2 Chronicles 30
Aran chakkhangbagi semsaba
30 Hezekiahna Israel, Judah, Ephraim amadi Manassehda chithi iduna makhoi pumnamak Israelgi Mapu Ibungo Ishor-gi khuyakhada changjaduna Jerusalemda leiriba Ishor ningnashangda Aran chakkhangba lakkadabani haina khanghankhi. 2 Ningthou amadi ningthou machasing tanduna Jerusalemda anisuba thada Aran chakkhangba tougani haina lepkhi. 3 Makhoin masi matam chana touba ngamkhide maramdi matam-duda matam chana purohitsing sengdokkhide. Masida Jerusalemda misu tinkhide. 4 Maramsina langliba thourangdu ningthou amadi miyamna matam chare haina ninglammi. 5 Maramsina Beer-shebadagi dan youba phaoba makhoina pao thakhi. Israel pumba pao piduna Israelgi Mapu Ishor-gi makada Jerusalemda laktuna Aran chakkhangba yaogadabani haina yathang tharammi. Maramdi chatnabi matung inna miyam tinduna masibu ngakkhidaba matam yamna kuirammi. 6 Ningthou amadi ningthou machasingdagi chithi puduna Israel amadi Judah thungna pao thakhi. Ningthouna hai: Assyriagi ningthougi makhuttagi nanthokhouraba iremkhaksingduda amuk awaba tadanaba Israelgi praja pumnamak, Abraham, Isaac amadi Israelgi Mapu Ibungo Ishor-gi makada namai leijarak-u. 7 Nakhoigi napa napu amadi nachin nanaogumna touganu. Makhoina mapa mapugi Ishor-gi maphamda thajaba utkhi maramsina mahakna makhoibu manghan-khi. Adumak nakhoigi namitna ukhi. 8 Nakhoigi napa napusingna toukhibagumna nakhoi nangak kanganu. Nakhoi nasamak Ishor-da katthokchou adu-ga mahakki sonnapungda lak-u. Maphamsi Ibungo mahakna mapan naidana sengdokpikhrabani. Maramsina mapham-sida laktuna nakhoigi napuroi Ishor-bu seba toujou. Adu oirabadi Ibungona mei houna saoribadu nakhoigi nathakta taroi. 9 Karigumba nakhoina Ishor-gi maphamda chan-gjarabadi nakhoigi nachin nanao bandi oina pukhibasingdu nareipakta hallakkani. Maramdi nakhoigi napuroi Ishor-di thoujan amadi nungsibana mapan naidana utpiba Ibungoni. Karigu-mba nakhoina mahakki maphamada changjarabadi Ibungona nakhoibu thadokpa touroi.
10 Asumna pao chatpasingdu Ephraim, Manasseh amadi Zebulun youba phaoba chattuna sahar amadagi sahar amada pao sandokkhi. Adubu makhoina hairiba pao chatpasingda noknaraduna cheibirammi. 11 Asher, Manasseh, amadiZebulun-gi mi kharatana nollukna tarammi. Aduga Jeru-salemda lakkhi. 12 Ibungogi thoujandu Judahgi mathakta pibiri. Maramsina ningthou amadi mahakki phamnaibasinggi yathangdu mishingna illammi.
Aran chakkhangba pangthokpa
13 Anisuba thada mayai kadaba tal katpagi usob toubaduda Jerusalemda miyam tinkhi. 14 Makhoina thabak khara tourammi. Masida makhoina Jerusalemda leiriba phankhongsing aduga dhup thannaba phankhong leiribasingdu thudekkhi. Hairibasingsi Kidrogi iphutta thadakhi. 15 Makhoina anisuba thagi taramarini suba numitta Aran chakkhangbagi yao hatkhi. Purohit amadi Levisingbu ikaiba pirammi. Mameithangda masa sengdokchaduna meida thaduna katnanaba potnachingba puduna Ishor-gi ningnashangda lakkhi. 16 Mapu Ibungogi manai Mosesgi yathang matung inna makhoina masa masagi maphamlangda hanjinkhi. Levisinggi makhuttagi phangba eedu purohitsingna heikhi. 17 Miyam tillibaduda masabu sengdoktriba mi yamna leirammi. Maramsina Levisingna sengdoktriba mishingna yao amamam Aran chakkhangbagi masak oina hatpa tarammi. Masi tourabada Ishor-gi mityengda makhoi senggadabani. 18 Ephraim, Manasseh amadi Issachar amadi Zebulundagi lakpa mi ayamba masa sengdoklamde. Adubu makhoina Aran chakkhangba yaorammi. Masidi achumba chatnabidu natte. Matam-sida Hezekiahna Makhoigidamak haijaram-i. Mapan naidana thoujan leiraba Ishor-na mi pumba ngakpikhi. 19 Thamoi sengna Mapu Ibungobu thijaba, mahakki mapa mapugi Mapu Ibungo Ishor-gi khuyada changjaba midu sonnapunggi chatnabi matung indrabasu Ishor-su penbi. 20 Ishor-na Hezekiahna haijabadu tabikhi. Jerusalemda tilliba Israelgi mishingna mayai kadaba tal katpadu numit taretni chupna haraona pangthokkhi. Purohitsingna Ishor-bu thagatkhi. Makhoina ngamjabi thaduna Lainingthou Ibungogi gunbu sak sonkhi. 22 Ishor-gi seba changbada thawai yaona toukhiba Levisingduda Hezekiahna pukning thou-gatpa wa haiduna mathou happirammi. Lamdai sumdaigi thou amadi makhoigi mapa mapugi Mapu Ibungo Ishor-bu thagatchabaga loinana dharmagi chakkhangbaduda akatpot numit taretni chaduna leirammi.
Anisuba Aran chakkhangba
23 Tilliba miyamduna numit taretni amaga chonthana pangthokliba thoukattu chatthaba yanarammi. Maramsina makhoina haraona thoukattu numit taretni amaga pangthokkhi. 24 Ningthou Hezekiahna tilliba miyamduda thougidamak shallaba lishing ama aduga yao lishing taret pikhi. Ningthou machasingnasu shallaba lishing ama aduga yao lishing taraga miyamda pirammi. Purohit mayam ama masa sengdokcharammi. 25 Judahgi miyam purohit-sing amadi Levising Israelgi lakkhiba miyamsing, Judahda khuntangduna leikhibasing pumnamaksina yamna nungngaina thoukattu pangthokkhi. 26 Asumna Jeru-salemda mapan naidaba harao tayamba haibadu masi mangaire khannarammi. Israelgi ningthou Davidki machanupa Solomonna pankhiba numittudagi hairiba matamsi phaobada Jerusalemda asumna nungngaiba amatta leikhidre. 27 Purohit amadi Levisingna hougattuna mishingbu bor pirammi. Makhoigi khonjeldu Ibungona koirouthakta tabikhi.