Matthew 1

Matthewna lengba aphaba waapaao

Jesusgi paari puri

( Luke 3.23-38 )

1 David amasung Abrahamgi machaanupa Jesus Christagi miron laairik.

2 Abrahamna Isaac pok-e; aduga Isaacna Jacob pok-e; aduga Jacobna Judas amasung maagi machin manaaoshingbu pok-e;

3 Aduga Judasga maagi nupi Tamaragana Perez amasung Zerah pok-e; aduga Perezna Hezron pok-e; aduga Hesronna Ram pok-e;

4 Aduga Ramna Amminadab pok-e; aduga Amminadabna Nahson pok-e; aduga Nahsonna Salmon pok-e;

5 Aduga Salmon-ga Rahabkana Boaz pok-e; aduga Boazga Ruthkana Obed pok-e; aduga Obedna Jesse pok-e.

6 Aduga Jessena David ningthou pok-e. Aduga Uriahna louramba nupi adu Davidna louduna Solomon pok-e.

7 Aduga Solomonna Rehoboam pok-e; aduga Rehoboamna Abijah pok-e; aduga Abijahna asha pok-e;

8 Aduga Asana Jehosaphat pok-e; aduga Jehosaphatna Jehoram pok-e; aduga Jehoramna Uzziah pok-e;

9 Aduga Uzziahna Jotham pok-e; aduga Jothamna Ahaz pok-e; aduga Ahazna Hezekiah pok-e;

10 Aduga Hezekiahna Manasseh pok-e; adugi Manassehna Amon pok-e; aduga Amonna Josiah pok-e;

11 Aduga Josiahna Jeconiah amasung mahaakki machin manaaoshing adubu Babylonda makhoybu pukhiba matam aduwaaida pok-e.

12 Aduga makhoybu Babylonda pukhiba matung aduda Jeconiahna Sealtiel pok-e; aduga Sealtielna Zerubbabel pok-e;

13 Aduga Zerubbabelna Abihud pok-e; aduga Abihudna Eliakim pok-e; aduga Eliakimna Azor pok-e;

14 Aduga Azorna Zadok pok-e; aduga Zadokna Akim pok-e; aduga Akimna Elihud pok-e;

15 Aduga Elihudna Eleazar pok-e; aduga Eleazarna Matthan pok-e; aduga Matthanna Jacob pok-e;

16 Aduga Jacobna Marygi mapuroiba Joseph pok-e; Maryna Christa kowba Jesusbu pok-e.

17 Matou asum touna Abrahamdagi David phaaoba miron pumnamak adu taraamari shui; aduga Davidtagi Babylonda pukhiba phaaoba miron taraamari shui; aduga Babylonda pukhibadagina Christa phaaoba miron taraamari shui.

Jesus pokpa

( Luke 2.1-7 )

18 Jesus Christa asi matou asumna pokkhi, ebungngogi mamaa Mary asi Josephta pibadi piraga luhongdringeida thawaay ashengbada gi mironle haayna khangnarakle.

19 Amasung mahaakki nupaa Josephsi dharma chenba mi oibana miyaamgi mamaangda phongdokningdraduna lonna thaadokke haayna ninglammi.

20 Touegumsung mahaakna matou asumna khallingeida, yeng-u, Eeshorgi dudna mahaakki maangda uhanbiduna haayrei, he Davidki machaa Joseph, nahaakki nupi Marybu louba kiganu, maramdi mahaakki puknungda mirolliba adu thawaay ashengbada gini.

21 Amasung mahaakna machaanupa amaa pokkani, amasung nahaakna angaangdugi maming Jesus thon-gani, maramdi Ebungngona mahaakki mishingbu makhoygi paaptagi kanbigani.

22 Eeshorna waa taakthokpa mishingda haayhankhiba waa adu thungna-nabagi damak pumnamak asi thoklare madudi:

23 Yeng-u, leishaabi ashengbi aduna mironduna, machaanupa amaa pokkani, amasung makhoyna ebungngogi maming Emmanuel kougani; madugi arthadi, eikhoyga leimin-nabaa Eeshor.

24 Amasung Josephna tumbadagi hougattuna Eeshorgi dutna haayramba adugi matung enna, mahaakki nupibu loure.

25 Amasung mahaakna machaanupa amaa poktriba phaaoba Josephna mahaakpu shamnaramde; amasung mahaakna ebungngogi maming Jesus tholle.