Galatians 4
Christada thaajabagi mapaanna Eesor-gi machaa nupaa oiba
4 touegumsung eina haayri, haaybadi, yumlepchara aduna nahaa oiringei makhei, mahaakna pumnamakki mapu oirabasu, minaaiga karisu khetnade; 2 adubu mapaana kak-khiba numit adu sudriba phaaoba mahaakna ngaksenba singgi amasung dewnsinggi maakha ponna lei. 3 Adugumduna eikhoyna angaang oiringeida taaibang-paangi maru oiba chatnabigi maakha ponna eikhoybusu punduna thamlammi. 4 adubu maram adu pumsu surabada Eesor-na, nupina pokpa, waayel yaathanggi maakha ponna pokpa, machaa-nupaabu thabirakle; 5 maadudi machaa-nupaasina waayel yaathanggi maakha ponna leirambasingbu handokpinanabani, asumna eikhoyna yokchaba machaa-nupaasing oiba phangjananabani. 6 adugaa nakhoydi machaa-nupaasing oibagi maramna Eesor-na machaa nupaagi thawaaybu nakhoygi thamoi nungda thabire; thawaay Abba, epa, laojei. 7 adugaa nahaakti minaai amuk oidre, adubu machaa nupaa oire; adugaa machaa nupaa oirabadi, Eesor-gi mapaanna yumlepcharasu oi.
Paulgi mapaanna thaajaba sing adu ninghandananaba haayjaba
8 touegumsung matam aduda Eesor-bu khangdaduna nakhoyna mahousana Eesor oidabasingda khanjarammi; 9 adubu houjikti nakhoyna Eesor-bu khanglakle, hoy, maadudagi henna Eesor-na nakhoybu khanglakle haayraga, nakhoyna asonba amasung tollaba maru oiba chatnabi aduda karamna amuk hankhibano? maaduda amuk haanna nakhoyna minaai oiba paambra? 10 nakhoyna numit, thaa makummatha amasung chahi ngak-e. 11 Eina karigumba arembada nakhoygi damak nomle haayduna, eina nakhoygi maramda ki.
12 echin-enaaosa, eigumba oirak-u, eina nakhoybu nonjari, maramdi einasu nakhoygumba oirakle. nakhoyna eingonda karisu araanba toude; 13 adubu nakhoyna khang-e, haaybadi, esa sonbagi maramna ahaanba matamda eina nakhoyda aphaba waapaao saandokle; 14 Amasung eigi hakchaanggi phibamna nakhoyda changjeng amaa oiba adu nakhoyna usittaba nattraga yaadaba toubida; adubu Eesor-gi dut amagum hoy, Christa Jesusmakkum eibu nakhoyna lousinbire. 15 maram aduna nakhoy nasagi yaaiphaba adu kadaino? maramdi eina nakhoyda saakhi piri, haaybadi, ngamlabdi, nakhoyna nakhoygi mit louthoktuna eingonda pininglamgadabani. 16 adunadi nakhoyda achumba tambibagi maramna eidi nakhoygi yeknaba oiraklabra?
17 makhoyna nakhoybu thawaay yaaonaphana thiba natte, adubu nakhoyna makhoybu thawaay yaaonathinanaba makhoyna nakhoybu latnahanba paammi. 18 touegumsung eigaa nakhoyga leimin-naba matamdata nattana, matam pumnamakta aphaba thabakta thawaay yaaonathiba aphaabani. 19 eigi nungsiba angaangsa, nakhoygi nungda Christagi sakong semgattriba phaaoba eina nakhoygi damak chabokpada chingnabagum oiri. 20 touegumsung eina houjik nakhoyga leimin-naba amasung eigi khonda onthoknaba ningjabani; maramdi eina nakhoygi maramda laangtaknari.
Ariba waalepnabagi paandam louba
21 Eingonda tambiyu, waayel yaathanggi maakha ponningbasa, nakhoyna waayel yaathang taadabra? 22 maramdi maasi ekhrabani, haaybadi, Abraham-gi machaa nupaa ani leirammi, amanaa minaai nupigi, adugaa amanaa maningtambigini. 23 touegumsung minaai nupigi adudi hakchaanggi matung ennaa pokpani, adubu maningtambigi adudi waaleppagi mapaanna pokpani. 24 waa asida paandam leiri: maramdi nupi ani asi waalepnaba anini; amanaa Sinai chingdagi, minaai oinaba machaa pokpi Hagar aduni. 25 Amasung Hagar asi Arab leibaakta leiba Sinai chingni, adugaa houjik leiriba Jerusalemga pangkhakni; maramdi Jerusalem asi machaasingga loynanaa minaai oiri. 26 adubu mathaklomda leiriba Jerusalem adudi maming tambini, maadu eikhoydi emaani. 27 maramdi maasi ekhrabani,
chaboktabi, mahaak haraaojaro; chabok chingnadabi, nahaak pokhaayna laoro; maramdi mapuroiba leibidagi naitom tabigi machaasingna yaamba helli.
28 Amasung, echin-enaaosa, esaackumna eikhoydi waaleppagi machaasingni. 29 touegumsung hakchaanggi matung ennaa pokpaa mahaak aduna thawaaygi matung ennaa pokpaa mahaakpu matam aduda ot-neiramba adugumna, houjiksu adugumbani. 30 adubu saas-trana kari haaybage? minaai nupiga machaa nupaagabu taanthokkhro, maramdi minaai nupigi machaa-nupaana maningtambigi machaa nupaaga loynanaa phangpham thokpa khak phangminnaroi. 31 maram aduna, echin-enaaosa, eikhoydi minaai nupigi machaasing natte, adubu maningtambigini.