Habakkuk 1
1 Maaichou Habakkukta Eeshorna pinabikhiba laaibaodu makhaada piri:
Aranba ubada Habakkukna waakatpa
2 He Eeshor, Ebungngona nanaai eikhoybu tamthibadagi kanbidringei mamaangda tengbangbinnaba haayjaribasi matam kayaa kuina haayjakhigadage?
3-4 Karigidamak nanaaida asigumba khudongthibasi uhanbiribano? araanba touribasi urabamaktada karamna Ebungngona khaangduna leiribano? khudongthiba amadi amaangbana nanaaibu yomshinduna leire. Mapham khudingda khatna cheinabana thalle.
5 Chatnapathap karisu kaannaba leitre aduga achumba haaybadusu leitre. Phattaba mina aphaba mibu laaina laaksilli aduga achumbadu araanba taahalli.
Eeshorna paaoukhumbiba
5 Maasida Eeshorna mishingda haayrammi "nanggi akoybada leiriba Jaatshingdu yeng-u, aduga nangna namitna uribaduda ngaktaba leiroi. Nanaaina taaraba phaaobada nangna tajaba ngmloidouba thoudok amaa eina thok-hangadouri.
6 Akibagi mashak oiraba, potthaaba leitba Babylongi mishingbu mapaanggal hapkado-uri. Maalemsida leiriba lam ateibu joy tounaba makhoy thorakkadouri.
7 Makhoyna akibaa amadi tamthiba shaandokkani aduga makhoygi napanduna makhoygi cheirak oigani.
8 "Makhoygi shagoldi kabo keidagi henna yaangi, keisandagisu henna tamthi. Makhoygi shagol laanmina lam atei athaappadagi shagol tongduna laakli, makhoygi shagolna leimaayda khongnetnaduna chatli. Makhoygi yeknababu laakshinba matamda achouba uchekkumna yungna paisinkhi.
9 "Tam-thibaga loynanaa makhoygi laanmina laanjangi aduga makhoyna changsillakpa matamda mipum tingna kinaba pok-e. Makhoyna laanpha oinaa puribadu turelgi leingoigum mashing yaammi.
10 Makhoyna ningthoushingbu tukkachana touwi aduga phamnaaibashingda noksilli. Laanbanna makhoybu lephanba ngamde. Makhoyna palli thongatlaga laanban nam-thekpa ngammi.
11 Masigi matungda makhoyna nungshitki matougumna yaangna chatkhi makhoygi laidi mathounaduni.
Habakkukna Eeshorda Amukka haanna waakatpa
12 He Eeshor, leishemdringeidagi ebungngodi Eeshor oibiribani. ashengba amadi hongba naaidraba epuroidu ebungngoni. He Eeshor, eigi epuroi amadi ngaakpi senbiriba ebungngo, nanaai eikhoybu cheirak pibinaba Babylongi mishingbu mapaanggal happire.
13 Adubu tamthiraba phatrabashingsibu Ebungngona karamna yengduna leibiribano? Shengthoiba oiba maramna Ebungngona phattabashing uraba phaaobada khangba ngambiribra? araanba thabak toubashingbu ubada ebungngodi khaangba ngamdabani. Makhoydagi henna shengthoiba mishingsibu manghanbiraba matamsida Ebungngona karigidamak tuminna leithokpiribano?
14 Makok maru paandaba nga nattraga tin-kang shanggu amagumna mishingbu Ebungngona loubiba chumde. Maasibu achumba kougadra?
15 Ngaagi matougumna Babylongi mishingna mishingsibu khoi thaktuna hoiri.
16 Makhoygi langduna makhoygi apaamba pumbaa piba ngamba maramna makhoyna langdubu thounachingba touduna eratthok-e.
17 Matam pumnamakki oinaa makhoyna laang thaaduna Jaatshingbu thoujaan yaaodana tumna manghan-gadouribra?