Proverbs 11
11 Chumdaba khal sijinnaba midubu Eesor-na tukkachei. ebungngodi chumna onbaduda haraaojei.
2 napan touba midu yaamna thuna ekaaiba nanggani. Nollukpana asingbani,
3 nakhoyna pukchel sengba mi oirabadi aphaabadu oirabani. Thaajaba yaadaba midu pukchel sengbaduna adum maanghanba machak amaa oirak-e.
4 siba numitta laanna karisu kaannade. adubu pukchel senglabadi lengdabani.
5 Pukchel sengbana punsi nungaaina lenba ngammi. adubu phattaba midudi masaana masaagi maaythinaba sinjei.
6 Achumba toubana pukchel sengba nupaa amabu kanba ngammi, adubu thaajaba yaadaba midudi masaana ngaangba waaduna lang oijei.
7 Phattaba mina siba matamda, mahaakna ningjaramba amadi toujaramba pumbaa mangkhi. Laanda thajaruba arembani.
8 Achumba toubasingdu awaaba taabadagi kanbi. Awaabadu phattaba-singda taay.
9 Mapubu thaajadaba mina ngaangba waana nakhoybu maanghanba yaai, adubu achumba migi lousingduna nakhoybu kanbiba ngammi.
10 Pukchel sengba mina lan leirabadi, saharduda leiriba misingdu nungaaibani.
Phattaba-singna siba matamda miyaamna haraaoduna laowi.
11 Achumba toubasingna saharduda bor pibiba matamda, adugumba sahardu thoidokna achouba amani. adubu sahar amaa maanghanba haaybasi phattaba misinggi machindagi thorakpa waadagi oi.
12 mi atoppabu cheiduna ngaangbadu asingba thabak natte, karigumba nakhoyna lousing leiba mi oirabadi tuminna leigani.
13 Miwa ngaangaanba midi aaronba waa sinnaba yaade, adubu thaajaba yaaba mida aaronba haaybadudi kiningai leite.
14 jaat amaa mangba haaybasi Lamjing-binaba yaaodaba matamda thok-e. Paaoutaak piba ngamba mi yaamna thamba haaybasina soidraba leengakni.
15 Masak khngdaba kanaagumba amagi sendon singge yarurabadi ningba kainingaini. Adugumba thabakta khut thingjilludabana henna lemgani.
16 Pukchel tappi nupidu ekaai-khumnaningaini. Adugu asigumba gun chendabi nupidu ekaaibagi masakni.
Atanba mina laairaba tanbani, adugaa thouna phaaraga laaibak phaaba thengnabani.
17 Thoujan leirabadi madumakna mahaakki upaini. Tamthirabadi tamthibaduna masaabu maanghalli.
18 Phattaba misingdi tasengnamak sadong phangdabani, adubu nakhoyna achumbadu tourabadi maadugi maheidi soydana phanggani.
19 Achumba touge leplibasingdu soydana amar oigani, adubu araanba touge temsinglliba nupaadu sigani.
20 Eesor-na phattaba waakhal chenba-singdubu tukkachei, adubu achumba toubasingdubu ebungngona lunaa toubi.
21 Phattaba thabak toubasindu dandi phanggani haaybasi soidrabani adugaa achumba thabak toubasingdu dandidudagi naanthokkani.
22 Waakhal leitba masak phajabi nupidi okki manaatonda sahagi khudop sibibadu-gumbani.
23 aphaba mina touge ningba thabak khuding aphaabata oi, adubu phattaba-singna paamlibadu phangba matamda phattaba oirak-e,
24 mi kharadi arembada peisa kharcha touthok-e adugaa hennadum peisa paayba hen-gatlak-e. Kharana cheksinna kharcha touwi adubu henna laayrei.
25 Thoujan leirabadi henna chaaokhat-laakpani. Ateibu tengbanglabadi nakhoybusu tengbanglakkani.
26 Mahei marong lottuna thamlaga mamal henna yonnaba hotnaba nupaadubu miyaamna tukkachanei. adubu mahei marongdu puthoktuna mamal chaana yonba nupaadubu miyaamna thaagatnei.
27 nakhoyna chumna panthunglabadi, miyaamna ekaai-khumnabani. adubu karigumba khudongthibadu thiduna leirabadi, khudongthibadumak phanggani.
28 Laanda thaajaduna chaaothokcharibasingdu ningtham thaada una kenbagumna kemduna maanggani. adubu achumba singna una anouba kalenda chongbagum chonglakkani.
29 emung manungda awaaba taahalliba nupaadu mameida magini haayba karisu leiroi. apangbadi asingbagi minaai oibani.
30 Achumbaduna punsi mapung phahalli adugaa tamthibana punsibu maanghalli.
31 aphaba misingdi maalemsida leiringeida aphaabadugi mahei phang-e maramsina phattaba amadi araanba toubasingdu dandi phanggani haaybasi soidraba waani.