John 19

Pilatna Jews-singgi maning thunghanba

19 maram aduna Pilatna matam aduda Jesus-bu louraduna thina jeihalle. 2 adugaa laanmi singna tingkhanggi luhup amaa londuna, ebungngo-gi kokta uppiraga, memaanba phi eenbire, 3 Amasung makhoyna ebungngo-da laaktuna haayrammi, he Jewsgi ningthou, khurumjari! adugaa makhoyna ebungngobu khubaakna thaay. 

4 maaduda Pilatna amuk mapaanda lengthok-khiduna makhoyda haay, yeng-u, eina maangonda maraal kari amata phangde haayba nakhoyna khngnanaba eina mahaak nakhoyda puthokli. 

5 maram aduna Jesus-na tingkhang luhup amasung memaanba phi enduna mapaanda lengthoklakle. adugaa Pilatna makhoyda haay, yeng-u, mi adu! 

6 maram aduna athoiba purohit sing amasung phamnaaiba singna ebungngobu urabada laaorak-e, crossta haatlu, crossta haatlu!, Pilatna makhoyda haay, nakhoymakna mahaakpu puduna crossta hatcharu, maramdi einadi maangonda maraal phangde. 

7 Jews-singna maangonda khumle, eikhoygi waayel yaathang lei, adugaa waayel yaathang adugi matung ennaa manaa sipham thok-e, maramdi masa mathantabu Eesor-gi machaa nupaa oihanjare. 

8 maram aduna Pilatna waa asi taarabada henna kire, 9 adugaa mahaakna  Praetoriumgi manungda amuk changkhiduna Jesus-da haay, nang kadaaydagino? adubu Jesus-na maangonda khumbidre. 

10 maram aduna Pilatna ebungngo-da haay, eingnonda nang waa ngangloidra? nangbu thaadoknaba matik amasung crossta haatnaba matik eigi laai haayba nang khangdraa? 

11 Jesus-na maangonda khumle, nangonda mathaklomdagi pibiramdrabadi, eigi ethakta nanggi matik kari amata leiramloidabani. maram asigi damak eibu nangonda pithokpa mahaak adugi paap henna chaaoi 

12 adudagi Pilatna ebungngobu thaadoknanaba thirammi, touegumsung Jews-singna laaorak-e, nahaakna mi asibu thaadoklabadi, nahaakti Caesargemarup natte. masa mathantabu ningthou oihanjaba mi khudingna Caesargi mathakta waa ngaangbani. 

13 maram aduna Pilatna waasing asi taarabada, mahaakna Jesus-bu mapaanda puthoktuna nung chanba kouba Hebrew londa Gabbatha) maphamda waayelphambei thakta phamthare. 14 adugaa maadu araan-chaak khaangbagi thouraang laangba numitki nungthin-gi matam oirammi. Amasung mahaakna Jews-singda haay, yeng-u, nakhoygi ningthou. 

15 maram aduna makhoyna laaorak-e, puthokkhro, puthokkhro, maabu crossta haatlu!, Pilatna makhoyda haay, nakhoygi ningthoubu eina crossta hatkadra?, Athoiba purohit singna khumle, Caesar nattana eikhoygi ningthou leite. 16 maram aduna mahaakna matam aduda ebungngobu crossta haatna-naba makhoyda pithokkhre.

Jesus-bu Crossta haatpa

( Matthew 27.32-44; Mark 15.21-32; Luke 23.26-43 )

17 maram aduna makhoyna Jesus-bu puthokle adugaa ebungngona mathantagi damak cross pujaduna, Hebrew londa Golgotha, haaybadi lukanggi mapham kouba, mapham adu taanna lengthoklakle. 18 Mapham aduda makhoyna ebungngobu, amasung ebungngo-ga loynanaa atei mi anibu yet oyda adugaa Jesus-budi mayaaida, crossta yotpi thaaduna pangtingle. 

19 Amasung Pilatna mingthol laririk amaa eraduna, cross mathakta haaple, ekhraba adudi, Nazarethki Jesus, Jews-singgi ningthou, haayba asini. 20 maram aduna mingthol adu Jews-sing ayaambana pare, maramdi Jesus-bu crossta yotpi thaaduna pangtinglamba mapham adu sahargi manaakta oirammi, adugaa maadu Hebrew Roman amasung Greek londa erammi. 21 maram aduna Jews-singgi athoiba purohit singna Pilatta haay, Jews-singgi ningthou ebiganu, touegumsung, ei Jews-singgi ningthouni haayna mahaakna haaykhi, haayduna ebiyu. 

22 Pilatna khumle, eina ekhraba adu ekhre.

23 maram aduna laanmi singna Jesus-bu crossta yotpi thaaduna pangthingba matamda, ebungngo-gi phi louduna, laanmi amam-mamna saruk amam-mam phangna-naba, saruk mari thokhalle, phurit adusu loure amasung phurit adudi langdai leitba mathaktagina maakha phaaoba phi mapum amanaa sarammi. 24 maram aduna makhoyna amaaga amaga haaynei, eikhoyna maasi segaayganusi, adubu maasi kanaagi oigadage leibaak chaang yengnasi,

Makhoyna makhoygi marakta eigi phirol yennare, adugaa eigi phuritki damak makhoyna laaibak yengnare,

haayba saas-tra adu thungna-nabani. 25 maram aduna lamnisingna thabaksing asi toure, touegumsung Jesus-gi cross manaakta ebungngo-gi mama, mamaaga pokminnabi, Klopagi nupi Mary, amasung Magdalene Mary leptuna leirammi. 26 maram aduna Jesus-na mamaa amasung manaakta lepliba ebungngona nungsiba sebok uraduna, mamaada haay, he nupi, yeng-u, nachaa-nupaa! 27 maaduda ebungngona sebok aduda haay, yeng-u, nangi nama! adugaa pungja adudagi sebok aduna mahaakpu mayumda pubikhre.

28 asigi matungda Jesus-na thabak pumnamak houjikti loire haayba khaangduna, saas-tra adu thungna-naba haay, ei khourangi. 29 adugaa asinba mahina thanba phu amaa leirammi, maram aduna makhoyna asinba mahina thallaba Spanj amaa Hisop macheida lengsinduna ebungngo-gi chinban taanna thingatpire. 30 Miran aduna Jesus-na asinba mahi adu louraga haay, loire, adugaa ebungngo-gi kok lekthaaduna Mathawaai thaakhre.

Tana thinba amasung phumba

31 maram aduna thouraang laangba numit oibagi maramna, hakchaangsing adu cross mathakta potthaaba numitta leitaananaba (maramdi potthaaba numit adu athoiba numit oirammi), makhoygi khong thudeklaga, makhoybu puhankhinanaba Jews-singna Pilatki maphamda nijare. 32 maram aduna laanmisingia laaktuna ebungngo-ga loynanaa crossta yotpi thaaduna paang-tingba ahaanba adugaa atei adudagi makhong thudekle, 33 Tougumbasung makhoyna Jesus taanna laaktuna, ebungngo sirabani haayba urabada ebungngo-gi khong thudekte. 

34 adubu laanmisinggi maraktagi amanaa ebungngo-gi pungnopta ta amanaa thille, adugaa khudak adumaktada maadudagi eega eesingga thoklakle. 35 Amasung nakhoynasu thajana-naba, mamitna ukhiba mahaak aduna saakhi pire, adugaa mahaakki saakhi adu achumbani, amasung mahaakna achumba haayribani haayba mahaakna khang-e. 36 maramdi, ebungngo-gi saru amata thudekloi, haayba saas-tra adu thungna-naba arising asum thoklare. 37 adugaa amuk saas-tragi mapham atei amada haay, makhoyna tana thillaba ebungngobu yenglagani.

38 Amasung asigi matungda Jews-singbu kibagi maramna, lonna Jesus-gi sebok oiba Arimatheajgi Josephna Jesus-gi hakchaang puthokchaananaba Pilatki maphamda nijare, amasung Pilatna maangonda yaabire. maram aduna mahaakna laaktuna ebungngo-gi hakchaang puthok-khre. 

39 Amasung ahingda ebungngo-da ahaanbada laakpa Nicodemusnasu Gondhaaraaska Aguruga yaan-naba pot ser yaangkheirom puraktuna laakle. 40 asum touna makhoyna Jesus-gi hakchaang adu louduna, phumnanaba Jews-singgi hounabi matung ennaa manam nungsiba potka loynanaa anaanba leemon phina maadu pulle. 41 adugaa ebungngobu crossta haatpa mapham aduda engkhon amaa leirammi, amasung engkhon adugi manungda mi kana amatabu khak thamdriba anouba mongpham amaa leirammi. 42 maram aduna Jews-singgi thouraang laangba numit oibagi maramna, makhoyna Jesus-bu maaduda thamle, maramdi mongpham adu nakna leirammi.