2 Chronicles 15
Asana paanba matamda aonba purakpa
15 Odedki machaa-nupaa Azariahda Eesor-na ethin amaa happirammi. 2 Mahaakna Asaga unarammi adugaa haayrammi, "eina haayribasi taro, he ningthou Asa, adugaa Judah amadi Benjaminda leiriba miyaam nakhoysu eina haayribasi taro: Eesor-na nakhoyga loinabiri. nakhoyna ebungngobu ujarabani. Karigumba nakhoyna ebungngo mahaakpu thaadoklabadi, ebungngo mahaaknasu nakhoybu thaadokkani. 3 Israelgi manungda matam yaamna kuina asengba mapudu yaaodana leiramlabani. taakpi tambinaba purohitsu leiramde adugaa nakhoyna puyadu ellamde. 4 adubu awaaba taaraba matamda Israelgi mapu ebungngo, Eesor-da changjaduna awaaba kok-e. maramsina ebungngo mahaakpu nakhoyna phangba ngamkhi. 5 Matam amada leibaaksida leiriba nattraga leibaaksidagi thok-khiba kanaasu nungaaina pallamde. leibaaksida leiriba mi khuding khudongthiba nanglammi. 6 Matamduda misingdu amaga-amaga yengthinarammi maramsina Eesor-na makhoybu makhal kayagi awaa-anaa taahallammi. 7 adubu nakhoy narin leiyu adugaa napaanggal hanthaba thouganu. adu oirabadi nakhoyna touba thabak khudingda bor pinabigani."
8 Odedki machaa-nupaa Azariahna pho-ngdokliba waasingsi taaraga Asadu pukning lumba hellammi. maramsina mahaakna Judah amadi Ephraimgi chingleibaakta leiriba laai murtisingdu muthatlammi. Eesor ningna sanggi mamaangda leiriba phaankhongnachingbadu semjin sajillammi. 9 Makhoyga loynanaa leiriba Judah, Benjamin, Ephraim, Manasseh amadi Simeonda leirambasingdu khomjinlammi. Mapu ebungngo Eesor-na makhoyga loinabire haaybasikhanglabada Israel thaadoktuna mahaakki manaakta chellakpa mi yaamna yaamlammi. 10 Asana paanba taramangasuba chahigi ahumsuba thaada makhoy loynaba Jerusalemda tillammi. 11 makhoyna laanda khomlakpa potsingdu puthoktuna numittuda makhoyna sanlaba 700 adugaa yaao 7,000 katlammi. 12 makhoyna thawaay hakchaang yaaonamapa mapuna ninglamba mapu ebungngo Eesor-bu thijakhi amasung areppa waasak amaa lounakhi. 13 nupaa nupi nahaa ahan khaktana Israelgi mapu ebungngo, Eesor-bu thijabada midu haatpa haayna lepnakhi. 14 makhoyna makhonjen thokna Eesor-gi maangda wasa klammi khonjen amatta oinaa pung thillammi. 15 Waasaklabaduda leiriba misingdu haraao-rammi. makhoyna pukchel sengna ebungngobu thijakhi. maramsina Eesor-na makhoybu ngaakpi senbikhi.
16 ningthou Asana mamaa phaaoba maharanigi phamdagi enthokkhi maramdi mahaak Asherahgi murti amaa saaduna latlammi. Asana mahaakki laai murtidu kakthatkhi machet machet thugaayduna Kidrongi eephuttuda mei thaakhi. 17 pumnamaksi toudunasu asengba maphamni haayna lounaribasingdu Israelgi lamda kharadi leirammi. Asana ningthou oiringeida masaagi oinaa araanba thabak amatta toukhide. 18 Eesor-gi ningna sangda mapaana waasak ngaakpagi khudam oinaa katlamba khudonsing amadi mahaakna areppa waasakki khudon oinaa katpa sanaa, silver amadi patrasingdu puraktuna thamlammi. 19 Asana paanba kunthraasuba chahidu phaaoba laan thokkhide.