Exodus 9
Shaa-san marai taba
1 Matamduda Eeshorna Mosesda haayrammi, Pharaohgi manaakta chattuna haayyu: Hebrewshinggi Eeshorna asumna taakpiri madudi Eibu khurumjanaba eigi mishingbu thaadokpiyu.
2 Nahaakna makhoybu houjik phaaoba thaadokloi ninglabadi,
3 Eeshorna makhutmakna loubukta chariba shaashing, shagolshing, lolashing, utshing, san shanggu amadi yaao shanggushinggi mathakta laaichat taahan-gani.
4 Israelgi mishinggi shaashingga Egyptki mishinggi shaashingga khetnabadu Eeshorna utkani. Israelgi mishinggini haayna leiriba shaashingdu shiroi.
5 Eeshorna haayribasimak thoknaba matam amaa lephkhrabani. Ebungngona haaykhi: Hayenggi numitta haayribasimak leibaaksida thok-han-gani.
6 Mathanggi numittuda Eeshorna taakpikhiba matung ennaa haayriba thoudoksi thokkhi. Egyptta leiriba mishinggi shaashingdu loina shikhi. Israelgi mishinggi shaashingdu amaa phaaoba shikhide. 7 Pharaohna mi thaaduna yenghanbada amaa phaaoba siramde. Adubu Pharaoh pumnamaksi uraba phaaobada mapukning hongbadi leiramde. Maramsina mahaakna Israelgi mishingbu thaadokkhide.
Yaaironggi laaina thok-hanba
8 Eeshorna Moses amadi aronda haayrammi, "phungadagi ut khara louro. Pharaohgi mamaangda madu pairaga Mosesna nongmadonda chaikhatlu.
9 Haayribasina Egyptta phajaraba uphun oinaa taagani. Uphulshingsidagi Egyptki lamsida leiriba mishinggi mathakta amadi shaashinggi mathakta taaba matamda makhoygi mashaada yaamna naraba yaairong thunghan-gani.
10 Asumna makhoyna phungadagi ut khara lourag Pharaohgi mamaangda lepladuna Mosesna nongmadon tamna chaikhatlammi. Haayribasi touraba matungda mi amadi shaashinggi mathakta yaamna naraba yaairong thungba hourakkhi.
11 Yaairong thungba maramna jadu toubashingduna Mosesgi mamaangda leppa ngamlamde. Jadu heibashing amadi Egyptta leiriba mishinggi mathakta haayriba yaaironggi leinasi thokkhi.
12 Adubu Eeshorna Pharaohgi mapukning thoina henna kansilhallammi. Mosesda Eeshorna haaybikhiba matung ennaa Pharaohna makoinna haayjabadu tabikhide.
Len taahanba
13 Matamduda Eeshorna Mosesda haayrammi, "ayuk nganna houraga Pharaohgi manaakta chatlaga mamaangmaktada leplaga haayyu.: Eibu khurumjanaba eigi mishingbu thadkpiyu.
14 Handak eina thaarakkadouriba laaichatshingdu nahaakki thamoi, nanaaishing amadi nahaakki mishinggi mathakta taahan-gani. Matamduda eigaa chaangdamnaba yaaba maalemsida kanaa leite haaybasi nahaak khanggani.
15 Eigi ekhutsi nahaakki amadi nahaakki mishinggi mathakta laaichat tahannaba tingthorakpa yarabani. Adudasu nattana nakhoy maalemsidagi aroiba shordu holhanba yarabani.
16 Adubu nakhoygi naphamda Eina kari touba ngambage haaybadu khanghannaba houjik phaaoba maalemsida leihallibani. Eigi emingsi maalem thungna sonnahangadouribani.
17 Eigi mishinggi marakta nahaak nashaabu yaamna chaaoba amani haayna utchari. Maramsina nahaakna makhoybu thaadokte.
18 Egypt kouba leipaksina leirakpa numittudagi ngasi phaaoba amukta thokkhidriba nonglei nungshitka loynanaa len leibaaksi shinba thungna taahan-gani.
19 Maramsina mi thaaduna nahaakki areiba shaashing amadi loubukta thamliba potshingdu loisinduna soiroidouba maphamda thamlo. Tarakkdouriba lensi yumda leitba mi aduga shaashinggi mathakta han-gani. Maramsina makhoy loina shigani.
20 Pharaohgi manaaishinggi marakta Eeshorgi yaathang kina loujabashingduna maagi maagi minaai amadi shaashingdu mayum mayumda pusinkhi.
21 Eeshorgi waashingsi thousadabashingduna manaaishing amadi makhoygi shaashingdu loubukta leihanki.
22 Eeshorna Mosesda haayrammi, " Egyptta leiriba leibaakta ningaidana loubukta leithokliba mishing amadi shaashinggi mathakta len taraknaba nongmadonthakta nahaakki khuttu tingthok-u. Asumna tourabadi Egyptta leiriba u-waashinggi mathakta yaamna tamthina len taahan-gani" 23 Matamduda Mosesna makhutta paairiba cheidu nongmadon tamna haigatlammi. Eeshorna nong khakpa amadi len mapaan naaidana taahankhi. Maalemsi nongthaangna mit pangba ngamlamde. Asumna Eeshorna Egypt thungna len taahankhi.
24 Egyptna jaat amaa oinaa leppa houba numittudagi matamdu phaaobada adugumna len taaringeida nongthaang kuppadu thokkhidri.
25 Tarakliba lenduna Egyptta houba pot khuidimak manghankhi. Loubukta houriba paambishing amadi lamhaangda houriba ushingdu loina manghankhi.
26 Israelgi mishingna leiriba mapham Gosen koubadudadi haayriba lensi taakhide.
27 Matousi ubada Pharaohna mi thaaduna Moses amadi aronbu khouhankhi. Mahaakna makhoyda haayrammi, "handaksu eina araanba thabak toure. Eeshordu lengnaidaba achumba ebungngoduni haayba khangjare. Lallibadi eihaak amadi eigi mishingni haaybasi khangjare.
28 Nongkhaakpa amadi len taaba chaang yaamna henmankhre. Maramsina Eeshorda haayjabiyu. Nakhoybu thinthaba leitana eina chathaallagani."
29 Mosesna maangonda haayrammi, "eina saaharsi thaadoktuna chatkhraga Eeshorda punemjaba matamda taariba lensi phahan-gani. Len tararoi aduga maalemsi Eeshorgi khutshemni haayba khangjou.
30 Nahaak amadi nahaakka leiminnariba nanaaishingna Eeshorbu thouoide haayba eihaak khang-e."
31 Limon paambi amadi phou paambishingdu ngamnamak mangkhre. Phou chaarong paanba hourakpa matada tumkhre. Limon paambi pomlakpada mangkhre.
32 Gehu amadi kese matungda hukhiba maramna mang takpa thokpaduda yaaokhide.
33 Asumna Mosesna Pharaohgi maphamdagi chatkhraga saahargi mapaanda leplaga Eeshorgi makada khut tingthoklaga haayjaba matamda nongkhaakpa amadi taramliba len-shingdu tokkhi. Leibaak shinna nong tarambadusu lepkhi.
34 Pharaohna nong, len amadi nongkhaakpa phaare haaybadu urabada mapukning hongningdaba amaa phaorakhi. Pharao amadi mahaakki manaaishinggi mapukcheldu hongninglamde.
35 Pharaoh pukning hongkhide maramsina mahaakna Israelgi mishingbu thaadokkhide. Eeshorna Mosesgi maphamda haaykhiba gumna chathakhi.