2 Kings 4

Elisana laairabi nupi amabu tengbangba

1 Maaichoushinggi maraktagi amakhakki machaanupi lukhraabi amakhakna Elisada haayrammi, "ebungngo, nanaaigi epuroibadu shire. Ebungngona khangbiribaduni nanaaigi epuroibadu mapubu kina chatchaba nupaani adubu mahaakna hinglingeida shel khara tollammi. Mahajanduna echaa-nupaa anisi minaai oihange haayduna louba laakle."

2 Mahaakna maasida haayrammi, "nahaakkidamak kari tousige? Nayumda kari kari leihouwi? haayyu tasi." Chorphon thaao yaaoriba chaphu machaa amakhak nattana atei karisu leite." nupiduna khumjakhi.

3 "Nahaakki yumlonnabashinggi manaakta chatlaga ahaangba chaphu hek phangbamakheidu purak-u." Elisana nupiduda haayrammi.

4 Masigi matungda nachaashing kousinduna nayumdu thong thingjinlu. Thaao yaaoriba chaphududagi ahaangba chaphushingduda thaodu heiyu. Thallaba matamda madu nakanda theidoktuna thammu."

5 Asumna nupiduna mayumda chatkhraga machaanupashingdu khosillaga thong lonsinlammi. Nupiduna thaodu ahaangba chaphushingduda heiringeida machaanupashingduna chaphushingdu mahaakki manaakta pishillaaklammi.

6 Patrashingdu thallaba maramda nupiduna machaanupashingduda haayrammi, "chaphu atei leirabadi purakho." Nupidugi machanpuaduna haayrammi, "maduna aroiba chaphuni." Matam-sidata Chorphongi thaodu heiba lepkhi.

7 Nupiduna maaichou Elisagi manaakta laaklammi amasung maaichouna nupiduda haayrammi, "chatlo, thaodu yollo aduga sendondu kokthokkho aduga leihouriba aremba peishaaduna nahaak amadi nachaashinggi chaanaba okkani."

Elisa amadi Sunemdagi laakpi enakhunbi nupi ama

8 Nongma Elisa Sunemda chatlammi. Maphamduda enaak khunbi nupi amaa leirammi. Nupiduna Elisabu chaak kourammi. Elisana Sunemda chatpa matamda nupidugi mayumda tattana chaak chaarammi

9 Nupisina mapuroibada haayjarammi, "yeng-u, nupaasi Eeshorgi seba chatpa ashengba mi malli. Etat tattana nupaasi eikhoygi lambisida phaaoduna chatli.

10 Eikhoygi yumgi mathakta mahaakki ka amaa sabiduna maduda phamung, tebal, choukri, amadi thaaoumeinachingba thouraang toubiraga mahaakna maphamsida laakpa matamda leijaba yaai."

11 Nongma mahaakna asum laakpadagi haayriba yumsida thunglammi.

12 Maphamduda mahaak potthaaduna leirammi. Mahaakna manaai Gehazida nupidu kourak-u haayrammi. Nupidu mahaakki manaakta laakpa matamda

13 Elisana Gehazida haayrammi, "eikhoygidamak mahaakna asukki matik awaaba khaangduna chanathaaknaba amadi leinaba mapham pibibasigidamak karina laman shinghanningbage hangu. Ningthouda nattraga laanmishinggi luchinglenduda chattuna mahaakki karigumba kaannaba khara touhanninglambasu yaai.

Nupiduna khumlammi, “eigi shaagei-naateigi marakta eina leijabasida thoidokpa awaatpa leite."

14 Elisana Gehazida haayrammi, "adu oirabadi mahaakkidamak atei kari toubiba yaaba leibage?" Gehazina khumlammi, "nupisi machaanupa pokte aduga mahaakki mapuroibadu ahan oire."

15 Elisana haayrammi, "nupidu maphamsida pusillak-u." nupiduna thongjinda leptuna leirammi.

16 Elisana maangonda haayrammi, "Ollakpa chahigi matamsida nahaak nachaa-nupaa amaa pamgani."

Nupiduna haayrammi, "ebungngo, nanaaida minamba waa taakpiganu. Ebungngodi Eeshorga loinabiriba amani."

17 Adubu Elisana haaykhiba gumna ollakpa chahida nupidu machaanupa amaa pokkhi.

18 Angaangduna chaaoraklaba matamda nongma mapaaga loynanaa loubukta lourokpa chatlammi.

19 Angaangduna mapaada haayrammi, "is, eihaak kok puba ngamdre, ei kok puba ngamdre."

Mapaduna minaai amada haayrammi, "angaangdu mamaagi manaakta thillu."

20 Minaaiduna angaangdu mamaagi manaakta thinkhi aduga mamaduna angaangdubu numit yungba matam phaaoba matambakta pamduna leirammi. Numit yungba matamduda angaangdu thawaay laankhi.

21 Nupiduna angaangdubu Elisagi kaduda pukhattuna thamlammi. Mahaakpu phamungda hiphallaga thongdu thingjinkhi. Nupidu mapaan thorakle aduga

22 Mahaakna mapuroibadu kouraga haayrak-e, "minaai amabu lolaa amaa puhallaga maphamsida laak-hanbiyu. maaichou Elisagi manaakta chattaba yaade. Hek ngamlibamakhei thuna hallaknaba hotnajage."

23 Mpuroibaduna haayrammi, "karigi ngasi chatkadouribano? Ngasi potthaaba numit nattra punima natte."

Nupiduna haayrammi, "karisu leite."

24 Mahaakna loladu tongkhatlaga minaaiduda haayrammi, "loladu yaamna yaangna thou. Aduga eina tapthou haaydribamakhei nahaakna yaangna thougadabani."

25 Mahaak thuna Elisana leiriba Carmel chingdu taanna chatkhi.

Khara thaapna leiringei matamda Elisana nupiduda laaklibadu urammi maramsina manaaiduda haayrak-e, "yeng-u, Sunemdagi nupidu ada laaklibasini.

26 Thuna chatlaga kari kari toure hangu. Mapuroiba amadi machanachingba ashoy angaam leitbara hangu."

Nupiduna Gehazida thoidokpa awaaba yaaode khumlammi

27 Adubu nupiduna Elisagi manaakta changshinkhiduna khurumjaraga Elisagi makhong konduna leirammi. Gehazina mahaakpu enthokke tourammi. Adubu Elisana haayrak-e, "ngaikho, ngaikho, mahaak maaythong laangsillibasi nahaak udra? Eeshorna masigi maramda karisu taakpikhiba leite."

28 Nupiduna Elisada haayrammi, "ebungngo, nanaaina echaa-nupaa pokchage nijakhibra? asigumba asha touhanbiganu haayjakhidra?"

29 Elisana Gehazida onsinduna haayrammi, "thuro, eigi cheishusi puduna chatlu. Nahaakna laambelda miga waari shaaduna matam maanghanba yaade. Mina karigumba waa haayraklabasu paaoukhum piduna matam manghan-ganu. Nupisigi mayumda thuna chatlaga eigi cheishusi angaangdugi mathakta paayduna leigadabani."

30 Nupiduna Elisada haayrammi, "sinaidaba Eeshorgi minglen amadi ebungngogi charanna saakhi oisanu ebungngo chattriba phaaoba eihaak maphamsidagi lenglaroi. "Asumna makhoy ani laakminnarammi.

31 Gehazina haanna chatkhraga cheidu angaangdugi mathakta paayduna leirammi. Adubu angaangdu hingbagi karigumba khudam amatta leikhide. Maramsina Gehazina Elisabu unaba thora klammi amasung haayrak-e, "angaangsi hougatre."

32 Elisana kaada changlakpa matamda mahaakna hiplamba phamungduda angaangdu sina taaduna leirambadu urammi.

33 Mahaakna mi kanaasu yaaohandana kadu thaong lonsinkhi. Mahaakna Eeshorda haayjarammi.

34 "Mathangda angaangdugi mathakta kakhatuna hiplammi. Mahaakki machinga angaangdugi machinga chilloknarammi, mahaakki mamittu angaangdugi mamitta mapaa chaana taahallammi. Hou-jik angaangdu masha khara shaagatpa houraklammi.

35 Hougatuna kadugi manungda ngaaihaaktang koyna chatlammi. Mahaak phamungduda amuk haanna kakhattuna angaangdugi mathakta kakhatlammi. Haannagi adugumna shaangna tingthoklammi. Adudagidi angaangdu hakthi taretlak khallammi. Ngaaihaak leiraga angaangdu mamit pangkhi.

36 Elisana Gehazi kouduna angaangdugi mamaadu kousillaknaba haayrammi. Nupiduna kaduda changlaklaba matungda mahaakna nupiduda haayrammi, "nahaakki nachaa-nupaadu karisu toude."

37 Maasi ubada nupiduna mahaakki makhong kollammi aduga khurukhudak kunduna mamaay leibaakta shoktuna Elisabu khurumjakhi. Masigi matungda nupiduna machadu puraga mapaan thokkhi.

Elisana touba angakpa thabak ani

38 Chaak yaamna thina tangba matam amada Elisa Gilgalda laaklammi. maaichou kaangbu amakhak mahaakna paaoutaak pirammi amasung mahaakki manaaiduda haayrammi, "chak thonggatlu." Areiba potshingduna makhoygi chaanaba khara shemmu."

39 Makhoygi maraktagi amanaa loubukta chat-laga naapi khara phoira klammi. maasida nupaaduna khongdrum akhaba mari amaa thengnarammi. Mariduda khongdrum akhaba kharasu paallammi. Maasi mahaakna mapot phana heklaga hallaaklammi. Uyaanda mahaakna madu hapchillammi. Mahaakna khongdrum akhabani haaybasidi khanglamde.

40 Makhoyna yenabiduna maaichou-shingduna chaaringeida laaoraklammi, "he Eeshorgi manaai, enshaangsi chaaba yaadaba mi shiba potni." maramsina makhoy chaaramde.

41 Elisana makhoyda haayrammi, "cheng khara purak-u." Chengdu mahaakna uyaanduda heijallammi. Mahaakna haayrammi, "houjik makhoyda yenbiro." Masigi matungda chaabada karisu thokkhide.

42 Kumgi ahaanba lokpa yaamna houba tal kunkhak Baalsalisah leiba nupaa amanaa Elisagidamak purakkhi. Mahaakna lokpada ngaairiba phou chaarong bora amaa thanna purakkhi. madu ubada Elisana haayrammi, "maaichoushingda nupaaduna puraklibadu pijathokkho."

43 Elisagi manaaiduna haayrammi, "karamna mi 100 bu purakliba khajiksina pijagadouribano?"

Elisana haayrammi, "eina pijou haaykhiba potshingdu maaichoushingsida yenda yen-thok-u. Eina haayriba waasi Eeshorna taakpiba matung ennaa haayribani. Makhoyna chaaraba matungda lemsu lemgani."

44 Asumna yaathangsigi matung ennaa mahaakna chaanaba potshingdu maicho-ushinggi mamaangda thamlammi. Eeshorna taakpikhiba matung ennaa makhoyna chaabamakhei charaga kharasu lemkhi.