1 Peter 2
2 maram aduna phattaba pumnamak, lingjel chumdaba pumnamak, Apha saaja-ningba, kallakpa amasung phattaba ngaangnaba pumnamak thaadoktuna, 2 Eesordi thoujaal heibani haayba nakhoyna mahaao khanglabadi, thawaay yoknaba asengba sanggomna nakhoybu araan khubam phaaoba chaaohannanaba, 3 Nouna pokpaa angaang machaasinggumna sanggom adu khouraangna pamjou. 4 misingnadi aoibamk channadraba, adubu Eesor-gi mityengdadi khan-gatlaba, mamal luraba hingliba nung, Eesor adugi maphamda nakhoyna laaklibani; 5 Jesus Christagi mapaanna Eesor-gi maphamda yabiba, thawaaygi oiba bali katnanaba, asengba purohitpham oinaba, nakhoy nasaabusu hingliba nungsinggumna, thawaaygi oiba yum saagatlibani. 6 maramdi maasi saas-trada yaaori,
yeng-u, Zionda khan-gatlaba mamal luraba chithek-ki nung eina thammi; amasung ebungngo-da thaajaba mahaak adubu khak ekaaihalloi.
7 maram aduna mamal luaraba adu thaajaba nakhoygi damakni; adubu thaajadabasinggi damakni asigumbani,
yum saaba-singna channadraba nung adu, adumakna chithek-ki mapi oihallammi;
8 Amasung, khudi thinaba nung amasung tunaba nungjaao;
maramdi makhoyna haayba endabanina waaheida khudi thi; madusu makhoygi damak tamlakpa oire. 9 touegumsung nakhoybu amaambadagi ebungngo mahaakki angakpa masak oiba mangaanda koubiriba ebungngo mahaakki thoihenba khibik nakhoyna tamthoknanaba, khan-gatpa saagei, ningthougi oiba purohit sing, asengba jat, ebungngo mahaak-makki marannaigi damak oiba mi nakhoyni. 10 Mamaangeida nakhoydi mi oiramde, adubu houjikti nungsibire.
11 achaanbasa, thawaaygi mathakta laan soknaba hakchaanggi apaaybadagi ngakthokchaananaba, mireibak machaasing amasung lamlaanbasinggumna nakhoybu eina nonjari. 12 nakhoy phattaba toubani haayna nakhoygi nathakta atoppa Jaatsingna ngaangnaba aduda, makhoyna nakhoygi aphaba thabak yengduna, mityeng taaraba numitta makhoyna Eesor-bu thaagatnanaba, nakhoygi naramchat makhoygi marakta phajanaa chatlu.
Leibaakki angam-athousinggi maakha ponba
13 Eesor-gi maramgi damak mioibagi chatnou haayba waayel khudinggi maakha pollu; ningthouna Khwaaidagi henba mapu, oibanina mahaakki maakha pollu, 14 Amasung phattaba toubasinggi mathakta lamankhumnabagi damak adugaa aapha ba toubasingbu thaagatnabagi damak mahaakna leibaak ngaakpasingbu thaarakpanina, makhoygi maakha pollu. 15 maramdi phajanaa toubana nakhoyna apangba misinggi heita singdaba adu tuminna leihanba adu Eesor-gi ningbani. 16 Maningtamba misinggum oiyu, adugaa nakhoygi naningtamba adu phattabagi makhumgumna sijinnadaduna, Eesor-gi minaaisinggum oiyu. 17 mi pumnamakpu ekaai khumnou, nachin nanaao oibasingbu nungsiyu, Eesor-bu kiyu. ningthoubu ekaai khumnou.
Thouganbagi artha
18 minaaisa, nakhoygi aphaba amasung pukchel, thotpa mapusingtada nattana nungthoinaganbadasu matik chaana kibaga loynanaa nakhoyna maakha pollu. 19 maramdi Eesorlomda pukning changbagi maramna chumduna waahaanbada kanaagumba mina khangheina khanglabadi, maadu thaagatphamni. 20 maramdi nakhoyna paap touduna khudum subaa phanglabada, maadu khanglagadi, kari thaagatpham leibano? adubu nakhoyna phajanaa touduna, awa khanglagadi, Eesor-gi maangda asi thaagatphamni. 21 maramdi asi taanna nakhoybu koubire, maramdi nakhoyna Christagi khonggul matung enjananaba, nakhoyda khudam thambiramduna, ebungngona su nakhoygi damak awa khangbire.
22 ebungngodi paap khak toude, adugaa ebungngo-gi chinda marei mara khak phangde.
23 ebungngobu cheirabada haanna ebungngona cheiramde, ebungngona awa khanglabada kihanba touramde; adubu chumna waayelba ebungngo maangonda ebungngo masaabu sinnajarammi.
24 Paaplomda siraduna eikhoyna dharma chenbaromda hingnanaba, ebungngo masaamakna uthakta ebungngo-gi hakchaangda eikhoygi paap pubirei; ebungngo-gi cheiphainna nakhoybu naaba phahanbire.
25 maramdi nakhoydi yaaogumna lamuknarammi, adubu houjikti yaosen bada amasung nakhoygi thawaaybu ngaksenbiba mapuda nakhoyna hal-lakle.