2 Timothy 4
1 Eeshorgi maangda amasung ahingbashingga ashibashinggabu waayen-gadouriba Christa Jesusgi maangda, ebungngogi uhanbiba amasung ebungngogi leibaak shonduna eina shinnajari: 2 Waa adu shaandok u, matamdasu matam nattabadasu ain kanna tou, kuina khangbiba amasung tambiba pumnamakka loynanaa waakhal taahallu, waarakpiyu, thoujaanbiyu.
3 Maramdi makhoyna achumba tambiba adu khangba ngamloidaba matam laakkani; adubu manaakong hakkachaaduna makhoymakki apaamba matung ennaa tambiba makhoy masen-gi damak khomjin-gani,
4 Amasung achumbadagi makhoygi manaakong leithokkhiduna ashem ashemba waarida leishingani.
5 Tonigumbasung nahaakti maram pumnamakta pukning laaksillu, awaaba khangu, aphaba waapaao shaandokpagi thabak tou, nahaakna thougan touba adu thunghallu.
6 Maramdi ei houjikti bah oinaa katthoklabani, aduga eigi chatthokpa matam laakle.
7 Aphaba laan shoknaba adu eina shoknare, eethou adu eina loijare, thaajaba adu eina ngakchaare.
8 Houjiktagi dharma chenbagi luhup adu eigidamak thamjinbire, madu dharma chenba waayel mapu, Eeshor aduna eingonda numit aduda pibigani; aduga madu eingondata natte, adubu ebungngogi uhanbibabu nungshiraba pumnamaktasuni.
Mi kharagi paao amasung khaayna wa
9 Eingonda thuna laaknanaba ngamba makhei hotnabiyu.
10 Maramdi Deimana houjikki taaibang paanba asi nungshiraduna eibu thaadoklaga Thessalonicada chatkhre, Kreskena Galatianda, Titusna Dalmaatiyada chatkhre.
11 Luktadi eigaa loynari. Nangna Markpu thiduna purak-u; maramdi thougan tounabagi damak mahaak eingonda kaannabani.
12 Adubu Tukhikabu eina Ephesianda thaakhre.
13 Troasda Karpagida eina thamlamba ennaphiduga laairik makheiga, thoidokpadi saungidu, nahaakna laakpada purak-u.
14 Aleksandar, korisaba aduna eingonda yaamna phattaba toubire; Eeshorna mahaakki thabakki matung ennaa maangonda laman khumbigani.
15 Nahaaknasu, mahaakki maramda shennajou; maramdi mahaakna eikhoygi waashing kanna thingnaba hotnare.
16 Eigi ahaanba kanthokchaba waa haayba matamda kanaa amatana eigi michang changbide, adubu pumnamakna eibu thaadokle; makhoyda maasi shingthaanabidasanu.
17 Touegumsung eina waa shaandokchaba changkhonna loynanaba, amasung atoppa jaat pumnamakna waa adu taananaba, Eeshorna enaakta leppiduna ein gonda paanggal happire; aduga eibu nongsagi machindagi kanbire.
18 Eeshor aduna phattaba thabak khudingdagi eibu kanbiduna, ebungngogi swarga leibaak phaaoba eibu pukhatpigani. Ebungngoda loyba naaidana thaagatpa oisanu. Amen.
19 Priskaga Akulagabu, aduga Onisiphorgi emungbu khurumjei.
20 Erastana Corinthiada leihoure, aduga Miletusda Trophima naduna eina thamlamle.
21 Ningthamtha oidri-ngeida laaknanaba karma hotnabiyu. Ubul, Puden, Lina, Klodiya, amasung echin-enaao pumnamakna nahaakpu khurumjei.
22 Eeshorna nahaakki thawaayga loinabisanu. Thoujaal nahaakka loinabisanu.