Leviticus 1
Mapum oinaa thagadouba thousing
1 mitin-sangdagi Eesor-na Mosesbu kouraga haayrammi, 2 "Israelgi misingda haiyu: nakhoygi narakta kanaagumbana thou oinaa katnanaba pot purakpa matamda san sallup nattraga yaao sanggulaktagi yaao nattraga san katkadabani.
3 san sanggulaktagi san oinaa puraklaga meida thaaduna katpa thou touba taarabadi nupaaduna asoy angaam leitba sanlaba amaa katkadabani. Eesor-na mahaakpu latnaba leitaana lousinbinaba sandu mitin-sangda puraklaga thongjinda thamgadabani. 4 Mahaakna katchariba sandugi makokta makhutna nangadabani. Meida thaaduna nupaadugidamak ayon araan koknanaba thougi potlam amaa oinaa lousingadabani. 5 Masigi matungda nupaaduna sandubu Eesor-gi mamaangda haattuna katsingadabani. Matamduda Arongi machaa-nupaa purohitki thougan toujaribaduna saren challiba sandugi eedu mitin-sanggi thong manaakta leiriba phaankhongdugi akoybada chaaithok-kdabani. 6 Masigi matungda nupaaduna meida thaaduna katkadouriba sandu semlaga machet machet kakkadabani. 7 Purohit Aaron-gi machaa-nupaasingduna phaankhongduda mei chugadabani. makhoyna mei thanabagi singdu mathang manaao naaina hapkadabani. 8 Aaron-gi machaa-nupaa purohit singduna phaankhong mathakta mei thaana-nabagi thamliba singsingdugi mathakta saa machetsingdu makok amadi matonggi saruksingduga mathang manaao naaina thamgadabani. 9 Sandugi makhoy marin amadi makhongdu eesingda chamthok-kadabani. Masigi matungda purohit singna Eesor-gi maphamda meida thaaduna katliba thousidagi thorakpa manam nungsibadu kakhatlaknaba phaankhong mathakta thamliba saasingdu meida thagadabani.
10 Meida thaaduna katnaba thougi potlamdu karigumba yaao nattraga haamenglaktagi oirabadi, asoy angaam leitbasing oigadabani. 11 Eesor-gi maangda phaankhonggi awaang thangba nakanda mahaakna katchariba saadu haatkadabani. Aaron-gi machaa-nupaa purohit singna masigi eedu phaankhonggi akoybada chaaithokpigadabani. 12 nupaaduna maasibu semgani. Semlaba matungda purohit singna saa machetsing, makok amadi matongsingdu phaankhong mathakta thamduna mei thagadabani. 13 Marin amadi makhongdu mahaakna eesingda chamthokkdabani. Purohitna masigi masa pumbaa phaankhongda thamlaga mei thagadabani maasi Eesor-gi maphamda meida thaaduna nungsiba manam thok-handuna penna katpa thou makhal amani. Eesor-gi maphamda katchagadouriba potlamduna karigumba uchek oirabadi, lamkhunu nattraga nouriba yumgi khunu oinaa katkadabani. 15 Purohitna khunudubu phaankhong taanna pusil-laklaga makok leikhaairaga phaankhongda mei houraga thagadabani. masidagi taarakpa eedu phaankhonggi nakanda tahangadabani. 16 Mahaakna mathibong khaoga matuga louthoklaga phaankhonggi nongpok thangba nakan ut heidokphamduda langthokkadabani. 17 Mahaakna masigi masa anidu pairaga segaaygadabani. adubu tongaan-tongaan taahanbadi yaaroi. Purohitna maasibu phaankhongda peiriba singsingdu mei thaaduna lougadabani. maasi Eesor-gi maphamda mei thaaduna katpa manam nungsiba thou amani.