2 Timothy 2
2 Maram aduna, eigi icha, nahakna Christa Jesusda leiriba thoujal aduda panggal kanba oiyu. 2 Aduga ayamba sakhisinggi mapanna nahakna eingondagi takhi takhiba adu ateisingbusu tambiba ngamgadaba thajaba yaba mishingda nahakna sinnabiyu.
3 Christa Jesusgi aphaba lanmi amagumna awa khangminnabiyu. 4 Lanmi oiriba kana amatana mahakpu lanmi oinaba ming chanbiba kanagumba adubu pelhannanaba mipan asigi thoudokta mahak masabu chayetnahande. 5 Adugasu mi amana singnabada tannarabadi, mahakna hounabi matung inna tannadrabadi, mahakpu kokthon uppide. 6 Nomliba lou-uba mi aduna mahei maronggi saruk hanna phangba tare. 7 Eina kari haiba wakhal tou;
8 Maramdi prabhuna maram pumnamakta lousing nangonda pibigani. Eina sandokpa aphaba wapaogi matung inna asibasinggi maraktagi hinggatkhraba, Davidki dhara Jesus Christa adubu ningsingu. 9 Masigi damak ei touheidaba touba migumna punba phaoba awa khangbani; adubu Ishorgi wadi punde. 10 Maram asina khan-gatpasingnasu lomba naidaba matik mangal-ga loinana Christa Jesusda leiriba aran khubam adu phangnanaba, makhoigi damak eina pumnamak khangbani.
11 Hairibasi thajaba yabani:
maramdi eikhoina Ibungoga siminnarabadi ibun goga hingsu hingminnagani;
12 Eikhoina khanglabadi Ibungoga ningthou oina pansu pamninnagani; eikhoina Ibungobu jadragadi Ibungonasu eikhoibu yabiroi.
13 Eikhoida thajaba yaba leitrabadi Ibungodadi thajaba yaba itattattana lei; maramdi Ibungona masa mathantabu yadaba ngamde.
Wa yetnabagi marida mit na singhanbiba
14 Makhoibu asising asi ningsinghallu, amasung karisu tongjadaba, atabasingbu onnateinahanba wa ningai tounadananaba, prabhugi mangda makoibu sinnabiyu. 15 Achumbagi wa adu chumna yenbiduna, ikaigadaba maram leitaba nomliba mi, Ishorgi maphamda lousinba yaba oina nasamak katchananaba hotnou.
16 Touigumsung amangba pangang ngangbadagi theidok-u; maramdi makhoi Ishor ningdabada asum asum hengat lakkani, 17 Amasung makhoigi wa aduna chasillakpa lainagum chasillakkani; makhoigi marakta Humenaya amasung Philitani; 18 Houjikti hinggatpa adu thokpa loikhre haiduna achumbagi marida soikhraba mishing asina kana kanagumbagi thajaba adu manghalli.
19 Adum oinamakpu Ishorgi achetpa yumpham adudi lengdana lei; masigi chum asi lei, haibadi,
prabhuna Ibungogi oibasingbu khangi, aduga, prabhugi ming sonjaba mi khudingna dharamchendababu thadoksanu.
20 Amahiksung achouba yumda sanagi amasung lupagi phu walta leiba natte, adubu ugisu, leipakkisu lei; aduga phu-wal adu kharabu luna aduga kharabu laina sijinnei. 21 Maram aduna kanagumbana masa mathantabu asisingdagi senghanjarabadi, mahakti luna sijinnaba, sengdoklaba, mapugi sijinnabagi damak kannaba, aphaba thabak khudinggidamak thourang touraba phu ama oigani.
22 Touigumsung naha oibagi apaiba makheidagi chenthok-u, asengba pukningdagi prabhubu koujabasingga loinana dharmachenbagi, nungsibagi, ingthabagi matung illu. 23 Adubu apangba amasung heita singdaba wahangna khatna cheinaba thokhalli haiba khangduna, madudagi leithok-u. 24 Aduga prabhugi manaidi yeina cheinaba touphade, adubu pumnamakki maphamda pukning thotpa, tambi heiba, khangheiba,
25 Yetnabasingbu nollukna chumhanbiba tarei karigumba Ishorna makhoibu achumba khangba phaoba pukning honghanbiba yai, 26 Aduga diyabolna hingpha phakhibasingbu diyabolgi langdagi Ibungo mahakki ningba tounanaba thadokpiba yai.