2 Chronicles 32

Assyriana Jerusalembu laandage kihanba

(2 Ning 18.13–37, 19.14–19, 35–37, Is 36.1–22, 37.8–38)

1 Haayriba aphaba amadi thaajabana thallaba thabakshingsi touraba matungda Assyriagi ningthou shennacheribna Judahgi mathakta laandarakkhi.

2 Laanbangumna khajinduna thamlaba saahardu mahaakna koishinkhi. shennacheribna Jerusalemda laandagadoure haaybasi Hezekiahna khanglabada

3 Phamnaaiba amadi akan athoushinga tannaraga saahargi mapaanda chenthariba eephutki eeshingdu thingjinba houkhi. Maasi miyaam tinduna toukhi.

4 Miyaam tinduna leibaaktuda chelliba eephut amadi eeshing khong pumnamak thingjinkhi. Makhoyna haayrammi, "Assyriagi ningthouna laandarakpada karigidamak eeshing phanghan-gani?"

5 Mahaakna miyaamda thougatladuna kairaba chekpanshingdu amuk haanna shaagatlammi. Awaangba Laanjabung shaarammi. Masigi mapaanda mahaakna atoppa chekpan amaa khagatlammi aduga Davidki saaharda leiriba kiladu chekshinna thamlammi. Mahaakna khutlaishing amadi chunggoi matik chaana shaarammi.

6 Laanmigi luchingba oinanaba mi khandokkhi. saahargi thonggal manaakta leiba tampaaktuda mahaakna miyaamda pukning thougatpa waa kayaa haayrammi. Mahaakna haayrammi,

7 "Napukning hanthaba touganu aduga thouna leiba taai. Assyriagi ningthou amadi mahaakka laakminnariba miyaamdubu kiganu maramdi eikhoygi erakta makhoydagi henna matik mayaai leiba ebungngo amaa yaaori.

8 Mahaakka loynariba laanmishingdudi shadongna shaabani adubu eikhoygi eteng pangduna laanphamda tengbangbigadouriba ebungngodudi Eeshorni." maasi taabada mishingdu mathawaay yaamna nungaairammi.

9 Matam khara leiraga shennacherib amadi mahaakka loynariba laanmi shingna Lachishta leiringeida Jerusalemda peiduna leiriba Judahgi mishing amadi ningthou Hezekiahda paao amaa thaarammi. Mahaakna asumna haayrammi,

10 "Eina Jerusalemda laandarakpa matamda nakhoy karamna khanggani? Hezekiahna nakhoybu laanna chinglibadu nakhoyna khangba phei.

11 Mahaakna haayri: Assyriagi ningthou makhu-ttagi eikhoygi Eeshorna kanbigani. Hezekiahduna ashengba maphamshing amadi phaankhongshingdu loina thugaayro haayna yaathang pikhraba nattra?

12 Mahaakna haaykhi: Phaankhong amattada nakhoy pumnamak khurumjagadabani."

13 Eihaak amadi eigi epaana atoppa leibaakshingda kari toukhi nakhoy khangle. Leibaakshingdugi laaishingduna makhoygi mishingdubu kanbikhibra?

14 Eigi epaana manghan-khraba leibaaktugi laaishingduna makhoygi mishingbu kankhiba leibra? nakhoygi Eeshordunanakhoybu eigi ekhuttagi kanbiba ngamgadra?

15 Maramsina Hezekiahna nakhoybu minamduna laanna chinglibadu aphaba oiroi. Mahaakna haayribadu thajaruganu maramdi Jaati amattagi laaiduna eigi ekhuttagi makhoygi mishingdu kanba ngamkhidri. Eibu pokpaa epadugi makhu ttagisu haayribasi ngamkhidri. Maramsina nakhoyna ningjariba laaiduna nakhoybu eigi ekhuttagi karamna kanba ngamgadou-ribano?"

16 Shennacheribki manaaishing amadi mahaakna Eeshor amadi Hezekiahgi maramda phattaba kayaa haayduna chithi erammi.

17 Mahaakna Israelgi Eeshorgi mayokta phattaba waa shaandoknabagidamak athiba waa kayaa amasu eduna mishingda thaarammi. Mahaakna haayrammi madudi atoppa lamshinggi laaishingna makhoygi mishingbu eigi ekhuttagi kanba ngamkhidabagu-mna Hezekiahgi mapudunasu mahaakki mishingbu eigi ekhuttagi kanba ngamloi.

18 Chekpanda tongduna leiriba Judahgi mishingduda Judahgi maron londuna laaona waasi haayrammi. Makhoybu kihallaga saahardu laakshinba ngamnaba hotnarammi.

19 Maalemsida leiriba khutna shaaba laaishing atei jatina latnaribashingdugi matou louduna makhoyna Israelgi Eeshorgi maphamdasu ngangkhi.

 20 Waaphamsi taarabada Hezekiah amadi maaichou Isaiahna koirouthakta mamit yengkhatladuna khurumjarammi.

21 Assyriagi ningthou laanbanda leiriba akanba, laanmi luchingbashing amadi phamnaaibashingbu tumna manghannabagidamak Eeshorna dut amaa thaarakkhi. maasida ekaaiba nangladuna mareibaakta hankhi. Mahaakki laaigi sangda changba matamda machaashingna mahaakpu thangna kaktuna haatkhi.

22 Matou asumna Hezekiah amadi Jerusalemda leiriba mishingbu ningthou shennacheribki makhuttagi kanbikhi. Ebungngona Jerusalemda engthaba pinabirammi.

23 Miyaamna Jerusalemda leiriba Eeshor amadi ningthou Hezekiahgi maphamda khudon pot amadi mamal yaamlaba khudon kayaa puraktuna katlammi. Haayriba thoudoksigi matungda Hezekiahbu yaamna ekaai-khumnakhi.

Hezekiahgi napan amadi naaba

(2 Ning 20.1–3, 12–19, Isaiah 38.1–3, 39.1–8)

 24 Matam khara leiraga Hezekiah yaamna kanna narammi. Mahaak shigadouba khajikta ngaairammi. Mahaakna Eeshorda haayjaba matamda Ebungngona khudam amaa pinabirammi.

25 Adubu Hezekiahna toubimaldu khangkhide. Matamsida mahaakki thamoida napan kaba hourammi. Maramsina ebungngogi ashaaobadu Judah amadi Jerusalemda taaba houraklammi.

26 Hezekiah amadi Jerusalemgi mishingna makhoygi thamoida napan touribadu thaadoktuna haayjarammi. Hezekiahna pallingeida Ebungngona makhoygi mathakta shaaobidanaba haayjakhi.

Hezekiahgi Lan-thum

 27 Hezekiah enaak yaamna khunba ningthou amaa oirammi. Mishingna mahaakpu yaamna ekaai-khumnarammi aduga mahaakna silvergi langei, sanaa-gi langei, mamal tanglaba nung thampham, maru maraang amadi chunggoinachingba peinanaba maphamshingsu shaakhi.

28Tongaan-tongaanba shaashingna leiba yaaba shanggolnachingba shaarammi.

29 Mahaakna saahar kayaamarum lingkhatlammi. Haayriba saaharshingsida Eeshorna kubiba maramna shaa-san kayaa thamlammi.

30 Hezekiahna Gihongi mathakta chelliba eephuttu theiduna Davidki saahargi nakanda theirammi. Mahaakna touba thabak khuding ephata pharammi.

31 Babylongi ningthou machaashingna lamdamsida thokliba angakpa thabakshingsigi maramda hangnanabagidamak mi thaarammi. Adubu masigi paaokhum mapukthok maroushingna haayjasanu haayduna Eeshorna tuminna Leikhi.

32 Hezekiahna toukhiba aphaba thabakshing Amozgi machaanupa Isaiahgi ningthouron laairikta eduna lei.

33 Hezekiah nonggarammi. Makhoyna mahaakpu Davidki machaashinggi mongphamgi mathak lomda phumbikhi. Judah amadi Jerusalemda leiriba mishingna mahaakna shiba matamda ekaai-khumnaba utkhi. Mahaakki mahutta machaanupa Manassehna ningthou oikhi.