Proverbs 6
Cheisin wa makha taba
6 Hey ichasa, kanagumba migi sendon-gi kai loukhrabara? 2 Nakhoigi wasakki langda nasana ngangthokkhiba wasingduna nakhoibu pullabra? 3 Adu oirabadi ichasa, adugumba nupadugi saktiduna nahakpu pullabani, adubu madudagi nanthokke hairabadi asumna tou. Mahakki manakta khonglei thuna chatlaga nakhoibu thadoknaba haijaru. 4 Keidoungeidasu potthaduna nattraga tumduna leithokkanu. 5 Uchekna langdagi nanthokpagum nattraga sadanbagi makhuttagi sajina nanthokpagum nanthoknaba hotnou.
6 Atanbasingna kakchengsingdagi tam-jagadabani. 7 Makhoigi luchingba nattraga wayelba amatta yaode, 8 Ningtham thagidamak makhoina kallenthada machinjak peisilhouwi. 9 Matam kaya sangna atanba mina phamungda tumduna leigadouribano? Keidoungei mahak phamungdagi hougatlakkani? 10" Mahakna hairi", Eihak ngaihaktang tumkhige. Khut karan chanduna ngaihaktang potthakhige." 11 Adubu mahakna tumlingeida lairabana huranbagi matougumna mahakpu laksillakani.
12 Mamal leitaba, phattabasingna minamba ngangduna koina chatli. 13 Makhoina mamit kuptuna nakhoibu minamnaba hotnei. 14 Matam leibada makhoigi sengdraba thamoiduna aranba tougadabagi sem-saduna lei. 15 Maramsina amang ata thokpa matamda khanghoudana thokkani aduga makhoi yamna thina sokkani.
16-19 Lainingthouna khangba ngamdaba pot taretkhak lei madudi:
Napan-ga loinana yengba, minamba ngangba, maran leitaba miyu hatpa mi, phattabada khanduna leiba mi, phattaba thabak tounaba thuna chatpa khong, minamba mathang mathang ngangba sakhi, marupsinggi marakta khatnahanba mi.
Nupa nupi tinnabagi maramda
20 Hey ichasa, napana nakhoida tou haibadu pangthok-u. Keidoungeidasu namana takpikhibadu kaoganu. 21 Nakhoigi thamoida makhoina takpikhibadu chetna konsinduna thammu. 22 Makhoina tambikhibadu langphei chatlakpa matamda lam-jingbigani, aduga ahingda maduna ngakpi senbigani, amadi nungthinda maduna nakhoigidamak paotak oigani. 23 Makhoina tambikhibadu ngalliba thaomeigumbani. Makhoina nakhoibu chumthokpikhibaduna punsi masak khangba ngamgadabani. 24 Masina nakhoibu phattaba nupi singdagi kanba ngamgani, atoppa nupagi nupigi marou leiraba waheisingdagi thaptokpa ngamgani. 25 Makhoigi masak phajabaduna khonduna puhanganu makhoigi mitkhatnakhat toubadunasu themduna puhankhiganu 26 Kanagumba nupa amana lamchat manglabi nupi amabu tal machet amaga onnaba yagani, adubu nupi lannaruba haibasina nakhoigi leijaramba pumba tumna manghanba ngammi
27 Naphi chak-handana achakpa meibu thabakta haptuna puba ngambre? 28 Nakhoi mei chakhandana achakpa meitan netpa ngambra? 29 Masigumna atoppa nupa amagi nupi tuminnaba lubani. Kanagumbana masibu tourabadi soidana awaba nangani. 30 Mapuk lamlaba kanagumba amana chanaba machinjak huranlamlabadi, mina thoidokna saonade. 31 Adubu mahakpu phaba thoklabadi, mahakna hurallibadugi saruk taretlak henna pigadabani. Mahakki leijaba pumba mangkhigadouribani. 32 Adubu mitu lalluba nupadudi lousing leitaba mini haina lougani. Mahak masana masabu manghanjare. 33 Mahakpu kananasu ikaikhumnaroi aduga thina phubigani, mapunsi chuppa ikaiba nangani. 34 Mapuroiba amagi asaobasi mahakpu mina kallaktuna mahakki nupida lalle haibasi khanglakpadudagi henba ama leite. Mahakki mapukningda leiriba laman singningbagi meiridu ngamkhei leite. 35 Mahakna mamal oina piba lan thumna penba ngamde. Athenpotnasu nahakki asaobadu mut-halba ngamde.