Genesis 31
Jacobna Labanbu thaadoktuna chenkhiba
1 "Eikhoigi epaagi maran Jacobna louduna Jacob enaak khunba nupaa amaa oire." haayduna Laban-gi machaashingna ngaangnabadu Jacobna taarammi.
2 Labanna Jacobpu hannagumna lunaa toudre haaybasisu khanglammi.
3 Matamduda Eeshorna Jacobta haayrammi, "nahaakki napaa napugi amadi shaagei-naateigi marakta hallo. Eihaak nahaakka loynagani."
4 Jacobna shaa-san leiriba loubuktuda Rachel amadi Leahbu mi thaaduna kouhallaga,
5 Haayrak-e, nakhoygi napaa Ebungngona eibu haannagi matougumna lunaa toudre haaybasi ure.
6 Nakhoybu pokpiba napaagi seba eina ngamjabmakhei tourakle haaybasi nakhoyna khanglibani.
7 Adubu nakhoygi napaana minamduna eigi phangpham thokpa sharuk taraa maanghallabani. Adubu mahaakna eibu maanghanbadi Eeshorna thok-hankhide.
8 Karigumba mahaakna dag leibashingdu eigi khutsumanni haayrabadi haameng yaaogi shanggudu langdaba amatta yaaode. Arangbashingdu nahaakki haayrabasu haameng yaaoshingdu langdaba amatta yaaode.
9 Matou asumna Eeshorna nakhoygi napaagi shaa-san pumnamak louthoktuna eingonda pinabire.
10 Makhoyna loitannaba matamda eina mang amaa mangkhi. maduda loitannaba ngamnaba laabashingdu chaaorang laangba amadi dag leibashing oirammi.
11 Maangda Eeshorgi dut amanaa eingonda asumna haaykhi, "Jacob." Eina khumkhi, "kari taakpigadouba leibibage?"
12 Duttuna haayrak-e, "namit paangthoklaga yeng-u. Loitannaba ngamnaba laabashingsi chaaorang laangba amadi dag leiba ngaktani. Labanna nahaakki naphamda touriba pumnamak eihaak khang-e.
13 Nahaakna nungda thaao noikhiba aduga shari pandomjakhiba Bethelda leiriba Eeshordu Eini. Houjikti nahaakki poknapham lamdamda hannanaba maphamsi thaadoklo."
14 Mataangsida Rachel amadi Leahna maangonda asumna khumkhi, "eikhoigi epaagi yumsida eikhoygini haayduna phangpham kari leiribage?
15 Mahaakna eikhoybu lamlaanba migumna yengba nattra? Mahaakna eikhoybu yonkhi aduga madudagi phangba peishaadu mahaakna chariba nattra?
16 Eeshorna eikhoygi epaadagi louthokkhraba lanshingdu houjikti eikhoygi oiba taare. Eikhoygi echaashinggi oiba taare. Maramsina houjikti Eeshorna taakpirakpa matung ennaa asi touraga phagani haaybadu nahaakna khanduna toubiyu."
17 Jacobna maramsina machaashing amadi mahaakki nupishingdu utta tonghan khi.
18 Mahaakna Paddan Aramda tanjakhiba lanshing, chanathaaknaba potshing, amadi shaa-sannachingba puduna mapaagi lam Cannanda chatnabagidamak khongshaankhi.
19 Matamsida Laban yaao matu kakpa chatlammi. Cheirak yengduna Rachelna mapaagi emungda latliba laaidu huduna pukhi.
20 Aramean Labanbudi Jacobna henna shinglammi. Mahaak chen-gadoure haaybasi Labanda khanghankhide.
21 Mahaakki areiba pumnamak puduna Euphrate turenda lallaga Gileadki chinggi lamdamlomda chatpa hourammi.
Labanna Jacobpu tannaba
22 Humnishuba numitta Jacob chenkhre haaybasi labanda tamkhi.
23 Mahaakna marimata loina khomjinduna numit taretni chupnaa Jacobpu tannakhi. Gileadki chinggi lamdamduda mahaakpu phanggadouba khajiktamak ngaairammi.
24 Mataangsida Aramean Laban-gi maangda Eeshor laaklaga haayrammi, "Jacobta phattaba nattraga aphaba karigumba amatta haayba yaaroi haaybasi nahaak khanggadabani."
25 Labanna Jacobpu phangba ngamlammi. Matamduda Jacob chinggi lamdamduda shang shaarammi. Aduga Labanna mahaakki marimatashingga loynanaa Gileadki chinggi lamdamduda thunglammi.
26 Labanna Jacobta haayrammi, "nahaakna touribasi karino? Nahaakna minamduna eigi echaa nupishingbu thanggi mapaanna laanda pharaklaba bandigumna puduna chatliba karigino?
27 Nahaakna karigidamak tuminna chellibano?
28 Nahaakna minamduna tuminna chenkhibadagi haraao tayaamna esheinongmai, bajai benggunnachingba khongduna bidai pihandre. Nahaakna onthokna paangna thabaksi toukhre. 29 Eina nahaakpu maanghange haayrabadi makha chatthaba ei ngammi adubu nahaakki napaa Ebungngona khurumjaramba Eeshorduna ngarang maangda asumna haaykhi, "aphaba nattraga phattaba nahaakna Jacobta haayba yaaroi haayba nahaak khangu."
30 Napaagi lamduda chatningduna nahaak khong sankhrabani. Adubu nahaakna karigidamak eigi laaishing huduna puribano?"
31 Jacobna maasi taabada Labanda khumlammi, "nahaakki nachanupishingsi eingondagi namduna munkhigadra haayduna toujabani.
32 Nahaakki laaishingdu louramba midu shibagi cheirak pijagani. Nahaakki mari matashinggi maangda nahaakkini haayba potshingdu khaaydokkhiba yaai. Aduga potshingdu loubikhiba yaai." maasi haayba matamsida Rachealna laaishingdu huduna purakle haayba khanglamde.
33 Maramsina Labanna Jacobki sang, Leahgi sang, amadi manaai nupishinggi sangda changduna laaidu thiba hourammi. Adubu laaishingdu mapham kadaaydasu phangkhide. Mahaakna Leahgi sangdagi thokkhraga Rachealgi sangda changlammi.
34 Rachealna yumgi laaishingdu huranlaklaga utki sabal makhaada lotsillaga phamjillammi. Labanna shang khuding changduna thirabasu laaishingdu phangba leikhide.
35 Rachealna mapaada haayrammi, "ipa ebungngogi maangda nachana hougatchadabasigidamak shaaobijabu maramdi eihaak hao kari." masina maram oiduna labanna laaishingdu thirabasu phangba leikhide.
36 Matousida Jacob shaaorammi maramsina Labanbu cheiba houraklammi. Maramsina Jacobna Labanda haayrammi, "eigi eran karino? Nahaakna eibu nungshi khangdana tallakliba, ngasi eina kari ayon araan touduna chatthabiribano?
37 Nahaakna eigi pot amaa phaaoba chitthadana thirabasu nahaakki yumgi laaishingdu phangdre. Maramduna eigi shaagei-naatei amadi nahaakki shaagei-naateigi mamaangda thoktunna eikhoy anigi erakta waayenshanu.
38 Houkhiba chahi kunsi nahaakki nashaaigonda eihaak leiraklabani. Nahaakki yaao amadi haameng amomshingna pokkhiba machaashing amaa phaaoba maangkhiba leite. Nahaakki shanggullaktagi eina yaao machaa amaa phaaoba chaakhiba leite.
39 Lamda leiba shaashingna haatkhiba leirabasu madu utna-nabagidamak ashibadu nahaakki naphamda purakpa leikhide. Amaangbadu eigi sharuk oirammi. Ahing nattraga nungthinda maangkhiba khudingmak eigi sharuk oirammi.
40 Asumna punsi houkhrabani. Nungthindana numitki meishaana eibu chaakthekkhi, aduga ahingdana ayingba kayaa khangkhi. Tumninglabasu emitsi uishinnabagi matam leikhide.
41 Houkhiba chahi kunsi nahaakki nayumda seba touduna laaklambani. Nahaakki nachaNupi anisigi hatakta eina chahi taraamari seba touduna laaklabani. Adugi mathakta nahaakki yaaoshing senduna chahi taruk amasu ngamnamak houkhrabani. Adubu eigi phangpham thokpadu sharuk taraa waatna pibikhi.
42 Eigi epaagi Eeshor, Abrahamgi Eeshor amadi Isaacna kina chatchaba ebungngoduna eibu loinabiba natlamdrabadi nahaakna eibu ekhut haamdokhallaga thaadokpiramgadabani. Eeshorna eina waajaribasi ubire aduga eigi humaang-mandu khangbikhi. Maramsidagini ngarang numidaang ebungngo mahaakna nahaakpu cheibiribadu."
43 Maasi taabada Labanna Jacobta haayrammi, "nahaakki nupishingdu eigi echaa nupishingni, angaangshingdusu eigi echaashingni, yaaoshingdusu eigini, adudagisu hendokna nahaakna uriba potshingsi eigini. Adubu ngasi kouba nongsida echaa nupishing amadi makhoyna pokchaba machaashinggi mathakta eina kari toukhisige?
44 Kaannade houjikti nahaak amadi eigi markta areppa waashaknaba amaa thamlasi. Waashaktuna nahaak amadi eigagi marakta saakhi amaa oihourasanu."
45 Maramsina Jacobna nung amaa louraga ukhong yungbagumna yunglammi.
46 Jacobna marimatashingda haayrammi, "nung khomjinlak-u aduga mahaakki mishingduna nung khumjillakkhi. Nunggi mapei amaa shemkhi. Maphamduda makhoy chathakkhi.
47 Labanna maphamdubu Jegarsahadutha koukhi adubu Jacobnadi Galeed koukhi.
48 Labanna haaykhi, "ngasidagi houna nunggi mapeisina nahaak amadi eigagi marakta saakhi amaa oinaa leiragadoubani. Maramsidagi masigi maming Galeed koukhi.
49 Ukhongduna Mizpah koukhi maramdi mahaakna haaykhi, "eikhoi ani amanaa amabu unadraba matamda Eeshorna eikhoybu ngaklibasi khangnasi.
50 Nahaakna eigi echaa nupishingbu thina toubiraba, aduga eigi echaa nupishingsi nattana atoppa nupi louba taarabadi, hoy, einadi khangdaba yaai adubu Eeshorna eikhoy anigi marakta saakhi oinaa leiribani haaybasi ningshingu."
51 Matamsida Labanna Jacobta haayrammi, "eina ngasi ebanigi marakta peikhatliba nunggi mapei amadi ukhongshingsi yeng-u.
52 Nunggi mapeisisu saakhini aduga ukhongshingsisu saakhini. Eina nunggi mapeisibu laanduna nahaakki lamda challoi aduga nahaaknasu nunggi mapei amadi ukhongsibu laanduna eibu manghan-tahannaba eigi lamda changlakloidoubani.
53 Abrahamgi Eeshor, Nahorgi Eeshor, nakhoygi mapaa mapugi Eeshorna eikhoy anigi marakta waayenba oisanu." maramsina Jacobna mapaa Isaacna yaamna kina chatcharamba Eeshordubu panduna waashakhi.
54 Chinggi lamduda Jacobna thou touthokchakhi aduga mahaakki shaagei-naateigi mishingbu tal chaananaba koujakhi. Makhoyna tal chaaraba matungda chingshaangduda ahingduma lenkhi.
55 Ayuk nganna Labanna hougatladuna masushing amadi machaanupishingdu chuplaga makhoyda bor pibikhi. Maasi loiraba matungda makhoybu thaadoklamladuna hankhi.