang asibu lousin-jarabadi, eibu lousin-jabani, adugaa kanaagumbana eibu lousin-jarabadi, eibu thaarakpa ebungngo mahaakpu lousin-jabani; maramdi nakhoy pumnamakki marakta henna pikpa mahaak aduna chaaobani.
49 adugaa Johnna khumlak-e, ebungngo, kanaagumba amanaa ebungngo-gi mingda bhut singbu taanthokpa eikhoyna uraduna mahaakpu khamjil-li, maramdi mahaakna eikhoyga loynanaa chatminnade.
50 touegumsung Jesus-na maangonda haay, khaamganu, maramdi nakhoybu yeknadaba mahaak adu nakhoygi damakni.
Jesus-na Jerusalemgidamak khongsaanba amasung Samariasingna lousinbidaba
51 Amasung ebungngobu loukhatkadaba matam adu naksillaklabada, asum, thoklare, ebungngo masaamakna Jerusalem taanna chatnanaba chetna mamaay olle; 52 Amasung ebungngo-gi maangda paaokhonsibasingbu thaare; adugaa makhoyna chatkhiduna ebungngo-gi damak thouraang tounanaba Samariasinggi khul amada changle. 53 adubu ebungngona Jerusalem taanna lenggadabagi mamaay onba maramna makhoyna ebungngobu lousinbide. 54 adugaa James amasung John ebungngo-gi sebok-sing aduna ubada haay, Eesor, atiyaadagi mei thadaduna makhoybu manghannanaba eikhoyna yaathang piba ebungngona yabibra?
55 touegumsung ebungngona ollaaktuna makhoybu waarakle, (Karamba thawaaygi mino haayba adu nakhoy khangde, maramdi migi machaa nupaa aduna mioibagi thawaay maanghange haayduna laakpa natte, kanbige haayduna laakpani) 56 adugaa makhoyna atoppa khul amada chatkhre.
Sebok oige haaybasingbu chaang yengba
( Matthew 8.19-22 )
57 Amasung makhoyna asum lambi chatpada, kanaagumba mi amanaa ebungngo-da haay, ebungngona lengba mapham khudingda tung enjage
58 maaduda Jesus-na maangonda haay, lamhuisinggi makhul lei, amasung atiyagi ucheksinggi mahum lei; touegumsung migi machaa nupaa adugi kok thamphamdi leite
59 Amasung ebungngona atoppa amada haay, eigi etung ellu, adubu mahaakna haay, Eesor, haanna epaabu potloinaba eina chatchaba yaabiyu.
60 touegumsung ebungngona maangonda haay, asiba-singna makhoygi asiba-singbu potloynanaba thanammu; adubu nahaakti chat-tuna Eesor-gi leibaak koisan saandok-u
61 Amasung atoppa amanasu haay, Eesor, ebungngo-gi tung enjage; adubu haanna eigi yumda leiribasing adubu khaainaba eibu yaabiyu.
62 touegumsung Jesus-na maangonda haay, langgonda khutna paire haayraga, tunglomda yengba mi kana amatana Eesor-gi leibaakki damak matik chaaba natte.