Acts 10
Peter amasung Cornelius
1 Amasung Caesareada Italia haayna kouba laanmi kaanglup adugi chaammagi mapu oiba, maming Cornelius kouba, kanaagumba nupaa amaa leirammi.
2 Mahaakti mahaakki emung manung pumnamakka loynanaa laining chetpa, Eeshorbu kina touba, mishingda yaamna pinaheiba, amasung matam leiba khibikta Eeshorda nonjaba mi oirammi.
3 Nongmagi, nungthin-gi pung 3:00 Taba matamduda uhanbiba amada Eeshorgi dut amanaa mahaakki manaakta changlapka, amasung maangonda Cornelius haayna haayraba mahaakna shengna ure.
4 Aduga mahaakna maangonda mamit sangtrik yenglaga, kiraduna haay, kari oirabano, Eeshor? maduda mahaakna maangonda haay, nahaakki haayjaba amasung pinaheiba khibik Eeshorgi maangda ningshing nanaba-gi damak thunglare.
5 Amasung houjik Joppa nupaashingbu thaakhiduna, mingthol Peter kouba kanaagumba Simon adubu louhallu;
6 Mahaakna shaungi thabak touba simon kouba nupa amagi yumda leikhi; mahaakki yumdi samudra mapaandani.
7 Aduga maangonda waa ngaangnaba swarga dut aduna chatthokkhrabada, mahaakna mayumgi manaaishingdagi anibu amasung mahaakki thougan-gi damak etat-tattana ngaaiduna leibashingdagi laining chetpa laanmi amabu kouraduna,
8 Makhoyda waaram pumnamak taakpiraga, Japho taanna mahaakna makhoybu thaakhre.
9 Mathanggi numitta makhoyna asum chatlaaktuna, nungthin-gi matamda saahar adu naklaklabada, Peterna haayjana-naba yumthakta kaakhatle.
10 Aduga mahaakti mapuk lamlaaktuna Chaaninglammi; adubu makhoyna chaanaba langlingeida maangonda samadhigi phibam oirakle;
11 Aduga swarga haangdoklamba, amasung achouba ennaphi gumba karigumba haapnapot amaa kumtharaktuna, madugi chithek marida paayduna prithibida thadarakpa mahaakna ui.
12 Madugi manungda makhal pumnamak, makhong mari paanba shaashing, leibaakta mapukna shittuna chatpashing, amasung atiyagi uchekshing yaaorammi.
13 Aduga, hougatlo, Peter; haattuna chaao, haayba khonjen amaa maangonda laakle.
14 Adubu Peterna haay, asum oibiganu, Eeshor, maramdi karigumba pot amaangba amasung shengbada ei keidoungeidasu chajadri
15 Aduga khonjen amaa Amukka anirak shunaa maangonda laakle, Eeshorna shenghankhiba adubu nangna amaangba oihan-ganu.
16 Amasung asi ahumlak shunaa thokle, aduga khudak aduda haapnapot adu swargada loukhat-khre.
17 Amasung Peterna ukhiba uhanbiba adu karino haayduna mahaak masha mathanta yaamna laangtaknaringeida, yeng-u Corneliusna thaarakpa nupaashing aduna Simon-gi yum hangla hangladuna konthong manaakta leplaga,
18 Mingthol Peter kouba Simon asida thunglibara thungdabara haayna kouduna hanglak-e.
19 Amasung Peterna uhanbiba aduda maol maol khallingeida, thawaayna maangonda haay, yeng-u, nupaa ahumna nangbu thiri.
20 Adubu hougattuna kumtharo, aduga karisu chingnaba leitana makhoyga loynanaa chatlu, maramdi eina makhoybu thaarakpani.
21 Maduda Peterna nupaashing adu taanna kumtha-khiduna haay, yeng-u, nakhoyna thiba mi adu eini; nakhoyna kari maramgi laakpiribano?
22 Aduga makhoyna haay, lanai chaammagi mapu oiba Cornelius, dharma chenba amasung Eeshorbu kina touba, aduga Jewish-shinggi jaat pumnamakna sonaba nupaa aduda, mahaakki mayumda nahaakpu puraknaba amasung nangondagi waapaao taanaba ashengba swargadutna taakpire.
23 Maram aduna mahaakna makhoybu kousinbiduna thunghanbire. Amasung mathanggi numitta mahaakna hougattuna makhoyga loynanaa chatkhre, aduga Joppagi machin manaaoshinggi maraktagi kanaa kanaagumbana mahaakka loinakhi.
24 Adugi matung nongma aduda makhoyna Caesareada thunglare. Aduga Corneliusna mahaakki shaagei ngai, amasung marup mapaang pullap punna kouraduna makhoybu ngaairammi.
25 Amasung Peterna changlakpada asum thoklare, Corneliusna mahaakpu okladuna, mahaakki khongda tuthajaraga khurumjare.
26 Touegumsung Peterna mahaakpu hougat-handuna haay, lepkhatlu; eisu mini.
27 Adudagi mahaakna mahaakki waari sura suraduna changlakpada, mi mayaam tinnaramba phangle.
28 Maduda mahaakna makhoyda haay, Jewish oiba nupaa amanaa atoppa jaatki mi amanaa tinnaba nattraga changnaba kayaada waayel kaaybano haayba nakhoyna khang-e; adumakpu eina kanaagumba mi amabu amaangba nattraga shengdaba koupharoi haayba Eeshorna eingonda utpire.
29 Maram asina eibu lourabada, karisu waayaamba toudaduna eina laakchaare. Maram aduna nakhoyna eibu koubiraba kari maramgino eina hangjari.
30 Maduda Corneliusna haay, numit marinigi mamaangdagi eina chara henduna houjikphaoba leiri, aduga nungthin-gi pung 3:00 gi matungdagi yumda haayjarammi; aduga yeng-u, arangba phi shetpa nupaa amanaa emangda lepladuna haay,
31 Cornelius, nahaakki haayjaba taabire, amasung, nahaakki pinaheiba Eeshorgi maangda ningshingba oire.
32 Maram aduna Joppa thaakhiduna, mingthol Peter kouba Simonbu kouru; mahaakna samudra mapaanda shaaungi thabak touba Simon-gi yumda thungkhi.
33 Maram aduna eina matam adumaktada nahaakki naphamda thakibani, aduga nahaakna lengbirakpa yaamna phaare. Maram aduna Eeshorna nangonda yaathang pikhiba pumnamak adu tajananaba, eikhoy pumnamakna houjik Eeshorgi maangda leijari.
34 Maduda Peterna maya kaakhattuna haay:
Aoibamak eina khangle, Eeshorna mishak mimaay yengde,
35 Adubu jaat khudingmakta ebungngo mahaakpu kiba amasung dharma chenbagi thabak touba mi khudingmak ebungngo mahaakna yabibani. Jesus Christagi mapaanna engthanabagi aphaba waapaao shaandoktuna,
36 Ebungngo mahaakna Israelgi machaashingda waa adu thabire (ebungngodi pumnamakki Eeshorni).
37 Johnna buptized toubagi waapaao shaandokpa matungda Galileedagi houna Judea apumbaa sinthungkhiba waari adu nakhoy nashaana khangdaba natte,
38 Madudi, Nazarethki Jesusgi waani, karamna ebungngobu Eeshorna thawaay ashengbaga paanggalgana thaao heibiraga, Ebungngona koychat chattuna aphaba thabak tourambage amasung diyaabolna neiriba pumnamakpu phahanbirambage haaybaduni; maramdi Eeshorna ebungngoga loinabirammi.
39 Aduga Ebungngona Jewish-shinggi lamdasu Jerusalemdasu toukhi toukhiba thabak pumnamak adugi saakhi eikhoyni; adugasu makhoyna ebungngobu uthakta yaanduna haatle.
40 Eeshorna ebungngo asibu numit humni shubada hinggatpiraduna phongdok-hanbire,
41 Mi pumnamakta natte, adubu Eeshorna mamaangeida khandokkhraba saakhishingdani, haaybadi, Ebungngona ashibashinggi maraktagi hinggatpa matungda ebungngoga chamin thakminnakhiba eikhoydani.
42 Aduga mishingda paao shaandoknaba, amasung ahingbashingga ashibashinggagi waayel mapu, Eeshorna oihanbiba adu ebungngo asini haayba saakhi pinaba, Ebungngona eikhoyda yaathang pibire.
43 Ebungngogi maramda Eeshorgi waa taakthokpa pumnamakna saakhi pi, haaybadi, ebungngobu thaajaba mi khudingmakna ebungngogi minggi mapaanna paap kokpa phangjagani.
Aatoppa Jaatshingna thawaay ashengba phangba amasung buptized louba
44 Peterna waashing asi ngaanglingei maktada waa adu taariba pumnamakki mathakta thawaay ashengbana taabire.
45 Amasung Peterga loynanaa laakpa thaajaba un kakpa mishing aduna engak ngakle, maramdi atoppa Jaatshinggi mathaktasu thawaay ashengbagi khudon adu heithabire.
46 Maramdi makhoyna atop atoppa lonna ngaangba amasung Eeshorbu thaagatpa adu makhoyna taarammi.
47 Matam aduda Peterna khumle, eikhoyga maannana thawaay ashengbabu phanglaba makhoy asibu buptized toubidanaba kanaagumba mina eeshing khamba ngambara?
48 Aduga makhoybu Jesus Christagi mingda buptized toubinaba mahaakna yaathang pine. maduda makhoyna mahaakpu numit khara phaibinaba haayjare.