Ezra 9
Jewdi nattaba jatsingga charou mourounare haibasi Ezrana taba
9 Pumnamaksigi matungda phamnaiba khara laklaga eingonda hairammi, "Israelgi mishing, purohitsing, amadi Levisingna miran oiriba Canaansing, Hittising, Perizzising, Jebusising, Amonising, Moabsing, Egyptki mishing amadi Amorisingga tinnatotnaba hanba leitri. 2 Jewsingna hairiba jatsingsigi nupi lourammi. Mapu Ibungogi asengba mishingni haina leiriba jewsingsi mangle. Luchingba amadi phamnaibasingna aranbasigi makokni. 3 Waphamsi tabada eina eigi iphi segairammi, Isam amadi ikoi phoiraduna wa amatta ngangdana phamduna leikhi. 4 Numidangwairamda tougadouba thougi matamdu youdriba phaoba awaba maithongga loinana phamduna leirammi. Matamsi youraklabada miyamna eigi akoibada laklaga leplammi. Lakliba miyamduna Israelgi Mapu Ibungona lanpha oina leiruba mishinggi maramda aranba toukhiba adugi mahei awapham tahan-gani haiba laibaosi tabada thawai warammi. 5 Numidangwaigi thou touba matam youraklabada wa ngangdana phamlambadudagi hougatladuna segairaba phurit pheijom setlaga khurukhudak kulladuna Ipuroi Ishor-gi maphamda haijarammi. 6 Eina khurumjarammi, "he Ipuroi, nanaidi tollaba jibani. Ipuroigi maithongdu Nanaina yengjaba ngamjade. Irantana Ikhwang koire aduga yollaba thabaksingduna luton youre. 7 Ipa ipugi matamdagi eikhoigi matam yourabasi phaoba maran leirabani. Eikhoigi iran-gi mahei oina eikhoigi ningthou amadi purohitsing miran ningthousinggi mikha pon-khrabani. Makhoi thanggi mayada takhi aduga ngasi thokliba asigumna lanpha oina pukhiduna ikaiba kaya nangkhrabani. 8 Adubu he Ipuroi Ishor, matam kharagi oina Ibungona nanai eikhoida thoujanbiduna minai naithangdagi nanthok-hanbiduna asengba maphamsida leihanbiri. Minai oibadudagi puthokpiraktuna nanai eikhoida anouba punsi ama pinabire. 9 Eikhoi minai oikhi adubu Ibungona punsi chuppa minai oihanbikhide. Ibungona Persiagi ningthoubu insinbiduna eikhoida minungsi pokhanbikhi aduga nanai eikhoibu maphamsida halhanbiduna Ibungogi ningnashang sagathanbikhi. Masi matam amada Tektaduna leiramlabani. Ibungona nanai eikhoibu Judah amadi Jerusalemda ingna palhanbikhi.
10 ”Adubu hey Ipuroi, thokkhriba thou-doksingsigi matungda kari haina nanai eikhoina Ibungogi khuyakhada paodam-jasige? Eikhoina amuk hanna yathangdu indre. 11 Aduga indriba asi Ibungona maichousingda pinabikhiba yathangsingduna nanai eikhoida takpikhi madudi eikhoina leigadouriba lamsida leiriba mishingduna thoidokna sengdaba thabak touduna leiba maramna lamsi sengdaba ama oina leiribani. 12 Makhoina eikhoida takpikhi madudi eikhoina makhoiga charou mourounaba yade aduga karigumba lamsi eikhoigi icha isuda piramba tarabadi lamsida leiriba mishingsi mateng pangba yade aduga makhoibu chaokhathanba yade. 13 Eikhoigi ayon-aran-gi oina Ibungo nanai eikhoibu awaba tahanbikhrabasu nanai eikhoina khangjei madudi Ibungona pibiriba awabadu nanai eikhoina toukhiba aranbaduga matik okpadi natte. Ibungona nanai eikhoibu Tektakaidana yokpirakli. 14 Adu oirabadi Ibungogi yathangsingdu langsektuna phatraba mioisingsiga karigi charou mourounarugadage? Karigumba eikhoina masi makha tana chatthaba tarabadi Ibungona nanai eikhoibu saogani aduga tumna manghanbigani. 15 Israelgi Mapu, he Ishor, Ibungodi achumbaduni aduga Ibungona nanai eikhoibu yokpiri. Ibungogi naphamda nanai eikhoigi irandu phongdokchari amasung nanai eikhoina Ibungoda chaothokna changjaningngai karisu leijade.