1 Chronicles 20
Davidna Rabbahbu laakshinba
(2 Sam 11:1, 12:26-31)
1 Chahi khuding ningthoushingna Basantagi matamda laandaba thoknei matamsida Joabsu laanmi puraduna Amongi mathakta laandakhi. maasida mahaakna Rabbah loushinkhi. Adubu laansida Davidti Jerusalemda leirammi. Makhoyna saahardubu maaythiba piduna tumna maanghallammi.
2 Amonshinggi laai Milcomgi luhuptu sanaa kilo 34.5 lumlammi. madu Davidna lourakhi aduga masigi manungda manimukta yaaorammi amasung maasibu shijinnaduna mahaakki luhupta hapkhi. Asidasu nattana mahaakna saahardugi mamal yaamlaba pot kayaa lourakhi.
3 Saaharduda leiramliba mishingdu mahaakna loynanaa Jerusalemda hallakkhi.
Philistishinggi hingchaba amagi mayokta laan tounaba
(2 Sam 21:15-22)
4 Masigi mathangda Philistishingga Gezerda lan amuk thengnarammi. maasida Husatigi Sibbekaina Sippai kouba hingchaba amaa haatkhi. Mahaak Rephagi mini amasung maasida Philistishingbu maaythiba pikhi.
5 Amukkasu Philistishingga laanthengnarammi. Jairgi machaanupa Elhananna Gitti Goliathki manaao Lahmibu haatkhi. Mahaakna paayba tadu phisabagi konnajeimuk chaaorammi.
6 Atoppa laanpham amasu Gathta thokkhi. Maphamduda yengbada angakpa phanglaba nupaa amaa leirammi. Mahaakki makhut yet amadi oyda khutsa taruk taruk paallammi. Makhong oi yettu khongsha taruk taruk paallammi. Punna kunmari paallammi. Mahaaksu Rapha shaageigi mini.
7 Mahaakna Israelbu laaknarammi maramsina Davidki manaaonupa Simeagi machaanupa Jonathanna haatkhi.
8 David amadi mahaakka loynariba mishingna hatkhriba ahumsi Gathki hinghabashinggi machaashingni.