2 Timothy 1
Timothyda Paulna eba anisuba laairik
Khurumjaba amasung Eesor-bu thaagatpa; thawaay yaonaba amasung thouna phanaba ensinbiba
1 Christa Jesus-da leiriba hingba adugi waaleppa thungna-naba, Eesor-na ningbagi mapaanna Christa Jesus-gi paakhon chatpa Paulna, eigi achaanba echaa Timothyda:
2 epa Eesor-dagi amasung eikhoygi Eesor Christa Jesus-dagi thoujaal, nungsiheiba, engthaba leibisanu.
3 Ei haraaobana thannanaba, nahaakki pi taaba ningsingduna, ahing nungthil nahaakpu khouraangna ujaningduna, amasung eigi nonja nonjabada nahaakpu tattana ningsingjaduna, 4 asengba achum aran khangnaba pukningga loynanaa epa epu-singdagi houna eina khanjarakpa Eesor ebungngobu eina thaagatchei. 5 Nangonda leiriba thajasinnadaba adu ei ningsingi; thajasinnadaba asi nahaakki nabenbok Loyida amasung nahaakki nama Unikida Loyida leirammi, adugaa maadu nangondasu lei haayna eina thaajei. 6 maram asigi damak eigi khut thambibagi mapaanna nangonda leiriba Eesor-gi khudon adu nahaakna meigum chakkhathannanaba eina nahaakpu ningsinghallibani. 7 maramdi Eesor-na eikhoyda akibagi thawaay pibide; adubu paanggalgi, nungsibagi amasung masa lakchabagi thawaay pibire.
8 maram aduna eikhoygi Eesor-gi maramda saakhi pibagi damak, adugaa ebungngo-gi maramda phaadok oiriba mi eigi damak ekaaibiganu, adubu Eesor-gi paanggal matung ennaa aphaba waapaaogi damak eigaa loynanaa awaaba khamgminnabiyu.
9 ebungngo mahaakna eikhoybu kanbire adugaa asengba koubana eikhoybu koubire, eikhoygi thabak matung ennaa natte, adubu ebungngo mahaak-makki ningba amasung thoujaal mattung ennaa koubibani; Thoujaal asi thaaina mamaangeida Christa Jesus-gi mapaanna eikhoyda kanbiba,
10 adubu houjikti eikhoygi kanbiba mapu Christa Jesus-gi uhanbibana phongdokpire. ebungngona siba maanghan-duna, aphaba waapaaogi mapaanna hingba amasung siba naaidaba adu mangaanda pubirakle;
11 aphaba waapaao asigi damak eibu paao saandokpa, paakhon-chatpa amasung oja happire. 12 maram asigi damak eina awaaba asisingsu khangjari; adumakpu ei ekaaijaade, maramdi eina thajaraba ebungngobu eina khngjei, adugaa eina ebungngo-da sinajakhiba adu ebungngona numit adu phaaoba ngaakpiba ngammi haidunna eina thaajei. 13 Christa Jesus-da leiriba thaajabada amasung nungsibada, nahaakna eingondagi takhiba achumba waagi paandam adu paiyu. 14 Nangonda sinakhiba aphaba adu eikhoygi nungda leiriba thawaay asengba adugi mapaanna ngaak-u.
15 Phugela amasung Harmogini yaona, Asiada leiba pumnamakna eingondagi leithokkhre haayba asi nahaakna khang-e:
16 Eesor-na Onesiphoragi emungbu nungsibisanu; maramdi mahaakna eihaakpu toyna awa pothaahanbiduna eigi yotlhingphalanggi maramda ekaaibide; 17 adubu mahaakna Romeda laaklabada, eibu mahaakna thawaay yaaonathiraduna phangle. 18 (Eesor-na numit aduda Eesor-dagi nungsibiba phangnaba maangonda chanbisanu); adugaa mahaakna Ephesianda kayaa yaamna thougan toujare haayba nahaakna henna ningthina khngbani.