2 Chronicles 22
Judahgi ningthou Ahaziah
(2 Ning 8:25-29,9:21-28)
22 Arabki mishingna landarakpadagi Jehoramgi iton tonba machanupa nattana atei loina hatkhirammi. Maramsina Jerusalemda leiriba miyamduna mapagi mahut sinduna Ahaziahbu ningthou oihankhi. 2 Ahaziahna ningthou oiba matamda chahi niphunithoi surammi. Mahak Jerusalemda chahi ama pallammi. Ahaziahsu Ahabki matougumna phattaba thabak tourammi. 3 mahakki mamadi Ahabki machanupini aduga ningthou Omrigi masunupini. Mamana mahakpu paotak piba maramna mahakna matam leibada phattaba thabak toukhi. 4 Ahabki sageina toubagumna mahaksu phattaba thabaksing tourammi. Mapana siraba matungda mahakna touba thabak khuding makhoina paotak pirammi. 5 Mahakna makhoigi paotak matung inna Israelgi ningthou Ahabki machanupa Joramga tinnaraga Ramoth Gilead tanna chattuna Syriagi ningthou Hazaelgi mathakta landarammi. Lanphamsida Syriana mahakpu thina sokhankhi. 6 Syriagi ningthou Hazaelgi mathakta mahakna landaba chatpada Ramahda sokkhibadu layengnabagidamak Jezreel tanna chatlammi. Judahgi ningthou Jehoramgi machanupa Azariahna Ahabki machanupa Jorambu yengnanaba Jezreel tanna chatlammi maramdi maphamduda mahak naduna leirammi.
7 Mapu Ibungona Ahaziahgi marai chaithahanbadu Jorambu unaba chatpaduda oihankhi. Ahabki imungbu mangnanabagidamak Ishor-na thao noikhraba Nimsigi machanupa Jehu unaba Jerusalemda chatminnarammi. 8 Jehuna Ahabki imunggi mathakta wayel-lingei matamduda Judahgi ningthou Machasing, Ahaziahga loinana lakkhibasingdu urammi aduga khudakta makhoibu hatlammi. 9 Mahakna Ahaziahbu thirammi aduga Samariada lotlingeida mahakna phanglammi. Jehugi manakta purakkhi aduga taibang chinjak loihankhi. Makhoina mahakpu phumba matamda haikhi, "mahak thawai hakchang amatta oina Ishor-bu thijakhiba Jeho-shaphatki masunupani." Ahaziahgi imungda phambal tongbada matik chaba kanasu leiramde.
Judahgi maharani athaliah
(2 Ning 11:1-3)
10 Ahaziahgi mama Athaliahna machasing sire khanglabada Judahgi ningthou macha pumnamak hatkhi. 11 Adubu ningthougi machanupi Jehoshebana Ahaziahgi machanupa Joashpu hatkadouraba ningthougi machanupasinggi maraktagi hurallaga pukhirammi. Mahakna Joashpu tham-lammi aduga mahakpu senbiba nupiduga tumpham kada lothallammi. Asumna ningthou Jehoramgi machanupi aduga purohit Jehoiadagi nupi Jehoshebana Athaliahgi makhuttagi lotpirammi maramdi mahak Ahaziahgi mache oirammi. 12 Makhoiga loinana mahak chahi taruk leirammi. Athaliahna leibak ngaktuna pallingeida Mapu Ibungogi ningnashangda lottuna matam lenkhi.