Matthew 4
( Mark1.12,13; Luke 4.1-13 )
1 Adudagi diyaabolna themnaba Jesusbu thawaayna lamjaaoda pukhatle.
2 Amasung ahing nungthil numit niphuni chara hellabada mameithangda ebungngo laamlakle.
3 Amasung athemba mapu aduna laaktuna ebungngoda haayrei, nangna Eeshorgi machaanupa oirabadi, nungshing asi tal ollu haayna yaathang piyu.
4 Amasung Jesusna mangonda khumlak-e, “asi eduna lei: "taltana mina hingloi, touegumsung Eeshorgi chindagi thoklakpa waahei khuding adutana hinggani."
5 Matung aduda diyaabolna ebungngobu ashengba saaharda pushinduna Iswar ningnashanggi maton tolenda lepphallga,
6 Ebungngoda haay, nangna Eeshorgi machaanupa oirabadi, chongthajou; maramdi eduna lei,
"ebungngo mahaakna nanggi maramda maagi dutshingda yaathang pibigani, amasung nanggi nakhong adu nungda thenggaaydana-naba makhoyna nangbu makhutna pamkhat-pigani."
7 Jesusna maangonda haayrak-e, “amuksu asumna eduna lei, nangna nanggi Eeshorbu chaang yengpharoi."
8 Amukka diyaabolna ebungngobu thoidokna waangkhraba ching amada pukhattuna taaibang-paangi ningthou leibaak pumnamak amasung makhoygi matik mangaan adubu ebungngoda uhalle haayraga,
9 Nangna leitaana eibu khurumjaragadi, eina pumnamak asi nangonda pibigani, haayna haayrak-e.
10 Maduda Jesusna maangonda haay, "chatkhro, Satan, maramdi asi eduna lei: "nangna nanggi Eeshor adubu khurum-jagadabani, amasung ebungngo mahaaktabu ninggadabani."
11 Adudagi diyaabol aduna ebungngobu thaadoklammi, amasung yeng-u, swargadut shingna laakladuna ebungngobu thougan tourammi.
12 Herod ningthouna Johnbu keishumshangda thamkhare haaybasi Jesusna tarabada, Jesusna Galileeda amuk hallakhi.
13 Jesusna Nazareth thaadoktuna Zebulun amasung Naptaligi lamdam, Galileegi loutaak mapaanda leiba Capernaumda chatkhiduna leikhre.
14 Maasi Eeshorgi waa taakthokpa Isaiahna haaykhiba,
15 Zebulun leibaak amasung Naptali leibaak, samudralomda leiba Jordan waangmada, atoppa Jaatshinggi Galilee, amaambada leiramba mishingna achouba mangaan ujare; aduga ashibagi, lam amasung mamida phamlamliba mishingda mangaan thoklakle, haayba waa asi thungba yaana-nabani.
Jesusna paao shaandokpa houba amasung ahaanba sebokshingbu kouba
( Mark 1.16-20; Luke 5.1-11 )
17 Pukning hong-u maramdi swarga leibaak nakle haayba paao asi haayduna Jesusna matam adudagi shaandokpa hourakle.
18 Aduga Jesusna Galileegi louktaak mapaanda koirakpada Peter haayna kouba Simon amasung maagi manaao Andrew, makhoy machin manaao ani asi louktaakta een hunduna leiramba adu ure; maramdi makhoy nga phaabashingni.
19 Amasung Jesusna makhoyda haay, laak-u, etung ellu, amasung eina nakhoybu mi phaabashing oihan-gani.
20 Khudak adumaktada makhoyna een thaadoklamduna ebungngogi tung enjare.
21 Jesusna mapham adudagi asum laakpada, Ebungngona atei machin manaao ani Zebedeegi machaanupa James amasung mahaakki manaao John makhoygi mapaa Zebedeega loynanaa hi amada makhoygi een phottuna leiramba ure, amasung makhoyna koure.
22 Khudak aduda makhoyna hi amasung makhoygi mapaabu thaadoklamduna ebungngogi tung enjare.
23 Matung aduda makhoygi loysang loysangda tambiduna amasung swarga leibaakki aphaba waapaao shaandokpiduna, aduga mishinggi marakta laaina pumnamak amasung ashol-ana pumnamak phahanbiduna Ebungngona Galileegi mapham pumnamak thungna koirammi.
24 Amasung Jesusgi paaoninkhonna Syria pumnamakta shin-thungkhre; amasung makhoyna ebungngoda anaaba pumnamak, makhal makha ayaamba laaina amasung laaithungna waaraba, bhutna puba, shaarei houba, naakal naamma shithaba mishingbu purakle, amasung Ebungngona makhoybu phahanbire.
25 Aduga Galilee Decapolis, Jerusalem, Judea amasung Jordan waangmadagi miyaamshingna ebungngogi tung enjare.