Isaiah 25

Thagat eshei

1 He Eeshor, ebungngotani oiriba Eeshor, eina nahaakpu thaagat-chaagani, eina ebungngogi minglenbu sonjagani. Toubikhre nahaakna angakpa thabakshing, matik hongba naaidraba magun hongba leitraba shembikhi nahaakna upaambi kaya,

2 Oihankhre nahaakna saahardu mang taklaba mapei, oihankhi nahaakna chekpan khajallaba saahardu manglaba mapham, lamlaanba mishinggi konungdu koiraroi konung, shaagatlaroi amuk hanna,

3 Maramsina mapaanggal leiraba Jaatshingduna nahaakpu thaagat-chaagani, thoujaan leitba Jaatshinggi saaharduna nahaakpu kigani,

4 Oibiri Ebungngona laairabashinggi changjapham, oibiri nahaakna awaaba khaanglaba mishinggi changjapham, nonglei nungshit amadi aingasa animakta oiri nahaakna changjapham, thoujaan heitabashinggi thousindi chekpanda yeiba nungshitki matougummi. Kanglaba maphamda yeiba asaba manilgummi.

5 Lamlanba kayagi laao khongbadu nahaakna namthabi, leichinna kupshinbagum meishaadu, thoujaan leitbashinggi esheidu mangkhigani.

Ebungngona chaakkhangnaba thouraang

6 Loibi chingda nongthak nongkha anigi mapu, Eeshorna masha noiraba shadong thongduna mi pumnamakki oinaa thoukhang amaa tougani maduda mayaai kallaba yu, haoraba amadi mamal changlaba chaanaba potka loynanaa ningthina sunglaba yu pithakkani,

7 Asigumba chingsida mahaakna taaibang mi khudingda kupliba maaykhandu louthokkani. Asigumba maaykhandu jaat khudinggi mi pumnamakta kuptuna lei.

8 Mahaakna ashibaa kouba aidu matam leiba khibikki oinaa maanghan-gani Eeshorna taaibang-paanda leiriba mishinggi mamaida teiriba piraangdu teithokpigani. Maalemsida leiriba mahaakki mishingna nangliba ekaaibadu mahaakna louthokpigani. Haayriba waaphamsi nongthak nongkha anigi mapu, Eeshorna taakpiri.

9 Adugumba numittuda haaygani, "yeng-u, maasi eikhoygi Eeshorni. Eikhoybu kanbinabagidamak kayaa kuina eikhoyna mahaakpu ngaaijaraklaba. Maasi Eeshorni. Eikhoyna mahaakpu ngaaijaraklibani. Maramsina mahaakki aran khubha mdu ningshingduna eikhoy haraao mathoi karasi."

Moabpu awaaba piba

10 Loibi chingduda Eeshorgi khuttu thambigani. Santhi habungda charu neikhaaibagumna Moabna mahaakki leiphamda khongnetnagani.

11 Eroiriba kanaana makhut tingthokchabagumna mahaakna masigi marakta makhut tingthorakkani. Adubu Eeshorna mahaakki makhut masha heishingbaduga loynanaa mahaakpu leikha taahangani.

12 Mahaakki waangna khagatlaba chekpandu lemna thaadokloi. Uphullakta tilhankhigani.