James 5
Eenaak-khunba singna neiba adugi mathakta ngaangba
5 houjik laak-u, he enaak-khunbasa! nakhoygi nathakta laakliba awaanungsibagi damak kap-u, amasung lao-khongu. 2 nakhoygi lanthum tumle, adugaa nakhoygi phirol sumna chaare. 3 nakhoygi sanaa amasung silver kolhing kare, adugaa madusinggi kolhing aduna nakhoygi nathakta saakhi oigani, amasung meigumna nakhoygi nasa chaagani. nakhoyna akonba matamda laal peisille. 4 Yeng-u, nakhoygi lou khaaoba langbasinggi khutlangman, nakhoyna lounam touduna khakhouba aduna laaothok-e; adugaa lon lokpasinggi laoba aduna laanmi mayaamgi Eesor-gi naakongda changle.
5 nakhoyna prithibida noipenna panduna nungaaire; haatpagi numitta nakhoygi thamoi nakhoyna noihanjare. 6 Dharma chenba mahaakpu nakhoyna lanasu laalhalle, hatsu haatle; mahaakna nakhoybu thingde.
Khangheinanaba ensinbiba
7 maram aduna, echin-enaaosa, Eesor-bu lenglaktriba phaaoba khangheina khangu, yeng-u, Prithibigi mamal luba mahei adugi damak aangaanba amasung athengba nong phangdriba phaaoba,lou ubaa mina maadugi mathakta khangheina khaangduna ngaairi. 8 nakhoysu khangheina khangu; nakhoygi pukning chetllu, maramdi Eesor-na lenglakkadaba adu nakle. 9 echin-enaaosa, nakhoybu waayeldananaba, amanaa amagi mathakta murum murum sonnaganu; yeng-u, waayel, mapuna thong mamaangda lepli.
10 echin-enaaosa, Eesor-gi mimgda ngangkhiba Eesor-gi waa taakthokpa sing awa khaangbagi amasung khangheibagi paandam oinaa loubiyu. 11 Yeng-u, khanglabasingbu eikhoyna yaaiphaba kou-e. nakhoyna Iyobki khangheiba adugi maramda taare, adugaa Eesordi chanbibana thalli amasung nungsiheibani haayba, Eesor-gi aroiba thouraang adu, nakhoyna ure.
12 touegumsung, eigi echin-enaaosa, hiram pumnamaktagi athoibadi, swarga, prithibi, nattraga karigumba atei atei waasak panduna waasakkanu. adubu nakhoyna waayelda tadannaba nakhoygi hoy adu hoy oisanu, adugaa nakhoygi maay adu maay oisanu.
Haaijabagi paanggal
13 nakhoygi narakta kanaagumba awa khanglibra? mahaak haayjasanu, kanaagumba haraaoribra? mahaak thaagatpa esei saksanu. 14 nakhoygi narakta kanaagumba naribra? Mahaakna seenglupki ahal-laman singbu kousanu, adugaa makhoyna Eesor-gi mingda mahaakpu thaao teibiduna, mahaak-kidamak haayjabisanu; 15 Amasung thaajabagi haayjabana anaaba mahaak adubu kanbigani adugaa Eesor-na mahaakpu hougat-hanbigani; amasung mahaakna paap touramlabadi, mahaakpu kokpigani.
16 maram aduna nakhoybu naaba phahan-binanaba, nakhoyna amanaa amada nakhoygi paap haidoknaduna, amanaa amagi damak haayjabiyu. Dharma chenba migi nonjabagi thabak toubada yaamna kalli. 17 Elijahdi eikhoyga mahousa mannaba mi oirammi, amasung nong chudananaba mahaakna thawaay yaaonahaayjare, adugaa chahi ahum thaa taruk phaaoba prithibida nong chude. 18 Amasung mahaakna amuk haanna haayjaraga swargana nong pibire, adugaa prithibina mahei pallakle.
19 eigi echin-enaaosa, nakhoygi narakta kanaagumbana achumbadagi lamuknarabadi, adugaa kanaagumbana mahaakpu hanhallaklabadi, 20 mahaakki lambi lamuknabadagi paapchenba amabu hanhallaklaba mi aduna sibadagi thawaay amabu kanbigani, amasung paap mayaambu kuppigani haayba mahaakna khngsanu.