Exodus 21
Minai loibagi pathap
(wayel 15:12-18)
21 Nahakna makhoida pigadouriba chatnapathapsingdu asini: 2 Hebrew Jatki manungdagi minai ama leiba tarabai adugumba Hebrew minaiduna chahi taruk minai oihangani. Taretsuba chahi changlakpa matamda mahakpu mamal yaodana thadokpigadoubani. 3 Mahak matomta laklabadi matomtamak hankhigani. Mahak minai oina lakpa matamda mayum pallamba thoklabadi, mahakki nupidu mahakka loinana chathalgani. 4 Karigumba mabunggona minaiduda nupi ama piba thoklabadi, nupaduna pokpa machanupa amadi nupisingdu mabungodugi oigani. Hairibasi oirabadi mahak matomta chatkhigadabani. 5 Karigumba minaiduna eigi Ibungo eigi nupi amadi ichasingbu nungsi Maramsina eihak chatloi haina icham chamna hairabadi 6 Minaidugi mabunngoduna mahakpu Mapu Ibungogi mamangda ningnashanggi thong amadi thonbandu youna pusindunana hutnaba yotna minaidugi manadu huttokkdabani. Adugumba minaiduna mapunsi chuppa mabungodugi seba tougani.
7 Kanagumba nupa amana machanupibu minai oina yonba matamda minai nupagi matougumna nupidu chatpa yaroi. 8 Minai nupidu loige haina pukhiba mabungodubu nupiduna pelhanba ngamdrabadi mamal handoklaga nupidubu thadokpikhiba yai. Nupaduna minai nupidubu lamlanba amada yonthokpa yaroi. Maramdi mahakna minai nupiduda chatpham thoktaba lamchat chatli 9 Karigumba nupaduna minai nupidubu machanupagidamak leibiba oirabadi, machanupigumna khangadabani. 10 Karigumba mahakna kanagumba nupi ama luhongduna louraba matungdasu minai nupadugi machinjak, maphijet amadi nupa nupi oibagi leinagadouba maridu kakpa yade. 11 Karigumba mahakna hairiba thouram pareng ahumsi minai nupidugidamak toubidrabadi hairiba nupiduna mamal piduna chakhiba yai.
Namduna minaisingbu thabak suhanbagi pathap
12 Kanagumba nupa amana atoppa nupa amabu sinnaba phurabadi, phuriba nupadu sibagi dandi phanggani. 13 Karigumba mahakna ngaiduna aningba amadi touge yaona hatpa nattrabadi haibadi asum thoku haiduna Mapu Ibungona nupadubu mahakki makhutta tahanba oirabadi, Eina adugumba nupadugi chennanaba mapham ama khandokkani. 14 Karigumba nupa amana atoppa nupa amabu hatningna hatpa oirabadi adugumba nupadu eigi phankhongsidagi puthokkhiduna sinnaba dandi pigadabani.
15 Mapa nattraga mama hatpa midu sinnabagi dandi pigadabani. 16 Kanagumba mi amabu phaduna yonthokpa nattraga lottuna thamlabadi, adugumba nupadu sinnabagi dandi pigadabani.
17 Mapa nattraga mamabu sap touba nupadu sinnabagi dandi pigadabani.
18 Miyam khatnaba matamda kanagumba amana nungna oirabasu cheina oirabasu phuba matamda sidi sidana laikannaduna leirabadi, 19 Sokliba nupaduna cheisu suduna koina chatpa ngamlabadi, mahakpu phukhiba nupadu thoina awapham leite. Mahakna tougadouba haibabu nupaduna matam mangkhibadugi mamaldi pigadabani. Aduga loinana mahakna anabadu layenggadoubani.
20 Kanagumba nupa amana minai nupa nattraga nupi amabu cheina phuba matamda karigumba sirabadi dandi pigadabani. 21 Karigumba asokpa minaiduna nongma nattraga nini leiramlabadi, mahakpu dandi piroidoubani. Maramdi minaidu mahakki peisana leibani.
22 Mishinggna phunaba matamda karigumba mirollibi nupi ama sokle. Sokpadudagi angang laiyei chatpa thokle adubu karigumba nupidu siba nabamak thoktrabadi nupiduda khut thakhiba nupadugi mathakta mapuroibadugi apamba matung inna amadi wayelbasingna leppa matung inna mamal pigadabani. 23 Karigumba siba thoklabadi mi hatlabadi masu sipham thok-i haibasi tagadabani. 24 Mitki mahut mitna, yagi mahut yana, khutki mahut khutna, khonggi mahut khongna, 25 Mei chakpagi mahut meina, asokpagi mahut asokpana, khogaibagi mahut khogaibana singadabani.
26 Minai nupa nattraga nupigi mamittu phubada soktuna tangba thoklabadi, minaidubu mamal kokpiraga halhankhigadabani. 27 Kanagumbana phubada minai nupa nattraga nupigi maya teklabadi adugumba minaidu halhankhigadabani.
Inak khunbasingna lal-thumgimathakta thoujagadouba thoudang
28 Shallaba amana nupa nattraga nupi ama hatlabadi, adugumba sandubu nungna thaduna hatkadabani. Masigi masadu chaba yade. Sanbudu awapham tahanba yaroi. 29 Adubu adugumba sandu mamangngeidasu mi wairamdri aduga sanbududa mishingna cheksinna thamnaba haikhrabadi, cheksinna thamdabagi nupa nattraga nupi ama waiduna sirabadi, sandubu nungna thaduna hatkadabani. Mapudusu sinaba dandi pigadabani. 30 Adubu sanbuduna mamal piraga yai haina wakherabadi mamal chap chana pigadabani. 31 sanduna kanagumba nupa amaga machanupa nattraga nupida wairabasu hairiba pathapsi ingadabani. 32 sanduna kanagumba minai nupa nattraga nupi amada wairabadi asokpaduda mapuduna Shekel khuthra pigadabani. Sandusu nungna thaduna hatkadabani. 33 Kanagumba nupa amana kom ama touthoklaba makhum khumduna thamle nattraga hanna touthoklaga komdu makhum khumduna thamme aduga masina maram oiduna shal nattraga lola ama tarabadi 34 Komdugi mapuduna sannattraga lola mapududa mamal pigadabani. Asiba shadu mahakki oigadabani.
35 Kanagumba nupa amagi sanna atoppa nupa amagi sandu waiduna hatlabadi, hingliba sandu yollaga mamaldu makhoi anida yenbigadabani. Asiba masadubu makhoi ani yenbigani. 36 Adubu adugumba sandu mamangngeisu waigalli haiba khanglabadi aduga mapuduna masibu phajinduna thamde haibasi khanglabadi, adugumba mapuduna shal ama sikhibagi mahut shal ama pigadabani. Asiba masadudi mahakki adum oigani.