Jeremiah 29
Babylonda leiba Jews-singda Jeremiahna chithi eba
29 waa taakthokpa Jeremiahna Jerusalemgi laanpha oinaa chatkhiba ahansing, purohit sing, waa taakthokpa sing, amadi Nebuchadnezzarna Jerusalemdagi Baby-lon taanna pukhiba misinggi maphamda chithi amaa ekhi. 2 Haayribasi ningthou Jehoiachin mamaa ebemma sija, napungsaksing, Judah amadi Jerusalemgi ningthou machaasing, u subaa amadi yot subaa pumnamakna Jerusalem thaadoktuna Babylonda chatkhraba matungda ekhibani. 3 Haayriba chithisi Judah-gi ningthou Nebuchadnezzarda Saphan-gi machaa-nupaa Elasah amadi Hilkiahgi machaa-nupaa Gemariah anisi thaaduna Babylonda thilhankhibani. Chithisigi marondi: 4 "Israelgi Eesor nongthak nongkha anigi Eesor-na asumna haayri. Jerusalemdagi Babylonda laanpha oinaa eina thaakhibasinggi maphamda: 5 Nayum saaduna maaduda leinaba hotnou. Heikon leikon semduna maadugi mahei chaanaba thouraang tou. 6 Natunachingba thiduna nachaa-nupaa amadi nupi pok-u. nachaa-nupaasinggi namou maphamdudagi lou. Nachanupi-singsu maphamduda leiba misingda luhongbiduna machaa-nupaa amadi nupi poksanu. Maphamduda mising yaamkhatnaba masing hanthanaba yaade. 7 adubu eina nakhoybu laanpha oinaa thakhriba sahardugi yaaiphaba thouraang khudingda thawaay yaaonanakhut tingthok-u. Haayriba sahardugi maramda Eesor-da bor nijou. maramdi maasi mara tapna pallaga nakhoygisu athoiba oigani. 8 Israelgi Eesor nongthak nongkha anigi Eesor-na asumna taakpiri: nakhoygi narakta leiriba waa taakthokpa amadi tungda thokkadaba waa phongdokpasingduna nakhoybu minamhanganu. makhoyna mangba manggi waariduda nakhoy thajaruganu. 9 maramdi makhoyna eigi eming panduna nakhoyda phongdokliba waasingdu araanba ngaktani. Eesor-na taakpiri eina makhoybu thaakhiba natte.
10 Eesor-na asumna taakpiri: Babylon-gi matam chahi 70 ni. maasi loiraba matamda eina nakhoygi nanakta laakkani. Matamduda eina eigi waasak panhgthokkani adugaa nareibaakta nakhoybu tamduda amuk haanna pubirakkani. 11 nakhoygi damak kari tougani haaybadu eina phajanaa khang-e. Eesor-na taakpiri: nakhoygi yaaipha thouram tungda thokkadaba aphaba amadi asagi urongdu eina semba loire. 12 nakhoyna eigi eming louduna kouba matamda adugaa eigi emingda haayjaba matamda nakhoyna haayjaba pumnamak eina taabigani. 13 nakhoyna nathawaai hakchaang amatta oinaa eibu thijaba matamda ngamgani nakhoyna eibu phangba. 14 Eesor-na taakpiri: nakhoyna eibu phang-gani. nakhoygi naraibaktu eina amuk phahan-gani. adugaa nakhoy jaat ateigi marakta chaaithoktuna leikhribadu khomjinbigani. Eina nakhoybu taanthok-khiba mahaamsingdudagi nakhoybu punna pubirakkani. Masimak Eesor-na taakpiri: Eina nakhoybu laanpha oinaa chatringeida leiramba maphamduda taanna pubirakkani.
15 Babylonda nakhoygi narakta Eesor-na waa takthoka thok-hanbire haayna nakhoyna haayjari. 16 Davidki singhasanda ngaanthoibiriba ningthou amadi saharsida leiriba nakhoygi nachin nanaao nakhoyga loida chatkhidabasinggi waani. 17 Nongthak nongkha anigi Eesor-na asumna taakpiri: yeng-u, eina makhoygi mathakta thang, chaak tangba, amadi matin makang thaaraklagani. Makhoybu chaabada matik chaadraba theibongumna loukhatpa yahalloi. 18 taannagani makhoybu thang paayduna, waahn-gani tanghanduna chak, tahanduna laichat. maalemsida leiriba leibaaksinggimamaangda managani makhoy akibagi masak, oigani saap, thuk laoba amadi ema laoba. adugaa makhoybu eina thaaba mapham khudingda ekaaibada nanggani. 19 Eesor-na taakpiri: Eigi enaai waa taakthokpa singgi machindagi ngaangthok-khiba waasingdu nakhoyna endabanina, nakhoyna haayriba pumnamaksi nanada haptabanina Eesor-na taakpiri, 20 Jerusalemdagi Babylon taanna loi oinaa eina thaakhibasing nakhoy Eesor-gi yawaasi taro. 21 Israelgi Eesor nongthak nongkha anigi Eesor-na asumna taakpiri: Kolaiahgi machaa-nupaa Ahab amadi Maaseiahgi machaa-nupaa Zedekiahna eigi emingda araanba waa phongdoklibadugi maramda: yeng-u, eina makhoy anibu Babylon-gi ningthou Nebuchadnezzargi makhutta sinnagani. Mahaakna makhoybu nakhoygi namangmaktada haatkhi. 22 Makhoygi maramdagi Judahdagi Babylon taanna loi oinaa chatkhibasingna Babylon-gi ningthouna meida thaakhiba Ahab amadi Zedekiahgum Eesor-na oihansanu haayna haaynagani. 23 makhoyna Israelgi manungda araanba thabak amadi yumlonnabagi matuda araanba lamchat chatkhiba maramdagi adugaa eina yaathang toudrabasu makhoyna eigi emingda minamba waa kayaa ngaangba maramdagi haayriba saapsi phanggdabani. Eesor-na taakpiri: pumnamaksi khangliba mapudu Eini. Eina masida saakhi oigani.
Semaiahgi chithi
24 Nehelamgi Semaiahda nahaakna haaygadaba waadi asini: 25 "Israelgi Eesor nongthak nongkha anigi Eesor-na asumna taakpiri: Nahaakki namingda Jerusalemda leiba mising amadi purohit Maaseiahgi machaa-nupaa Zephaniah adugaa purohit singda chithi amaa ekhi. Nahaakna haaykhi, 26 " Eesor-na purohit Jehoiadagi mahutta nahaakpu purohit oinaa khalle. Eesor-gi ningna sang pannaba phamnaaiba amaa oinaa nahaak waa takthokliba aangaaobasingdu keisum-sang amadi miyaam mamaangda cheirak pinaba pang tingnnaba una saaba karongdu pannahalli. 27 Anathothki Jeremiahna nakhoyda waa phongdoklibasida nakhoyna karigidamak cheidribano? 28 Mahaakna Babylonda leiriba eikhoygi ephamda nakhoyna loida leigadabasi matam yaamna sangi haayri. Nayum saaro. maaduda leiyu. Heikon leikon semduna maadudagi lokpa maheidu chaao haaybanachingba erakli."
29 Purohit Zephaniahna waa taakthokpa Jeremiahgi manaana tannanaba chithidu pathoklammi. 30 Matangduda Eesor-na Jeremiahda waa haaybira klammi: 31 "loida chatkhragasingduda haay-u, Nehelamgi Semaiahgi maramda Eesor-na asumna taakpiri: Eina thasu thaadana Semaiahna nakhoygi naphamda waa phongdoklabanina, adugaa mahaakna nakhoybu araanba waada thajahallabanina 32 Eesor-na taakpiri: yeng-u, Nethelamgi Semaiahbu eina dandi pigani. mahaakki machaa-masusinggi mathaktasu eina dandi pigani. Eesor-na taakpiri: mahaakkini haayna mising sigi marakta eina aphaba touba matamda yengnanaba chada amaa phaaoba leiroi. maramdi mahaakna Eesor-gi mayokta araanba waa ngangkhre.