Job 9
9 1-2 Hoi, madu pumnamaktu eina mamangngeidasu takhre, adubu mina matou karamna Ipuroibu ngamgadoubage?
3 Matou karamna mina Ipuroiga marei sangdanagani? Kananasu khumba ngamloidouba wahang lishing lishing Ibungona hangba ngammi.
4 Ipuroidi asukki matik panggal leibani amadi khangbiribani, kanana Ibungo mahakka lanba touba ngamgani.
5 Khanghandana Ibungo mahakna chingjao lenghanba ngammi, Asaobana meiri oiduna manghanbibasu ngammi.
6 Ipuroina leibak nikhalli, malemsibu ngakliba pheiradu Tekoahanba ngammi. Mahakna numit phaba ngammi, aduga ahingda thawanmichak thok-handaba ngammi.
8 Ipuroina koirou semba matamda kanana tengbangkhide,
ironnungda leiriba hingchabasingbu namthabada kanagi mateng loukhide.
9 Ibungo mahakna khongjomnubi, sajik, thaba amadi kharomda leiriba thawanmichaksingsi semkhibani,
10 Ibungona pangthokpikhiba achouba thabaksing eikhoina khangde, mahakna touba angakpa khudamsingdu aroiba naide.
11 Ipuroidi chattunata leiribani adubu eina khangbadi ngamde.
12 Ibungona apambadu lousinbikhi aduga masibu kananasu khamba ngamde, kananasu Ibungoda kari touribano haiba ngamde.
13 Ipuroigi asaobadu loide maramsina yeknabasingbu manghanbi. Rahabki mateng pangbasingdu Ibungona manghanbi
14 Maramsina Ipuroigi wahangdugi paokhum pinaba ipanggal leijade.
15 Eina aranba kaya toururabasu eina toujaba yaba haibasi eigi wayel Mapu oiriba Ipuroidagi ngakpinaba nijaba nattana karisu leite.
16 Adu oiraba phaobada karigumba Ibungo mahakna eibu wa nganghanbirabasu, Ibungona eina haijabadu tabigani haibasi thajade.
17 Ibungo mahakna nonglei tharaktuna eibu inthubiri, masigi maram thoidokpa leite.
18 Ibungo mahakna eibu sor holhanbidre, Ibungona eigi ipunsisi akhabana thalhanbire.
19 Eigi ipanggalsina Ipuroibu lan thengnasira? Ipuroibu loishangda pukhatsira? Mahakpu kanana koukhatpa ngamgani?
20 Eigi iran amatta leite adubu eigi iwaheisingsi iran leibagumna touri. Eigi ichindagi thorakpa wasingsi eigi mangnabata oiri.
21-22 Eihak iran leijade adubu madu hairuduna karisu kanade, eihak taibangsida hingningdre. Iran leiba leitaba Ipuroina eikhoi loina manghanbigadouribani.
23 Maran leijadaba kanagumbana siba matamda Mapu Ibungona khek laori.
24 Taibangpansi phattabagi makhutta tahankhrabani, wayelliba pumba mamit tanghankhrabani, karigumba Ipuroina masibu touba nattrabadi kanana toukhibani?
25 Nongma phaoba ingthaba leitana ipunsi houkhre.
26 Houkhre ipunsisi ayangba higumna, lenkhre eina umaibina uchi phage humtharakpagum.
27-28 Cheinakhon khangnanabagidamak noklurabadi, awaba pumba eigi iphamda hallak-i. Masina takpadi Ipuroina eisi iran leiba amani louri.
29 Eihak iran leibani haina lourabanina eina wagadouribasi karino?
30 Chammarak hanna irujathoktuna iran kokpa ngamlaroi.
31 Ipuroina eibu amotpa kom amada hunthabire, Eina setliba phiduna phaoba eibu yengningde.
32 Ipuroisi taibang mi oiramlabadi, irai laina paokhum piba ngamlamgani,
Eikhoigi irakta leiribasi taisinanaba loishangda chatpa yaramgani.
33 Adubu eikhoi anigi irakta wangkheibinaba leite, Ipuroi amadi eigi irakta watembinaba kanasu leite.
34 Hey Ipuroi, nanaibu awapham tahanbibasi tokpiro, Ibungogi akibadu louthokpikhro.
35 Eihak kide maramsina eihak wa ngangadouri. Eina eihak kanano haibadu sengna khangi.