Acts 12
Herodna ot-neiba; Peterbu keisum-sangdagi kanbiba
12 Amasung matam aduwaaida Herod ningthouna seenglupki mi kana kanaagumbabu thina tounanaba makhut thingjil-le. 2 Amasung mahaakna John-gi mayaamba Jamespu kabaak-thaangna hathalle. 3 adugaa masina Jews-singbu pelhalle haayba mahaakna urabada, Peterbusu mahaakna phahalle. Amasung maadu haamei yaaodaba tal chaak-khangba matam oirammi. 4 adugaa mahaakna mahaakpu pharabada, keisum-sangda thamduna, laanmi mari marigi kaanglup marida mahaakpu ngaaknaba pithokle; maramdi araan-chaak khaangbagi matungda mahaakpu misinggi mamaangda pukhatke ninglammi.
5 asum touna Peterbu keisum-sangda ngaklammi; adubu mahaakki damak seenglupna Eesor-gi maphamda yaamna kanna haayjarammi.
6 Amasung Herodna mahaakpu putholdamdai ahing adumaktada, Peter-na laanmi anigi marakta yotlhingphalang anina punduna tumlammi; adugaa ngaksenba singna keisum-sang adugi thongda ngaklammi. 7 Amasung yeng-u, Eesor-gi dut amanaa manaakta leplare, adugaa mangaan amanaa leipham aduda ngalle, maaduda dut aduna Petergi nakanda phuraga houdoktuna haay, thuna hougat-lu. adugaa mahaakki yotlhingphalang adu makhuttagi takhre. 8 maaduda swarga-dut aduna maangonda haay, nakhwang laaksillu, khugraang marisu punsillu. adugaa mahaakna adugumna toure. 9 maaduda mahaakna maangonda haay, naphi ensillaga etung ellu. adugaa mahaakna thoktuna matung ellammi, amasung dutna touba adu aoibamakni haayba khangdaduna mahaakna uhanbiba amaa ugani haayna ninglammi. 10 adudagi makhoyna ahaanba amasung anisuba ngaksenbabu hendoklaaktuna, saharda changnaba yotna saaba panthong aduda thunglarabada, thong adu makhoygi damak manthanta haangdokchaare. adugaa makhoy thoklaktuna, lambi amada chatlaga, khanghoudana dut adu maangondagi chat-thokkhre.
11 maaduda Peter-na masaana khngjaraklabada haay, houjikti eina chumna khngjare, haaybadi, Eesor-na ebungngo-gi dutpu thabiraktuna, eibu Herodki khuttagi amasung Jews-singgi ninglambadagi kanthokpire. 12 Amasung mahaakna waakhal khallaga, mingthol Mark kouba John-gi mamaa Marygi yumda laakle; mapham aduda ayaambana tinnaduna haayjarammi.
13 Amasung mahaakna mapaan-gi thongda yeirabada, Rhodes koubi minaai leisaabi amanaa hangnanaba laakle. 14 adugaa manaa Petergi khonjenni khanglabada, haraaornanbadagi thongdi haangdoktaduna, manaa chensinkhiduna, Peter-na thongjinda leptuna lei haayna tumlare.
15 maaduda makhoyna maangonda haay, nang ngaore! adubu manaa aoibamakni haayduna kana mayadre. adugaa makhoyna haay, maadu mahaakki dutni. 16 touegumsung Peter-na thong yei yeiduna leirammi, makhoyna thong haangdoklabada, mahaakpu uraduna engak ngakle.
17 adubu mahaakna makhoyda tuminna leinanaba makhut khattuna, Eesor-na mahaakpu keisum-sangdagi karamna chingthokpirakpa haayba adu makhoyda lithokle. adugaa mahaakna haay, waaramsing asi Jamesta amasung echin-enaaosingda tambiyu. adudagi mahaakna thokkhiduna atoppa mapham amada chatkhre.
18 Nongallakpada Peterda kari thok-khibano haayduna laanmisinggi marakta yaamna maraang hounare. 19 adugaa Herodna mahaakpu thiduna phangdrabada, ngaksenba singbu munna waayelduna, makhoybu haatnaba yaathang pire. adudagi mahaakna Jewsdagi Caesareada kumthaduna, maaduda phairammi.
Herod siba
20 Amasung mahaakna Tyre amasung Sidon-gi misinggi mathakta yaamna saaorammi, adugaa makhoyna amata oinaa mahaakki maphamda laaklaga, ningthougi sang-gai manung pannaba Blastbu makhoygi marup oihanduna, engthanaba haayjarammi, maramdi makhoygi lam adu ningthougi lamdagi yokthakpirammi.
21 Amasung lepnaba numit amada Herodna ningthougi phijet setlagai phambaalda phamduna, makhoyda waari tourammi. 22 maaduda mising aduna laaorak-e, laaigi khonjenni, migi natte. 23 adugaa mahaakna Eesor-bu thaagattaba maramna khudak adumaktada Eesor-gi dutna mahaakpu yeithure, adugaa tinna chaaduna Mathawaai thaakhre.
24 touegumsung Eesor-gi waapaao chaaokhatlammi, amasung hen-gatlammi. 25 adugaa Barnabasga Saulgana makhoygi thougan adu loiramlaga, mingthol Mark Kouba John-bu makhoyga loynanaa puraktuna Jerusalemdagi hal-lakle.