Acts 22
Jews-singda Paulna ngaangba wa
22 echin-enaao amasung epa etonsa, eina houjik nakhoygi naphamda eigi ngakthokchanaba waa haayba tabiyu.
2 adugaa mahaakna, makhoyda Hebrew lol ngaangba adu makhoyna taarabada, henna tuminna leire. maaduda mahaakna hai:
3 eidi Jews nIpa, Ciliciagi Tarsusda pokpani, adubu sahar asida Gamaliyelgi khuyaada chaaorakpani, eikhoygi epa epu-singgi waayel yaathang adu chetna ngaakpa matung ennaa tamjarakpani, adugaa nakhoy pumnamakna ngasi toubagumna, einasu Eesor-gi damak ethawaai luppani.
4 adugaa nupaasingbusu nupissingbusu pullaga keisum-sangda pithoktuna, makhoy siba phaaoba lambi asibu eina otneikhi. 5 asigi maramda purohitlennasu ahal-lup apumbanasu eigi sakhini. Makhoydagi eina echin-enaaosingda pinanaba laairik phangduna, Damascusta leiriba makhoybusu dandi tounanaba, amasung punduna Jerusalem tana puraknaba eina maaduda chatle.
6 adugaa eina asum chat-tuna Damascusta naksil-lakpada asum tholdare, numit yungba aduwaaida, khanghoudana eigi akoybada swargadagi achouba mangaan amanaa ngalle. 7 Amasung ei leibaakta Tyree, adugaa khonjen amanaa eingonda, Saul, Saul, nangna eibu karigi otneiribage haayba eina taare.
8 maaduda eina khumle, ebungngo nahaak kanaano, Eesor? adugaa ebungngona eingonda haay, eidi nangna ot-neiriba Nazarethki Jesusni. 9 Amasung eigaa loynaba singna mangaan adudi ure, adudu eingonda ngaangba ebungngo-gi khonjen adudi makhoyna tade.
10 adugaa eina haay, eina kari toujagadage, Eesor? maaduda Eesor-na eingonda haay, hougattuna Dammesakta changu, amasung mapham aduda nangna tounabagi damak laangbikhraba thabak pumnamakki maramda nangonda taakpigani. 11 adudagi mangaan adugi arangbana eina ubaa ngamdrabada, eigaa loynaba singna ekhut sambiduna, asumna eina Dammesakta laakle.
12 adugaa mapham aduda leiba Jews-sing pumnamakna ngangnaraba, waayel yaathang adugi matung ennaa laining chetpa Ananias kouba kanaagumba nupaa amaa eingonda laaklaga, 13 enaakta lepladuna eingonda haay, echin-enaao Saul, nahaak ubaa phangjaro. adugaa pung adumaktada ei ubaa phangjaduna maangonda yengkhatle.
14 maaduda mahaakna haay, eikhoygi epa epu-singgi Eesor aduna nahaakpu ebungngo mahaakki ningba khangnaba, dharma chenba ebungngo adubu unaba, amasung ebungngo-gi chindagi khonjen taanaba khandokpire; 15 maramdi nahaakna mi pumnamakki mamaangda ebungngo-gi damak nahaakna ukhraba amasung takhraba adugi saakhi oigani. 16 adugaa houjik nahaak karigi thillibano? Hougatlo, ebungngo-gi ming sonduna buptized loujaro, amasung napaap chamthokcharo.
17 Amasung asum thoklare, eina Jerusalemda hallaklaga, Eesor ningna sangda haayja-ringeida, eingonda samadhigi phibam oiraktuna, 18 Thuro, Jerusalemdagi thuna chat-thoklo, maramdi eigi maramda nahaakki saakhi makhoyna loubiroi, haayduna eingonda haayba ebungngobu ure.
19 maaduda eina haay, Eesor, makhoy masaana khngbani, eina loisang khudingda ebungngobu thaajaba singbu keisum-sangdasu thamlammi adugaa phusu phurammi. 20 adugaa ebungngo-gi saakhi Stephengi ee thok-hanba matamda, eimaksu manaakta lepsu leplamba yasu yaaramba amasung mahaakpu haatpasinggi maphi marol ngaakpiba oirammi.
21 Amasung ebungngona eingonda haay, chat-thoklo; maramdi eina nangbu asidagi thaapna atoppa Jaatsingda thaagani.
Paulna math Romegi mini haayna dabi touba
22 Amasung makhoyna mahaakki waa asi phaaoba taarammi; adugaa makhoygi khonjen laaona haay, asigumba mibu prithibidagi puthokkhro! maramdi maliak hingba matik chaade. 23 Amasung makhoyna laosu laoba, maphi-maronsu louthokpa amasung atiyaromda uphulsu chaikhatpa tourabada,
24 Athoiba luchingba aduna maagi mathakta makhoyna asup Laoba maram adu khangna-naba, maabu phuduna hangnaba yaathang piduna, maabu pallikorda pusinkho haayna yaathang pire. 25 Amasung makhoyna mahaakpu saun marina pullabada, Paulna manaakta lepliba laanmi chaammagi mapu aduda haay, Romegi mibu waayel toudana phuba nakhoygi waayella?
26 adugaa chaammagi mapu aduna maadu taarabada, mahaakna athoiba luchingba aduda chatkhiduna tamlak-e, nahaak kari tougadouribage? maramdi mi asi Romegi mini.
27 maaduda athoiba luchingba aduna laaklaga maangonda haay, eingonda tammu, nang Romegi mira? adugaa mahaakna haay, mani.
28 maaduda athoiba luchingba aduna khumle, mamal yaamna piduna eina Romegi mi oiba asi phangle.
29 adugaa Paulna haay, adubu eidi Romegi mi oinaa pokpani. maram aduna maangonda hanggadouribasing aduna khudak aduda maangondagi thaptokkhre; adugaa athoiba luchingba adunasu mahaak Romegi mini haayba khanglabada, mahaakna mahaakpu pullubagi maramna kire.
Athoiba purohit sing amasung ahal-lupki maangda Paulna masa Kanjaba waa ngaangba
30 touegumsung hayenggumba aduda Jews-singna maangonda kari maramgi theijillabano haayba aoiba adu mahaakna khngningladuna, mahaakpu thaadokle, amasung athoiba purohit singga ahal-lup apun-bagabu tillu haayduna yaathang piraga Paul bu, puthaaraktuna, makhoygi mamaangda lephalle.