John 2
Canada Luhongba
2 Adudagi numit humni subada Galileegi Canada luhongba ama thokle, aduga Jesusgi mama maduda yaorammi. 2 Amasung luhongba aduda Jesusbusu, Ibungogi seboksingbusu bartton toure.
3 Aduga drakha mahi watlabada, Jesusgi mamana Ibungoda hai, makhoigi drakha mahi leitre.
4 Maduda Jesusna mamada hai, he nupi, eina nangga kari toupham leibage? Houjik eigi pungpham laktri.
5 Ibungogi mamana manaisingda hai, Ibungona nakhoida haiba haiba adu tou.
6 Mapham aduda Jewssinggi hounabi matung inna sengdoknaba mon ani ahum chanba nunggi kharaung taruk khillammi. 7 Jesusna makhoida hai, kharung makhei adu ishing thalhallu, aduga makhoina kharung makhei adu mamai phaoba thalhalle. 8 Maduda Ibungona makhoida hai, houjikti sokkat tuna, chakkhangbagi arang puren aduda pukho, aduga makhoina madu pukhre.
9 Amasung chakkhangba adugi arang purenna drakha mahi ollaba ishing adu tangbada madu kadaidagino khangdaduna (adubu ishing adu sokkatpa manaising adunadi khangkhi), chakkhangba adugi arang purenna bor adubu kouraga mangonda hai, 10 Mi khudingna ahanbada aphaba drakha mahi pithaknei, aduga mishingna penna thaklabada, khara hanthaba pithaknei, nahakti houjik phaoba aphaba drakha mahi adu khakle.
11 Khudamsinggi ahouba asi Jesusna Galileegi Canada touduna, Ibungoda matik mangal phongdokle, aduga seboksing aduna Ibungoda thajare. 12 Asigi matungda Ibungo, mama, machin manao amasung Ibungogi seboksingna Capernaumda lengthakhre, aduga makhoina maduda numit kuina leiramde.
Ishor ningnashang sengdokpa
( Matthew 21.12,13; Mark 11.15-17; Luke 19.45,46 )
13 Amahiksung Jewssinggi aran-chakkhangba adu naksillakpada, Jesusna Jerusalemda lengkhatle. 14 Aduga Ibungona Ishor ningnashangda san, yao, khunu yollibasing amasung shen kaibasingna phamliba adu phangle. 15 Maduda Ibungona thourigi sajei semduna, yaosu sansu pumnamak Ishor ningnashangdagi tanthokle, amasung shen kaiba singgi senjoi adu Ibungona heidokpiduna, makhoigi mej makhei mathak makha onthokpire.
16 Aduga khunu yonbasingda Ibungona hai, potsing asi asidagi puthokkhro, eigi Ipagi yum lallonbagi yum oihanganu.
17 Ibungo nahakki yumgi damak thawai yaona ningbana eibu chatthokani haina ikhiba adu Ibungogi seboksingna ningsingle.
18 Maram aduna Jewsnsingna Ibungoda khumlak-i, nahakna thabak asi toubagi maramna eikhoida kari khudam uhanbage?
19 Jesusna makhoida khumle, asengba mapaham asi manghallu, aduga eina numit humnida hougathan-gani.
20 Maram aduna Jewssingna hai, asengba mapham asi sabada chahi niphutaruk changkhi, aduga nahakti numit humnida sagatkadra?
21 Touigumsung Ibungonadi Ibungogi hakchang asengba mapham oibagi maramda hairammi. 22 Maram aduna Ibungona asibasinggi maraktagi hinggatpada, Ibungona asi hairammi haina Ibungogi seboksingna ningsingle, aduga makhoina sastrabusu Jesusna haikhiba wa adubusu thajare.
23 Amahiksung Ibungona Jerusalemda aran-chakkhangba matamda leiringeida, Ibungona touramliba khudamsing uduna, Ibungogi mingda ayambana thajare. 24 Touigumsung Jesus masana masabu makhoida sinnaramde, maramdi Ibungona mi pumnamakpu khangi, 25 Amasung Ibungoda kanagumba mi amana mi amagi maramda sakhi pibagi kanaba leite, maramdi migi manungda kari leibage Ibungo masana khanglammi.