Luke 16
Chumdaba dewan amasung Lan-thumgi marida Jesusna tambiba
1 Amasung Ebungngona sebokshingdasu haay,
dewan thamba kanaagumba enaakkhunba mi amaa leirammi; aduga mahaakki dewan adu maagi mapot machei maanghalli haayna maangonda waakatkhi
2 Maduda mahaakna maabu kouduna haay, 'eina nanggi maramda taariba asi karino? Nanggi dewangi thabakki chagachading piyu, maramdi nangna amuk haanna dewan oiba yararoi'.
3 Aduga dewan aduna puknungda haayrak-e, 'eigi Ebungngona eingondagi dewanpham louthokpasida eina kari tougadage? Eina leibaak touge epaanggal leijade, nige ekaai.
4 Eibu dewanpham asidagi enthoklabada, makhoyna makhoygi yum yumda eibu changhannanaba, kari tougadage eina khangle'.
5 Amasung mabungngogi laal tonba khudingbu maangonda kouduna, ahaanba aduda mahaakna haay, 'nangna ebungngogi kayaa tollibano?'
6 Mahaakna haay, 'chorphon-gi thao chaang chama'. maduda mahaakna maangonda haay, 'nahaakki aibadu lou, thuna phamthaaduna yaangkhei esillu'.
7 Matung aduda mahaakna atei amada haay, 'nangna kayaa tollibano?' Mahaakna haay, 'gehu sangbai 1,000'. Mahaakna maangonda haay, 'nahaakki billdu lou, aduga 800 Esillu'.
8 Amasung dharmachendaba dewan aduna shingna toukhiba maramna mabungngona mahaakpu thaagatle; maramdi (mangaangi)aangaanbagi machaashingdagi taaibang paanba asigi machaashingna makhoy makhoygi miron-gidamak henna shingi.
9 Amasung eina nakhoyda haayribani, dharma oidabagi laanna nashaa nashaagi marup lingu, adugadi madu loikhrabada, makhoyna nakhoybu lombanaidaba leipham leiphamda loushinbinabani,
10 Thabak apikpada thaajaba yaaba mahaak adubu ayaambadasu thaajaba yabani, amasung thabak apikpada dharma chendaba mahaak aduna ayaambadasu dharmachendabani.
11 Maram asina nakhoybu dharma oidaba laanda thaajaba yaadrabadi, kanaana achumba laal adu nakhoyda shinnagadage?
12 Amasung nakhoybu atei amagi oiba aduda thaajaba yaadrabadi, kanaana nakhoygi oiba adu nakhoyda pibigadage?
13 Nai kanaanasu mapu anigi thougan touba ngamde; maramdi amabu tukkacharaga amaabu nungshigani, nattraga amagidamak leplaga amabu thouoiroi. Nakhoyna Eeshor amasung langi minaai oiba ngamde.
14 Amasung shel pamganba oiriba pharisi shingna waaram pumnamak asi taaduna, makhoyna ebungngoda machin peithoktuna karemnarammi.
15 Amasung Jesusna makhoyda haay,
mishinggi mityengda nakhoy nashaana dharma chenbani haayna utli, adubu Eeshorna nakhoygi thammoi khang-e; maramdi mishinggi marakta awaangba oiba adu Eeshorgi mityengdabi tukkachabani.
16 Waayel yaathang amasung Eeshorgi waa taakthokpa shing John-gi matam phaaoba leirammi. Matam adudagi Eeshorgi leibaakki aphaba waapaao shaandoklibani, amasung mi khudingna maduda namduna changlibani.
17 Touegumsung waayel yaathang adugi bindu ama shoybadagi swarga amasung prithibi maangkhibana henna laay.
18 Maagi nupi khaaynaduna, atoppa amabu luhongba mi khudingna nupi laannaba thabak touwi, amasung mapuroibaga khaainarabibu luhongba mahaak aduna nupi laannaba thabak touwi.
19 Matam amada kanaagumba enaakkhunba amaa leirammi, aduga mahaakna memaanba amasung anaanba leemon phi settuna, numit khuding haraao tayaamna paallammi.
20 Amasung masha pumbaa patpa Lazarus kouba kanaagumba chaakniba amabu mahaakki konthongda thamlammi.
21 Aduga manaa enaakkhunbagi tabledagi ata ataaba aduna mapuk thal-hanjaninglammi, hoy huishingnasu laaktuna maagi apatpa adu leki.
22 Amasung asum thoklare, chaakniba adu shire, amasung swargadut shingna Abrahamgi thabakta mahaakpu pukhre; aduga enaakkhunba mi adusu siraduna phumle.
23 Amasung mahaakna khamnung leibaakta waana leiduna mamit yengkhatpada, thaapna Abrahambu amasung mahaakki thabakta Lazarusbu ui.
24 Maduda mahaakna kourak-e, epa Abraham, eibu nungshibiyu, aduga Lazarusna mahaakki khudonbi matol adu eeshingda luptuna eigi erei enghannanaba mahaakpu thabiyu; maramdi eina meiri asida awaaba khangli.
25 Touegumsung Abrahamna haay, angaang, nangna hinglingeida nanggi nungaaiba phangkhi, aduga Lazarusna adugumna phattaba phangkhi; adubu houjik asida mahaakna engthare, aduga nangdi awaaba khangli; madu ningshingu.
26 Asigi mathaktasu mapham asidagi nakhoy taanna laanthokningbashingna laanthokpa ngamdananaba, aduga mapham adudagi eikhoy taanna kanaanasu laan laaktananaba, eikhoyga nakhoygagi marakta achouba khong amaa lengdana lei.
27 Amasung mahaakna haay, maram aduna, epa, nahaakna pabagi yumda mahaakpu thabinanaba eina nahaakpu nonjari,
28 Maramdi eigi echin-enaao mangaa lei. Makhoynasu awaaba mapham asida laaktaananaba, mahaakna makhoyda phajanaa saakhi pibinanabani.
29 Touegumsung Abrahamna haay, makhoygida Moses amasung Eeshorgi waa taakthokpa shing lei; makhoygi waa tajaasanu.
30 Aduga mahaakna haay, natte, epa Abraham, adubu ashibashinggi maraktagi kanaagumbana makhoyda chatlabadi, makhoyna pukning honggani.
31 Maduda mahaakna maangonda haay, makhoyna Mosesgi amasung Eeshorgi waa taakthokpa shinggi waa tadrabadi, ashibashinggi maraktagi kanaagumbana hinggatlabasu, makhoybu thajanaba themba yaaroi.