Song of Solomon 7
Nupaana seihallakpa
7 Angakpa chanurani nahaaksi, sendal tonglaba nahaakki nakhoungdu yengbada kayagi matik ningthijaba. Naphaigan taaba yengbada kanaagumba khut heiba amanaa ettuna sembaga maannei.
2 Manam nungsiraba angur mahi yaaoba keidoungeidasu loiba naaidraba paatra amaa leiri. Tharo tharikthana koisinduna leiriba gehu chaaronggi mapun amaa leiri.
3 Nahaakki thabak anidu yengbada Saji ani leimin-nabagi matougummi. Malli yengbada sajan ani phangna leibagi maong.
4 Ngaksam tabadu yengbada saamu mayaana saaba awaangba yumdagisu ngamjabini. Hesbon kouba saharduda thonggal manaakta leiriba phajaraba pukhrigi matougumna mahaakki misna anidu leiri. Damascusta leiriba mapham khuding ubaa phangba Lebananda leiriba awaangba yumdugi matougumna naton tabadu ningthijei.
5 Carmel kouba chingdugi matougumna nahaakki koklendu waangna leiri. Tarakliba samlangdu yengbada anaanba laangi matougummi. Masigi phajabaduna ningthou phaaoba khudum chan-gadouribani.
6 Kayagi matik ningthijaba, kayagi matik phajaba, nahaakpu nungsijarubadagi phangjariba nungaaibasi kayagi matik mapung phariba.
7 Nahaakpu yengbada thangtup paambigi matougumna chinglemmi. Nahaakki nathabaktu yengbada thangtup chaarong panbagi matougummi.
8 Eina thangtup paambidu kaaduna maheidungamnamak hekkani. eigi ephamda nahaakki thabak anidu angur chaarong panbagi matougummi. Nahaakna hondorakpa sordu heitup amunbagi manamgi matougummi.
9 Nahaakki nachindu yengbada Khwaaidagi haoraba angur mahigummi.
Nupina khumlakpa
Adu oirabadi angur mahidu chanathoibadugi machinda atatpa leitaana chenthasanu. Machin amadi maya anida taaba oisanu.
10 Nungsi thoibadugini eidi adugaa ebungngo mahaakna eibu khouraangna ngaijei.
11 Laklo nungsi thoiba, umang wamang leiba maphamda chatlaga khunggangda ahing lenminnarusi.
12 Ayuk aangaanbada hougatlaga angursingdu yengminnasi hourabra, yenggani pomsatnaribasingdu satkairabra yenggani kaphoi paambi-singdu leisat tamlabra haaybasisu. asigumba maphamda eigi aroiba nungsibadu nahaakki naphamda laanthokkani.
13 Nahaakna phanayaai punnayaaigi manamdu namba yaai, masiga loynanaa haoraba uheisingdu eikhoygi yum manaakta phanggani. channathoiba, ariba amadi anouba haoraba uheisingdu nahaakkidamak eina thamkhrabani.