1 Chronicles 29
Ningnashang saba matamda khudonpot katkhiba
29 Ningthou Davidna tilliba miyamduda haikhi, "eina pokchaba ichanupa Solomon-bu Mapu Ibungona khandokpire. Adubu mahak angang oiri aduga lousing thoina leijadri. Adubu tougadouriba thabaksi thoidokna luraba amani. Aduga amana sagadouriba yumsi mina leigadouba natte. Masidi Ipuroi Eshor-na leinanabani. 2 Maramsina eina Ipuroi Ibungogi ningnashangsi sannaba eina ngamjaba pumnamak thourang touduna leiribasini. Sanana saba potkidamak sana, lupana saba potsinggidamak lupa, pithraina sagadouba potsinggidamak pithrai, yotna sagadouba potsinggidamak yot, una saba potkidamak unachingba loina thourang toujare. Masigisu mathakta shangbanaba nung, aduga leimaida thannaba nung, makhal kayagi leiteng oiba yaraba nungsing, aduga mamal yamlaba hira mani mukta, amadi nungounachingba thourang touramle. 3 Masigi mathakta asengba ningnashangsi sannabagidamak eigi tonganba langei ama leijei. Madudagi sana amadi lupasu eina katchari. Ipuroigi ningnashangsi sabada thawai katthokchaba maramna hairiba pumnamaksi eina katthokcharabani. 4 Eina sana asengba tan chammadagi henna katchare. Aduga asengba lupadana ton chaniga niphurom katchare. Masina ningnashanggi phaklangdu leitengnabani. 5 Masidagi khut heibasingna sagadouba potsinggisu oigadou-ribani. Adubu houjikisu kanagumbana Lainingthou Ibungogi mingda katpiningba yaoribra?"
6 Yumburensing, sageigi luchingbasing, lishing amadi chammagi mako, ningthougi phamnaibasingna mana mana ngamba potsing katcharammi. 7 Ningnashang sannabagidamak makhoina katkhiba punna sana ton chamaga humphutara, lupa ton chahumga niphu pithrai ton lishing ahumga chamari sukhi. 8 Gershon sageigi Levigi Jehielna pannanariba pukeiduda makhoina mamal yamlaba nungsingsu katkhi. 9 Miyamduna Eshor-da karisu chingnaba leitana potsingsi katchakhi. Makhoina asukki matik yamna Ibungoda katchaba ngambasida makhoi thoina haraorammi. Ningthou Davidsu yamna haraokhi.
Davidna Mapu Ibungobu thagatchaba
10 Maramsina Davidna Eshor-bu miyamgi mangda thagatcharak-i. Mahakna hairammi, " hey Eshor, Ibungo, yaiphaba oisanu. Hey Israelgi Mapu, Eikhoigi Ipa, 11 Hey Eshor nahakti, wangchaobani, panggal, mingchat, yaiphaba, lan-ngamba amadi chinglemba Ibungoduni, nongmadon amadi malem anisi Ibungogini. Ningthou leibaktu nahakkini, hey Eshor, Ibungo nahakpu pumnamaksigi mathakta athoiba oina latnari. 12 Lansu mingchatsu nahakki naphamdagi lakpa ngaktani. Ibungona malemsida wayelduna leibiri. Ibungodi sakti amadi panggal leibani. Chaohange amadi kalhange pumnamak Ibungogi khutta leibani. 13 Maramsina hey eikhoigi Ipuroi, nanaisingna Ibungogi sengthoiraba minglendu thagatchari.
14 "Adubu eigi praja amadi nanaina Ibungogi khuyakhada athoiba karisu katchaningai leijade. Maramdi khudon-singsi Ibungona pinabibani. Ibungona pinabibadu nanaisingna amuk hanna Ibungoda katchabatani. 15 Hey Eshor, Ibungona henna khangbiribani madudi eikhoigi ipa ipusinggumna nanaisinggi punsisu lamlanba amadi koina chatliba mishingga pankhakni. Nanai eikhoigi punsisi numit leithakhraga mangkhiba urumgumbani. Nanai taibang mi oiriba eikhoina siba haibasi joy touba ngamde. 16 Hey Ipuroi Eshor, Ibungogi senglaba minglendu ikai khumnajaba oina nanai eikhoina pumnamaksi Ibungoda katcharibani. Adubu pumnamaksi Ibungogini. 17 Nanaina khangjei madudi Ibungona taibang khudinggi pukningbu chang toubi aduga asengba midubu Ibungona penbi. Nanaina thamoi sengna maphamsida leibiba potsingsi Ibungogi khuyakhada katcharabani aduga maphamsida ngasi tilliba miyamsina kayagi matik harao tarambaga loinana Ibungogi khuyakhada athenpot katchariba. 18 Abraham, Isaac, amadi Jacobki Mapu Ibungo Eshor, nanaisinggi thamoisi ngasigi matousigumna chaohanbiyu aduga matam leibada Ibungobu thadokhanbiganu. 19 Eigi ichanupa Solomonda Ibungogi yathangbu matam leibada ngakna chat-chanaba panggal amadi asengba thamoidu pinabiyu aduga nanaina thourangjaramba ningnashang sannabagi thourangsi mahakki makhutta mahei yalhanbiyu."
20 Masi haiba loiraba matungda Davidna miyamduda hairammi, "napuroibu thagatlo." Tilliba miyamduna mapa mapu-singna ninglakpa Mapu Ibungo Eshor-bu thagatcharammi. Makhoina makok nonthaduna Eshor amadi ningthouda ikai khumnaba utkhi.
21 Mathanggi numitta makhoina sannachingbana hattuna Eshor-gi khuyakhada katchakhi. Makhoina madubu miyamda chananaba yenkhi. Makhoina shal-laba lishing ama, yao lishing ama, yao macha lishing ama, mapum oina phan-khongda meida thaduna thou katkhi. 23 Matou asumna mapa Davidna sagatlamba phambalda Solomonna ningthou oina panba houkhi. Mahak maming chatpa ningthouni aduga Israel jat mahakki yathangbu inkhi. 24 Phamnaibasing, lanmishing, amadi Davidna poklamba machasingna Solomonbu yakhi. 25 Solo-monbu jatsingna ikai khumnakhi aduga Ibungona mahakpu Israelgi manungda pankhiba ningthou pumnamaktagi athoiba ningthou oina sembikhi.
Davidna pallambagi samlapa wa
26 Jessegi machanupa Davidna Israelgi ningthou oina 27 Chahi niphu pallammi. Mahakna Hebronda chahi taret aduga Jerusalemda chahi kunthrahumdoi ningthou oiduna pankhi. 28 Mahakna siba matamdu masagi chahi yamlammi aduga miyamna nungsiba amadi ikai khumnaba ningthou ama oina sikhi. Mahakna siraba matungda machanupa Solomonna ningthou oiduna pankhi. 29 Ningthou Davidna panba hourakpa matamdagi aroibadu phaoba maichou ahum Samuel, Nathan, amadi Gadki lairikta iduna leiri. 30 Hairiba lairissingsida mahakna matou karamna ningthou oikhiba, leibak karam ngakkhiba aduga mahakki matamda Israelgi phibham karam touramba amadi khunlonnaba leibaksingda karam toukhiba pumnamak iduna lei.