John 18
Jesusbu phaba
( Matthew 26.47-56; Mark 14.43-50; Luke 22.47-53 )
18 Jesusna wasing asi haibagi matungda Ibungona seboksingga loinana Kidron lok wangmada lengthokle, mapham aduda leiba ingkhol adugi manungda Ibungosu Ibungogi sebosksingsu lengsille. 2 Aduga Ibungobu pithokpa Judasnasu mapham adu khangle, maramdi Jesusna mapham aduda mahakki seboksingga loinana toina tinnarammi.
3 Maram aduna Judasna athoiba purohitsingga pharisisinggadagi lamnmi kanglup amasung phamnaibasingbu phangduna, mapham adu tanna thaomei, meira amasung khutlaiga loinana lak-i. 4 Maduda Jesusna mangonda thoklagadaba pumnamak adu khangduna, lengthoklaga makhoida hai, nakhoina kanabu thiribage?, 5 Makhoina Ibungogda khumle Nazarethki Jesusbuni, Jesusna makhoida hai, mahak adu eini. Aduga Ibungobu pithokpa Judasnasu makhoiga loinana leptuna leirammi. 6 Maram aduna mahak adu eini Ibungona makhoida haibada, makhoina tung hallaga leipakta ture.
7 Maram aduna amuk Ibungona makhoibu hangle, nakhoina kanabu thiribage? maduda makhoina hai, Nazarethki Jesusbuni.
8 Jesusna khumle, mahak adu eini haina eina nakhoida haikhre, maram aduna nakhoina eibu thirabadi, makhoi asi chathankhro. 9 Ibungona eingonda pibikhiba makhoi adugi maraktagi eina kana amatabu manghande, haiba Ibungona haikhiba wa adu thungnanabani.
10 Maram aduna Simon Peterna kabakthang leibadu satlaga, Purohitlen-gi manaibu yanduna magi yatthangba mana soidatle (Aduga minai adugi mamingdi Malkhasni). 11 Maram aduna Jesusna Peterda hai, kabakthang adu makhumda hapchillu, Ipana eingonda piraba tenggot adu eina thakloidra?
12 Asum touna lanmi kanglupka, athoiba luchingbaga, Jewssinggi phamnaibasinggana Jesusbu phaduna pulle. 13 Aduga makhoina Annasda Ibungobu hanna pukhre, maramdi mahakti chahi adugi purohitlen oiba Caiaphasgi makubokni. 14 Caiaphas asidi, mi amana miyamgidamak sibana henna tongjabani haina Jewssingda takpikhiba mi aduni.
Piterna Jesusbu yadaba
( Matthew 26.59-70; Mark 14.55-68 Luke 22.55-71 )
15 Amahiksung Simon Peterga atei sebok amagana Jesusgi tung illammi. Aduga atei sebok ama adudi purohitlenga khangnabanina, purohitlen adugi sumang manung tanna Jesusga loinana changle. 16 Touigumsung Peterdi mapanda thong manakta leptuna leirammi maram aduna purohitlenga khangnaba atei sebok ama aduna thokkhiduna, thongsangbi aduda hairaga Peterbu manungda pusille. 17 Maram aduna thongsangbi leisabi aduna Peterda hai, nangsu mi asigi seboksinggi maraktagira?, mahakna hai, ei natte. 18 Amasung ingbagi maramna minaisingga phamnaibasinggana meital thagatlaga, leptuna mei tiklammi. Aduga Petersu makhoiga loinana leptuna mei tiklammi.
19 Maram aduna Purohitlen aduna Jesusbu Ibungogi seboksinggi amasung tambibagi maram hangle. 20 Jesusna mangonda khumle, eina taibangpanbada phongna ngangle, matam leiba khibikta Jewssing pumnamakna tinnaba mapham, loishangdasu, Ishor ningnashangdasu eina tambire, aduga eina karisu lonna ngangde. 21 Nahakna eingonda karigi hanglibano? Eina makhoida kari kari haikhibage haiba adu takhiba makhoi aduda hangu, yengu, eina kari kari haikhiba adu makhoi asina khangi.
22 Amasung Ibungona asi haibada, manakta leplamliba phamnaibasing amana Jesusbu khubakna thaduna hai, nangna purohitlenda asumna khumlibra?
23 Jesusna mangonda khumle, eina phattaba ngangkhrabadi, phattaba adugi maramda sakhi piyu, adubu aphaba oirabadi, nangna eibu karigi phuribage? 24 Maram aduna pulliba Ibungobu Hannana, Caiaphas purohitlenda thare.
25 Amahiksung Simon Peterdi leptuna mei tiklammi, maram aduna makhoina mangonda hai nangsu mahakki seboksinggi maraktagi amara?, Mahakna yadaduna hai, ei natte.
26 Purohitlen-gi minaising ama, Peterna mana soidatkhiba adugi sagei thokpa aduna hai, eina ingkholda nangbu mahakka loinaramaba ukhiba nattra?
27 Maram aduna Peterna amuk yadre, aduga khudak aduda yellaba khongle.
Romegi leibak ngakpa mapu Pilateki mangda Jesusbu pukhatpa
( Matthew 27.1,2,11-14; Mark 15.1-5; Luke 23.1-5 )
28 Maram aduna makhoina Jesusbu Caiaphasdagi Praetoriumgi manungda chingsille. Aduga madu ayuk anganba oirammi. Amasung makhoina aran-chakkhangba chabada mangdananaba, Praetoriumgi manungda makhoi masana changde.
29 Maram aduna Pilatena makhoi tanna lengthokkhiduna hai, mi asigi mathakta nakhoina kari theijinba leiduna.puraklibage?
30 Makhoina mangonda khumlak-i, masina phattaba touba mi oiramdrabadi, eikhoida mabu nangonda pikhatlamloidabani.
31 Maram aduna Pilatena makhoida hai, nakhoimakna mabu pujakhiduna, nakhoigi wayel yathang matung inna mabu wayeljaru. Jewssingna mangonda hai, kanagumba mibu hatnanaba eikhoida matik pide,
32 Haibasi, Jesusna karamba maongda sigadaba khanghanduna haikhiba wa adu thungnanabani.
33 Maram aduna Pilatena amuk Praetoriumgi manungda changkhiduna Jesusbu kouraga hai, nangdi Jewssinggi ningthoura?
34 Jesusna khumle, asi nahak nathantadagi haibra, nattraga ateisingna eigi maramda nangonda takpibra?
35 Pilatena khumle, ei Jewsrane? nahakki jatka athoiba purohitsinggana nangbu eingonda pithokle. Nangna kari toukhrabage?
36 Jesusna khumle, eigi leipak taibangpanba asigi natte, eigi leibak taibangpanba asigi oiramlabadi, eibu Jewssingda pithoktananaba eigi inaisingna lan soknaramgadabani, adubu houjikti eigi leibak mapham asigi natte.
37 Maram aduna Pilatena Ibungoda hai, adunadi nang ningthoura?,
Jesusna khumle, ningthouni haiba nahakna haibaduni. Asigi damak ei poklabani, amasung eina achumbada sakhi pinanaba, asigi damak eina taibangpanbada lakpani. Achumbagi oiba mi khudingna eigi khonjel tai.
38 Pilatena Ibungoda hai, achumba karino amasung asi hairaga, amuk Jewssing tanna lengthokkhiduna makhoida hai, eina mangonda maral kari amata phangde. 39 Touigumsung aran chakkhangbada eina nakhoigi damak mi adubu thadokpinaba nakhoigi hounabi lei, maram aduna Jewssinggi ningthou asibu eina nakhoigi damak thadokpiba nakhoina pambra?
40 Maram aduna makhoi pumnamakna amuk laorak-i, asibu natte, Barabbabuni. Adubu Barabbadi daku oirammi.