Jeremiah 22

Jeremiahna Judahgi konungda piba paaojel

1 Eeshorna eingonda taakpikhiba waashingdu asini: Judahgi ningthougi konungda chatlaga maasi haayyu:

2 Eeshorgi yawaasi taro, he Judahgi ningthou. Davidki shinghasanda phamliba, nahaakki phamnaaibashing, amadi nahaakki sannathong phaaoduna chatliba miyaamna maasi tagadabani.

3 Eeshorna taakpiriba waashingdu asini: thabak touba khudingda achumba amadi ashengbana mang-oinagani. Awaaba taaraba midu mahaakpu ot neiriba midudagi kanbigadabani. Lamlaanbashing mapaa mamaa leitbashing aduga lukhraabishingbu thina toubiganu. Maphamsida maraal leitbashinggi eedu taahanbiganu.

4 Karigumba nahaakna haayriba waasi enduna eigi yaathangsi hiktoktrabadi Davidki shinghasanda phamliba ningthoushingdu dolai amadi shagol thouduna makhoyga loynanaa manaai amadi mishingna makhoygi matung enduna sannathongdu changba phang-gani.

5 Eeshorna taakpiri, karigumba nakhoyna eina haayribasi endrabadi eigi etik eyaai panduna saakhi touribasini yum asi yumna maanghan-gani.

6 Eeshorna Judahgi ningthougi konunggi matangda asumna taakpiri " oirabasu nahaak Gileadkum eingonda, mallabasu nahaak Lebanongi matougum, eina shari pandom lomli. Nahaak oihan-gani leikangla tadraba taaibang mi maphamduda,

 7 Nakhoygi nathakta laandanaba mi kaangbu amaa eina lingkhat-kani, laak-han-gani makhoy khutlai paayduna. Makhoyna nakhoygi thawaayna taajaraba deodar paambidu kakthatkani. Langsan-gani makhoyna u-shingdu meinungda.

8 Leibaak kayaamarumgi mishingna saaharsibu phaaoduna chatpa matamda makhoy amanaa amada haaynagani, "Eeshorna karigidamak achouba saaharsibu asumna touhanbikhribano?"

9 Makhoyna phangadaba paaoukhumdu asini: Makhoygi Eeshorga yaanakhiba areppa waashaktu thugaayduna atoppa laai ningba maramdagi asigumbasi makhoygi mathakta taribani.

Jeremiahna Joahazgi maramda phongdoka

10 Amang yaaithong kumkhrabadugi maramda tengthaaruranu, aduga mahaakki maramda thoina waabasu toururanu. Adubu lamdam tamna chatkhraba kanaagumba mishingdu ninshingduna tengthaao maramdi mahaak hallakroidabani. Ubaa phanglaroidabani mahaakki poknapham lamdamdu.

11 Maphamdi thaadoktuna lamphang chat-khraba Judahgi ningthou Josiahgi machaanupa, mapaa Josiahgi mahut shinduna ningtho oiriba sanlumgi matangda Eeshorna asumna taakpiri: mahaak maphamsida amuk hallakroi.'

12 Makhoyna mahaakpu loi oinaa pukhriba maphamduda mahaakki aroiba oigani. Mahaak leibaaksi amuk haanna ubaa phanglaroi.

Jeremiahna Jehoiakimgi maramda phongdokpa

13 Phattaba pambeina mayum shaagatliba nupaadu awaabagi mashakni, namthaak touduna mathak thangba kashing shaagatliba nupaadusu awaabani. Awaabani nupaadu mahaakki lamgi mishingbu peisa pidana suhalliba, pidana mahaakna makhoygi asuman.

14 Mamal yaamlaba mathak makha leiba yaaba yum amaa shaage haayna laaknariba nupaadu ekaaiba nangba oisanu, mathakki kaduda thongnaao deodarna shaaba paan-gani, teigani maasibu sindur.

15 Deodarna pot makhal mathan shaaba ngamlagabu, ningthou oibagi matikni haayna ningbra? Nahaakki napadu chaakhidra aduga thakkhidra? adubu mahaakna achumba amadi ashengba thabaktu toukhidra? maramduna mahaakpu thoina leikha tana loukhide.

16 Mahaakna leikha taaba amadi laairabashingbu achumbadu khanghankhi, masina takpadi mahaakna eibu mashak khang-e haaybasini? Eeshorna masimak taakpiri,

17 Adubu nahaakti sendong tanbagi karamba namit nattana ati amaa pande, nahaakki waakhalsu adu mangaay sendong tanbadani, tamthiba thabak touduna nahaakna ngamba maraal leitbashinggi ee tahanbsinai.

18 Maramsina Eeshorona Judahgi ningthou Josiahgi ningthou Josiahgi machaanupa Jehoiakimgi maramda phongdokpikhiba waashing: mahaakki maramda tengthaariba kanaana onthokpani eningthou ebungngo haayna chingoiroi, kanaanasu mahaakpu panduna onthokpani enaao amadi nungshiraba yaambung haayna kaploi,

19 Ashiba lolagi matougumna mahaakpu phumbigani, pugani mahaakpu chingduna ekaai-khumnaba yaaodana, thaangdokkani mahaakpu Jerusalemgi sannathong waangmada,

20 Lebanon taanna chattuna tengthaarucho, nakhoyna laaobadu Basanda taahallu, nakhoyga marup oiribashingdu tumna maangkhrabanina Abarimdagi khonjen waangna laaoro,

21 Nakhoyna phiran mamaay chumlingeida waa haaykhiba natra, adubu nakhoyna haaykhi, "Eihak nahaakna haaybadu taroi, " nakhoyna nahaa oiringeidagi ngsi phaaobada asumnada touduna laakli, nakhoyna eina haayba waadu keidoungeidasu enkhidri.

22 Nonglei nungshitna nakhoygi narup napangshingdu loina humduna pukhigani, nakhoyna nungshijaribashingdu loi chatkani, matamduda nakhoyna touba phattaba thabakshingdugi mahei oinaa ekaaiba amadi phiruk khumba nanggani.

23 Deodar marakta nahum sajariba Lebanonda leiribasa, nakhoyda awaabagi meishaadu laakpa matamda nakhoyna matou karamna nil khongani, nakhoygi nathakta tagadouriba awaabadu chaboksangda leiribi nupigi anaaba phaaobaduga pangkhak oigani.

Jehoiachingi maramda mapugi laaibao

24 Eeshorna taakpiri, eigi etik eyaaina saakhi oisanu, Jehoiachingi machaanupa Judahgi ningthou Coniah eigi yet thangba paambomda ngaanthoiriba ningthougi khudop shiba nupaa amaa oihalaloi. He Coniah, nahaakpu eina leikha taahangani.

25 Nahaakki nathawaay louge haayna tannaribashingdugi makhutta nahaakpu eina pithokkani. Pithokkani eina nahaakpu nahaakna yaamna kina touriba Babylongi ningthou Nebuchadnezzargi makhutta. Pithokkani nahaakpu eina Chaldeanshinggi makhuttasu.

26 Eina nahaakka loynanaa nahaakpu pokpi namadu atoppa lam amad taanthokkani. Maphamduda nahaak shigani.

27 Makhoyna amuktang hange haayna ningliba lamduda hanbadi phangloi.

28 Coniah haayriba nupaasi laiphadibira? Kannadraba mina khonggaonabiraba pot amaaga pankhak oirabra? mahaakka loynanaa mahaakki machaashingdu makhoyna amukta khangdriba lam amada karigidamak taanthokkhribano?

29 He maalem, maalem, maalem, taro Eeshorgi yawaasi,

30 Eeshorna asumna taakpiri: nupaa asi machaa poktabani haayna eduna thammu, mapaan pharingei matamda mamaay paaklaroidaba amani haayna khanghallu, mahaakna pokpaa amaa phaaoba Davidki shinghasanduda ningthou oinaa phamba phangloi, phangloi kanaanasu Judahgi ningthou oiba.